ဖဲသုံးချပ်သမား
ဖဲသုံးချပ်သမား
တင်မိုး
သဟောက်သဟတွေနဲ့
ခြောက်ပြနေပေမယ့်
အောက်ကျနောက်ကျလုပ်ရပ်လို့
သိတတ်သူတွေ မရှား။
လူ့အကြော လူ့မနောကို
နောကြေအောင် သိပြီးမို့
ခပ်ဖြီးဖြီး ခပ်ရွှီးရွှီးနဲ့
ပတ္တီးရိုက်စားနေတာကိုလည်း
အထာပေါက်ပြီးသား။
ကိုယ့်လိမ်ဆင် ကိုယ်ယုံပြီး
အများက နုံတုံတုံ
အထုံ အအ တွေမို့
ယုံကြမှာ ဧကန်လို့
ဉာဏ်နီဉာဏ်နက်နဲ့ တွက်တတ်ကြတယ်။
ဖဲသုံးချပ်သမားဟာ
အမြဲသုံးသပ်မှားနေလို့
လိမ်စားမြဲ လိမ်စားနေရတာ မဟုတ်လား။ ။
တင်မ
ခွပ်ဒေါင်းအက
ခွပ်ဒေါင်းအက
နေခိုင်
ရွှေမင်သုတ်ထားတဲ့ စာသင်ခန်းတွေ
သင်းကွပ်ခံရတဲ့ ဗလာစာအုပ်တွေ
တလွဲဆံပင်ကောင်းနေတဲ့ ဦးနှောက်တွေ
အားလုံး အားလုံးဟာ ...
စနစ်တကျ မြေလှန်အသတ်ခံခဲ့ရ
ပြားသွားပြီဖြစ်တဲ့ ကမ္ဘာကြီးပေါ်
ဘယ်ကကြိုးနဲ့ 'က'ရမှာလဲ။
ကြည့်လိုက်စမ်းပါ ...
မပြယ်သေးတဲ့ ယမ်းငွေ့တွေကြား
ခွပ်ဒေါင်းအလံ တလွှားလွှားနဲ့
ဆန်တက်နေဆဲ ဝိညာဉ်တွေ
တိုက်ပွဲကို ကမ်းလင့်နေတယ်။
နားစွင့်လိုက်ပါ ...
သွေးညှီနံ့ တထောင်းထောင်းထဲက
"မြင်းခွာတစ်ချက်ပေါက်ရင်
မီးဟုန်းဟုန်းတောက်စေရမယ်" ဆိုတာ
ဖိနှိပ်ခံရခြင်းမှာ
ယဉ်ပါးဖို့ဗီဇ လုံးဝမပါတဲ့
သစ္စာရေမသောက်လည်း သစ္စာကြီးတဲ့
ခွပ်ဒေါင်းတို့ရဲ့ သင်္ကေတ။
အာဏာရှင်စစ်ဘီလူးတွေကို
ကြောက်ဒူးတုန်စေတဲ့ ခွပ်ဒေါင်းမျိုး
ဘယ်တော့မှ သမိုင်းမညှိုးဘူး။
အရိပ်ဆိုးကန့်လန့်ကာကို ရိုက်ချိုး
ရှေ့ကိုတိုးထွက်ခဲ့ကြ
ကမ္ဘာပြားကြီးရဲ့ ဇာတ်ခုံပေါ်မှာ
မျက်နှာပန်းလှစေဖို့
ခွပ်ဒေါင်းမာန်ကိုသွင်း
ခွပ်ဒေါင်းဘဝ ခွပ်ဒေါင်းအလှ
ခွပ်ဒေါင်းအကနဲ့ 'က' ။ ။
နေခိုင်
အကောင်းဖြစ်ဖြစ် အဆိုးဖြစ်ဖြစ်
အမြစ်ကနေ လှန်သစ်မယ်ဆိုပြီး
ဘာ ... ရမက်ပေါ်မှာမှ
ဘဝကို မစိုက်ပျိုးမိတာ
မိုက်တွင်းနက်မှု … တဲ့
ကျနော့် ငွေတွင်းလည်း မတိမ်ပါဘူး။
“ဖခင်ကြီး” ဆိုသူက
“စိတ်နဲ့တောင်မပြစ်မှားနဲ့” တဲ့
ကျနော်က
ကံ ၃ ပါးလုံးနဲ့ မှောက်မှားပြီး
“သော့အိမ်” မှာ
ပိတောက် ၁၅ ကြိမ်အပွင့်ခံတယ်။
တခုတော့ရှိတယ်
ငြိမ်းချမ်းချင်ရုံလေးနဲ့
စစ်ထွက်ခဲ့လား ဆိုလည်း
မဟုတ်ပြန်ဘူး။
တခုတော့ရှိတယ်
အဆိုးထဲမှာ
အကောင်းရှာလား ဆိုလည်း
မဟုတ်ပြန်ဘူး။
ဒီတုန်းက
မစားရဝခမန်း မနက်ဖြန်တွေ …
ခုလို -
သဲရှပ်ပုံနဲ့သာ ကြိုပြီး ပက်ပင်းတိုးထားရင်
အန္တရာယ်ကင်း ဂါထာတွေများ
ရွတ်ဖတ်နေမလားမပြောတတ်ပါဘူး။
အမေပြောတဲ့
မသေကောင်း မပျောက်ကောင်း ... ပါပဲ
ဒါပေမယ့်
သေကောင်းပေါင်းလဲ ဘဝ။
ပက်ခြင်မပြည့်တဲ့လမ်း
ပက်ခြင်မပြည့်တဲ့လမ်း
သစ်ကောင်းအိမ်
အတောင်ပံတွေက
ပျံသန်းခြင်းမှာ အကျဉ်းကျနေတယ်
ကောင်းကင်က
မိုးကုတ်စက်ဝိုင်းထဲမှာ အကျဉ်းကျနေတယ်
မီးရထားဘီးတွေက
သံလမ်းတွင်းမှာ အကျဉ်းကျနေတယ်။
မလှဲဘူး
လွှင့်တုန်းပါပဲ
အလံလည်း အသံတွေဝင်လို့
စွဲစွဲမြဲမြဲ ချစ်စိတ်မပြယ်။
ကျောင်းပြေးခဲ့တယ်
အိမ်ပြေးခဲ့တယ်
မိန်းမတယောက်ရင်ခွင်က ပြေးခဲ့တယ်
ခုလည်း … တိုင်းပြည်က ပြေးပြန်တယ်။
အ၀င်ဆိုးလိုက်တာ …
အ၀င်ဆိုးလိုက်တာ … …
အ၀င်ဆိုးလိုက်တာ … … …
ငရဲမှာ ပြဒါးဖမ်းကြ
ငရဲမှာ အပ်ပျောက်ရှာကြ။
တမွန်းတည့်မကတဲ့ခေတ်
တရားသဖြင့်
ပန်းတို့ပွင့်ရန် …
အို ... အသင်ဒေ၀ဒတ်
သံသရာအဆက်ဆက်
ခြစ်ရာများ
ချစ်ခဲ့တယ်။ ။
သစ်ကောင်းအိမ်
သိန်းစွန်ငှက် အပြန်လမ်း
ပိုင်စိုးဝေ
ဧပြီ ၂၃၊ ၂၀၀၉
(၂၁ - ၃ - ၈၆)
နောက်ဆုံးအခေါက်ပါပဲ
ကျွန်တော်
ရွာကိုပြန်လာခဲ့ပါတယ်
အမေ ။
ရွာဆိုတာ .........
တမာ ထနောင်း
ရှားစောင်း ပြာဿဒ်
သန်း ဒဟတ်ပင်တွေနဲ့ ၊
မိုးနှံချုံပုတ် ၊ ရှားပင်ငုတ်တို
နီညိုညို ကျောက်ခဲလုံးတွေနဲ့
ထန်းပင်မြင်မြင့်ကြိးတွေကြားက
တဲကလေးတစ်လုံးပါ ။
အဲဒီတဲကလေးထဲ
အမေ လဲလျောင်းနေပေါ့။
အမေ .... ကျွန်တော်ရောက်လာပြီ အမေ ။
အမေ့ ခြေအစုံကို ပွေ့ဖက်
အသံမထွက်ဘဲ ကျွန်တော် ငိုတယ် ။
ထန်းပင်မြင့်မြင့်ကြီးတွေ ပေါ်က
ရွက်ယောင်းခြောက်တွေ
တရှဲရှဲမြည်လို့ ... ... ... ... ။
ကျွန်တော့်ကို စကားမပြောချင်လို့
အမေ့ သွားတွေ တင်းတင်းစေ့ထားသလား
ကျွန်တော့် ကို မမြင်ချင်လို့
အမေ့ မျက်လုံးတွေ မှိတ်ထားသလား
ထ ကြည့်ပါဦး
စကားပြောပါ ဦး အမေရယ် ။
ဟော .. အမေ .....
အမေ့ကို သူတို့
ဟိုးမှာ မန်ကျည်းပင်တွေ စိမ်းစိမ်းညို့ညို့နဲ့
ဇရပ် အိုအို
ကျောက်တုံးနီညိုညိုတွေ စီထားတဲ့
သင်းချိုင်းဆိုတဲ့ နေရာကို
ပို့ကြတော့ မလို့တဲ့ ။
လှည်းဘီးကို ပြင်ဆင်ပြီးကြပေါ့
အမေ့ အလောင်းကို
ခေါင်းထဲထည့်ကြပေါ့
ကြေးစည်ကို
ရိုက်နှက်ကြပေါ့ ။
ကျွန်တော်
မငိုပါဘူး အမေ
ငိုလို့ မရတော့ဘူး အမေ
အမေ့မြေး ကလေးလေးတွေ
ကျွန်တော့်တူနဲ့ တူမလေးတွေ
သူတို့ ငိုပါစေ ။
အမေ့သား သူတို့ရဲ့အဖေ
ကျွန်တော့် အကိုကြီး
အမေ့သမီး သူတို့ရဲ့အမေ
ကျွန်တော့်အစ်မ ၊
သူတို့မောင်နှမ
အမေ့အရင် စောစောစီးစီး
ဟောသည်လောကကြီးထဲက
ထွက်ခွာသွားကြတော့
မိတဆိုး ဖတဆိုး
ဟောသည်ကလေးလေးတွေ
အမေ့အတွက် သူတို့ငိုပါစေ ။
အမေ့ အတွက်
သူတို့မျက်ရည်တွေဟာ
ထိုက်တန်ပါတယ် အမေ ။
ကျွန်တော်ကတော့
နွေဦးရက်တွေ အကြောင်း
သီချင်းမဆိုနိုင်တဲ့
ဥသြငှက်တစ်ကောင်ရဲ့ ကြေကွဲမှုလို
ယာခင်းထဲက အမေ့ဘဝကို
အဝေးကပဲ
တမ်းတပူဆွေးခဲ့သူပါ အမေ ။
'' အမေ ......နေကောင်းပါစေ။
အမေ့အား ထာဝရလုပ်ကျွေးပြုစုနိုင်သည့်ကိုယ်
ဖြစ်ရပါလို၏ ''
ည အိပ်ရာဝင် ၊ ရင်ထဲလှုပ်ခတ်
ပဲ့တင်ထပ်ခဲ့တဲ့
ခွန်အားမဲ့ဆုတောင်းသံများကြား
ရှည်လျှားလွန်းတဲ့ ညတွေသာ
ခန္ဓာကိုယ်ပေါ်
တိတ်ဆိတ်စွာ ကြေပြုန်းခဲ့ရ ။
မနေ့ကတော့
'' အမေ့ဆုံးပြီ ၊ အမြန်လာ '' တဲ့ ။
ကုသိုလ်ကြမ္မာ ၊ နုံချာလို့လား
ဆုတောင်းများ
မပြည့်ဝခဲ့ဘူး အမေ ။
အမေကမွေးပေမယ့်
အမေကို လုပ်မကျွေးနိုင်ခဲ့တဲ့
ဟောသည် ခန္ဓာကိုယ်ကြီးဟာ
ဘာအသုံးကျတော့မှာလဲ ။
အဲသည်လို နောင်တ တရားတွေက
နှလုံးသားကို ကုတ်ခြစ်
ဘဝ ဆိုတာကိုလည်း
မကျေမနပ်ဖြစ်မိပေါ့။
ကျွန်တော်
မငိုရဲတော့ ပါဘူး အမေ
ငိုဖို့ရာ ရှက်လှပါတယ် အမေ
အမေနဲ့ အတူ
အမေကို ခြေဆုပ်လက်နယ်ပြုခဲ့တဲ့
ဟောသည် ကလေးလေးတွေ
သူတို့ ငိုပါစေ
ကြေးစည်ကို သူတို့ ရိုက်နှက်ကြပေါ့
လှည်းဘီးကို သူတို့ တွန်းကြပေါ့ ။
ဟော .......
နီညိုညိုကျောက်တုန်းတွေကြားက
ရထားတစ်စင်းဟာ
အဝေးကို ထွက်သွားပြီ ။
ဟိုး .... လွန်ခဲ့တဲ့အနှစ်နှစ်ဆယ်
သည်ရွာက လူငယ်
ကျေးတောသားတစ်ယောက်
သည်ရွာကိုပြန်ရောက်မလာ
ရထားဟာ သူ့ကို
အဝေးသို့ ခေါ်ဆောင်သွားခဲ့ ။
သူနဲ့ သူစီးသွားတဲ့ ရထားအကြောင်း
လူတွေ မေ့ကြပေါ့ ။
ပြောဆိုအမှတ်ရသူ
တစုံတစ်ယောက်မျှ မရှိတော့ ။
အဲသည်လူငယ်ဟာ
အခု
အမေ့အလောင်း အမေ့ခေါင်းကို
ဖက်ဖက်ပြီး ငိုနေတဲ့
ကျွန်တော်ပဲပေါ့ အမေ ..... ။
ဟောသည်ယာခင်းတွေကြား
အမေ နေ့တိုင်းလှုပ်ရှားခဲ့တာ
ကျွန်တော် မမြင်နိုင်ခဲ့ဘူး ။
အမေ့သမီး
ကျွန်တော့်အစ်မရဲ့ ယောက်ျားက
ထန်းရည်သမား ၊ ထန်းရည်ချိုး ။
အမေ့သား
ကျွန်တော့် အကိုကြီးရဲ့ မိန်းမက
မီးယပ်ကျိုး၊ မျက်စိတစ်ဘက်ကွယ် ။
သူတို့ တစ်တွေနဲ့ ကျန်ရစ်ခဲ့တဲ့
အမေ့မြေး ကလေးတွေနဲ့ အတူ
ထန်းလျက်ကျို ၊ ထင်းခွေရေခပ်
ငတ်မသေဖို့
အမေရုန်းကန်ခဲ့တဲ့နေ့တွေမှာ
ကျွန်တော်သာ
ဟိုအဝေးမှာပေါ့ ။
ဟိုတနှစ်က
တရွာလုံး မီးလောင်ပြာကျ
အဲသည်ကတည်းက အမေဟာ
ရွာထဲကိုပြန်မရောက်
အိမ်ပြန်မဆာက်နိုင်
ထန်းပင်အောက်က ထန်းတဲမှာ
အမေ အနေကြာခဲ့ပါတယ် ။
အမေရေ ........
အမေရေ ........
ကြေးစည်ကို ရိုက်နှက်ကြပေါ့
လှည်းဘီးကို သူတို့တွန်းကြပေါ့ ။
ဟိုး အနောက်တောင်တောတန်းက
ထန်းပင်ရိပ်ဖျားမှာ
နေလုံးဟာ တဖြည်းဖြည်းညိုခဲ့ပေါ့ ။
တောင်သူဓလေ့
ယာမီးငွေ့တွေ လွင့်တက်လာပေါ့။
ဟိုတောင်ကမူကမ်းပါးမှာ
မြက်စားနေတဲ့ နွားမတွေက
အမေ့ကို နှုတ်ဆက်နေကြသလား ။
သိန်းစွန်ငှက်အပြန်လမ်းမှာ
ကျီးကန်းတွေ ကသုတ်ကရက်နဲ့
ရွာဘက်ဆီ ပျံပြေးကြပေါ့ ။
နေညိုချိန် အိမ်အပြန်လမ်းမှာ
တောတန်းလျှိုမြောင်
ဟို အနောက်တောင်ထဲ
မှောင်မည်းမည်းက
ကျွန်တော့်ဘဝကို မဝါးမျိုမီ
ကလေးဘဝအရွယ်
ငယ်ငယ်တုန်းကလေ
တောင်ရိပ်တောင်ကြား
သစ်ပင်ဖျားမှာ
မားမားရပ်နေ တစ္ဆေတွေလား ။
အမေရေ
တစ္ဆေဆို ကျွန်တော်ကြောက်လှချည့် ။
တညသား
ပျူစောထီးဆိုလား ရဲဘော်ဖြူဆိုလား
တံခါးကို တအားခေါက်
နွားကောက်စမ်း မြန်မြန်လုပ်
သေနတ်တွေ ထုတ်ချိန်ပြီး
အခိုင်အခံ့ လှည်းတစ်စင်း
နွားပြာညို တစ်ရှဉ်းနဲ့အတူ
'' လှည်းမောင်း ပို့ ဆိုပြီး ''
အဖေ့ကို ခေါ်သွား
ရွာအနောက်ဘက်တောအုပ်ကြားက
သေနတ်သံတစ်ချက်ကြားလိုက်ရ။
အဖေရေ ......
အဖေရေ .......
ကျွန်တော်တို့ မိသားစု ဘဝ
ရာဇဝင်ကို ဖြတ်သန်းရတဲ့ညပေါ့ ။
လွတ်လပ်ရေးပြီးခါစ
သူခိုးဓားပြတွေ
တန်ခိုးပြလို့ကောင်းဆဲ
ခေတ်ကြီးထဲ လူဖြစ်ခဲ့ရတဲ့
ကျွန်တော်
အမေ့ရဲ့ကျောပေါ်မှာ
သေနတ်သံတွေကြား
ပြေးလွှားပုန်းအောင်း
ရွာတောင်စောင်း နဘူးချုံထဲ
ည တိုင်းပဲ အိပ်ခဲ့ရတယ်
ဟုတ်လား အမေ ။
စစ်စနက်မီး အကြွင်းအကျန်တွေနဲ့
ခေတ်အပျက်ကြီးကို တွန်းလှန်ရင်း
အမေရယ် တခြားအမေတွေရယ်
အမေတွေ အားလုံး
ကလေးတွေ ကို ပုခုံးပေါ်တင်ပြီး
ပြေးကြလွှားကြ ၊ ပုန်းကြအောင်းကြနဲ့
တချို့ သားသေ ၊ တချို့လင် ဆုံး
စစ်ဆိုတာကြီးးကို
မုန်းခဲ့တယ် မဟုတ်လား အမေ ။
အဖေမရှိတဲ့နောက်
အမေရယ် အကိုကြီးရယ် ၊ အမရယ်
ကျွန်တော်ရယ်လေ
လောက ကမ်းပါးမှာ
စမ်းတဝါဝါး လျှောက်ခဲ့ကြပေါ့ ။
အရွယ်ရောက်ခါစ အစ်ကိုကြီး
ထန်းလှီးသင်ရပေါ့ ။
အစ်ကိုကြီးဟာ
သာသနာ့ဘောင်မှာ အရိုးထုတ်
ဘုန်းကြီးလုပ်ဖို့ စိတ်ကူးရှိပေမယ့်
ကျွန်တော့်တို့ အတွက်
ယုံကြည်ချက်တွေ စွန့်ခဲ့ရပြီပေါ့ ။
ကျွန်တော်ကတော့
သျှောင်တစ်စောင်းနဲ့ ဘုန်းကြိးကျောင်သား
ပြီးတော့ ပြည်တော်သာကျောင်းရောက်
ကျောင်းဆင်းချိန်မှာ
သိုး ဆိတ် နွားကျောင်း ။
ကျွန်တော် တို့ တစ်တွေ
ဟိုသပြေပင်တောင် စောင်းဆီက
လက်ပြဟစ်အော်
သီချင်းတကြော်ကြော်နဲ့
ခွေးခေါ် ပတတ်တူး
ဟင်းရွက်ခူး ယုန်ရှာ
တောင်ယာလုပ်သူ ထင်းခုတ်သူတွေ
ထန်းလျက်ကျိုသူ ထန်းတက်သူတွေ
နေကပူလောင်
ကုန်းခေါင်ခေါင်မှာ
ဟိုးအနောက်တောင်မှာ
မှိုင်းပြာပြာ မြူခိုးတွေနဲ့
ပုပ္ပါးဆိုတဲ့တောင်တော်မြတ်ကြိးဆီ
မျှော်ကြည့်ငေးမော
စိမ်းလန်းတဲ့ယာတောတွေကြား ။
အစ်ကိုယ်ကြီးက ထန်းလှီး
ကျွန်တော်က ထန်းရည်အိုးသယ်
အမေရယ် အစ်မရယ်က
ထန်းလျက်ကျို ရက်ကန်းခတ် ထင်းခွေ
တစ်ခါတလေ မြေပဲကောက်
တစ်ခါတစ်လေ ဝါစိုက်
တောအလိုက်လုပ်ငန်းစုံပေါ့ ။
'' မြို့ရွာနိဂုံး ၊ ပျက်ပြုန်းစေအောင်
ဓားပြကြီးကြီး မိုက်သီးအခေါင်
မီးနှင့် မြိုက်လို့ ၊ တိုက်ခိုက် ပူလောင်
ဝ သ လ ၊ မှတ်ကြ သူယုတ်ကောင် ''
'' ခလောက်လေးရယ်တဲ့ ဒိုးဒိုးဒေါင်
ပျိုတို့ မောင်ယာ မလုပ်တယ်
ဝါးခုတ်တဲ့တောင် ''
အဲသည်လို အကိုကြီး တတ်တဲ့
ကဗျာတွေ ၊ သံပေါက်တွေ
ကျွန်တော့် မှာ အမွေရခဲ့ပေါ့ ။
'' နေညိုချိန်တိမ်တောက် ပျိုကြောက်တဲ့သည်အချိန်
ဆီးမီးကွယ်မှန်အိမ်နဲ့ ........ ''
အဲသည်လို
ကျေးလက်ဘဝ သီချင်းကဗျာတွေ
ရင်ထဲ မှာ အမြစ်တွယ်ခဲ့ရပေါ့ ။
အမေရေ .......
ကြေးစည်ကိုရိုက်နှက်နေကြပေါ့
လှည်းဘီးကို သူတို့ တွန်းကြပေါ့ ။
အမေခေါင်းချခဲ့တဲ့
တဲကလေးဟာ
အမေ့ ရွာနဲ့ အလှမ်းဝေးပေမယ့်
သည်တောသည်တောင်ကြား
အမေကို
တစ်ယောက်တည်း မထားရက်ပါဘူး အမေ ။
အမေ့အမေ ကျွန်တော် အဘွား
ကျွန်တော်အဘွားရဲ့ အမေ့အမေ စတဲ့
ဆွေမျိုးတော်စပ်သူရော မတော်သူပါ
တစ်ရွာလုံးနောက်ဆုံး စုဝေးရာ
ဟောဟို ဇရပ်အိုအိုရဲ့
သုဿာန်ဆိုတဲ့ နေရာရောက်အောင်
အမေ့ကို
ကျွန်တော်တို့ ပို့ မှာပေါ့ ။
လမ်းက ကြမ်းလိုက်တာအမေ
တောင်ကမူကျတ်တီးကြား
နှစ်တွေများစွာရေတိုက်စားမှုနဲ့
ပျက်လုလု လှည်းလမ်းပေါ်မှာ
အမေ့ခေါင်းဟာ ၊ လှုပ်ယမ်းလှချည့်
ဖြည်းဖြည်း ... ဖြည်းဖြည်း ........
ဆူးကိုင်းတွေဘေးဖယ်
မျက်နှာကို ခြစ်မိကြဦးမယ်။
ဟိုသုဿာန်ကိုရောက်တဲ့ခါ
ဘုန်းကြီးတွေက
သရဏဂုံကို ရွတ်ဖတ်
ကျွန်တော့် လက်နဲ့ ရေစက်သွန်းချ အမျှဝေ
အမေ ကောင်းရာသုဂတိလားပါစေလို့
ကျွန်တော် အမျှဝေမယ်
ကျွန်တော့် ကိုယ်ပေါ်မှာ
ဖုန်တွေပေကပ်
ညစ်ပတ်နေမလားဘဲ။
မန္တလေးက မိတ္ထီလာ
မလှိုင် ပန်းအိုင်တစ်လမ်းလုံး
ဖုန်လုံးကြီးထဲ ဖြတ်ခဲ့ရ
အခုလည်းပဲ ဖုန်လုံးကြီးထဲမှာ ။
ဖုန်တွေ ပေကပ် ညစ်ပတ်နေမလားဘဲ။
ဟိုသုဿာန်ကိုရောက်လို့
ရေစက်သွန်းချ အမျှဝေတဲ့ အခါ
ငယ်ဆရာ ဘုန်းတော်ကြီး
ကျွန်တော့် ကိုကြည့်ပြီး
အံ့သြနေလိမ့်မယ် ။
ညရောက်တဲ့ အခါ
ဦးလေးဘယ်နေ့ ပြန်မှာလဲ
တစ်နှစ်တစ်ခါ ပြန်လာပါနော်
ကျွန်တော် ကျောင်းဆက်နေချင်တယ်
ညီမလေးမှာ ဝတ်စရာအင်္ကျီ မရှိတော့ဘူး ။
ဟောဒီအငယ်မ
မနှစ်က နှစ်တန်းကျတယ်
ငါ့မောင်ရယ်
ဟောဒီကျန်နေတဲ့
မျက်စိတစ်ဘက်ကလည်း
ဆရာဝန်က ခွဲရမယ်တဲ့
အစ်မလည်း ကြောက်တတ်လို့
ဆေးရုံကို
နောက်ထပ် မရောက်တော့ပါဘူး
စတဲ့ ... စတဲ့ စကားလုံးတွေကြား
ကျွန်တော် ဘာများ
တာဝန်ယူနိုင်မလဲ
မင်းတို့ အတွက် ၊ ငါ့အတွက်
အနှစ်သုံးဆယ်လုံးလုံး
ဦးလေးစဉ်းစားနေတုန်းပဲ
ဦးလေးဟာ
စဉ်းစားနေတုန်းပါပဲကွယ် ။
တစ်စုံတစ်ရာ
ကတိတွေပေးထားပစ်ခဲ့ပြီး
နံနက်ခင်းတစ်ခုမှာ
ငှက်တစ်ကောင်လို ပျံပြေးသွားမယ်။
ဟိုတစ်ခါက
အမေ့ကို ထားပစ်ခဲ့သလိုမျိုး
'' ဟောသည်ကမ္ဘာမြေကြီးရဲ့
နာမကျန်းမှုတွေကို ဆေးဝါးကုသဖို့
ကျွန်တော်ကဗျာဆရာ လုပ်ရမယ်
ကဗျာ ဆရာလုပ်မှ ဖြစ်မယ် အမေ ''
အဲသလို ဆိုပြီး
အမေ့ကို ထားပစ်ခဲ့တုန်းက
ယာခင်းနံဘေး
တောလမ်းလေးပေါ်မှာ
မြက်ရိုင်းပင်တွေ ကိုတိုးဖြတ်
တရှပ်ရှပ်နဲ့ ကျွန်တော့် ဖိနပ်သံတွေ
ကျန်ရစ်ခဲ့တယ် ။
ယာခင်းတွေ နောက်မှာချန်
တောတန်းတွေ ကျန်ရစ်ခဲ့တယ်။
ကျောက်စရစ်ကုန်းခေါင်
တလင်းပြောင်မှာ
ယုန်ထောင် ပတတ်တူး ချိုးတည်
ငယ်ဘဝတွေ ကျန်ရစ်ခဲ့တယ် ။
လိမ်လိမ်မာမာနေဖို့
စကားလုံးတို့ တုန်ခါ
အမေ့ မျက်နှာပေါ်က
မျက်ရည်စတွေ ကျန်ရစ်ခဲ့တယ်။
သူငယ်ချင်းတွေ
လက်ပြနေဆဲ ၊ ဥသြဆွဲပေါ့ ။
တရှဲရှဲမြည်လျက် ရထားထွက် ခွာ
တုန်ခါနေတဲ့ ဓာတ်ကြိုးပေါ်မှာ
တောကျီးကန်းတစ်ကောင်
အော်မြည်ရင်း ကျန်ရစ်ခဲ့ တယ်။
မြို့ပြဘဝရဲ့
ခံစားမှုမြစ် ၊ ရသသစ်ထဲမှာ
ပလက်ဖောင်းတစ်လျှောက်
ဓာတ်တိုင်မီးတိုင်တွေ အောက်
တစ်ယောက်ကို တစ်ယောက်
ဖြတ်လျှောက်ကျော်သွားရင်း
သူစိမ်းဆန်တဲ့ လူတွေကြားမှာ
ဟို ... အနောက်တောင်ဆီကို ရော်ရမ်း
တောလမ်းကလေးကို
လွမ်းခဲ့ရပေါ့ အမေ။
နေညိုချိန်အိမ် အပြန်
လမ်းဘေးတိုက်ကြား ဓာတ်တိုင်နားမှာ
မားမားရပ်နေ တစ္ဆေတွေလား
'' အမေရေ
တစ္ဆေကို ကျွန်တော်ကြောက်လှချည့်
ယောင်ရမ်း ရွတ်ဆို မိသော်လည်း
ရဲရဲတင်းတင်း
ဖြတ်သန်းရပြီ အမေ ။
လူမှုဗေဒ ဝေါဟာရနဲ့
ရသသစ်တွေက
နှလုံးသားကို တအား ကုတ်ခြစ်
ပွတ်သပ်ပြီး ဖြေသော်လည်း
ယားယံမြဲပါ အမေ ။
ဆည်းဆာရီထဲ
တိုးရှဲဖြတ်သန်း
ကိုယ်လမ်းကို သွားခဲ့ရ
စကားငြင်းဆန်
ကားဟွန်းသံတွေကြား
နှလုံးသားတိတ်ဆိတ် မသိစိတ်မှာ
ရောဂါထူပြောခဲ့ပေါ့ အမေ ။
အမေ့ထံ ကျွန်တော် ပြန်မလာနိုင်တော့ဘူး ။
ငါ့မြေးလေးတွေ
အမေ မြင်ချင်လှပြီဆို ။
ဟော …
အကြီးလေးက မသုမာတဲ့
ပိန်ပိန်သွယ်သွယ် နဖူးကျယ်ကျယ်နဲ့
သိပ်ချစ်စရာကောင်းတယ် အမေ
အငယ်လေးက မငုဝါတဲ့
အစားပုတ်ပုတ် ၊ ဝတုတ်တုတ်ကေလေး
နောက်တစ်ယောက်က
သားကြိးမောင်ဖိုးကာ
ဆော့တဲ့နေရာမှာ မျောက်ရှုံးပါပဲ ။
ငယ်ငယ်လေးကတည်းက
မျောက်ကလေးလိုပဲ
ကြီးလာရင်မျောက်နဲ့တူမလားပဲ ။
သူတို့မောင်နှမတစ်တွေ
ဦးလေးတွေ အဒေါ်တွေနဲ့ တွေ့ဖို့
ကျွန်တော်လာချင်ပါရဲ့
ဒါပေမယ့် ... အမေ ။
ဟော ......
ကျွန်တော်တို့ အားလုံးအတွက်
အရွယ်မရောက်ခင်
ထန်းလှီးသင်ခဲ့ရတဲ့ အကိုကြီး
ထန်းပင်ပေါ်က ဇောက်ထိုးကျ
အနိစ္စရောက်ခဲ့ရပြီ မဟုတ်လား
ကျွန်တော့် အမ
အမေ့ သမီး ပိန်တာရိုးလေး
သားသမီးခုနှစ်ယောက်မွေးတော့
ဆင်းရဲမှုဒဏ် မခံနိုင်လို့ထင်ရဲ့
အနိစ္စရောက်ခဲ့ရပြီ မဟုတ်လား အမေ ။
အမေသည်တောသည်တောင်ထဲ မှာ
အမေသားသမီးတွေနဲ့
အနေဝေး ၊ အသေဝေးခဲ့ကြရသော်လည်း
အမေ တစ်ယောက်တည်းမဟုတ်လား
အမေ့မြေးတစ်အုပ်နဲ့
ထန်းလျက်ကျို ထင်းခွေ ၊ ရေခပ်
ကျွန်တော် တစ်ပြားတစ်ချပ်မှ
မထောက်ပံ့နိုင်ပေမယ့် ၊ ငတ်မသေခဲ့ဘူး
အမေသေရတာ
ငတ်လို့ မဟုတ်ဖူး အမေ ။
မနေ့က
အမေဆုံးကြောင်း ၊ ကြေးနန်းရတော့
ခရီးသွားဖို့ ဇနီးမယားနဲ့ တိုင်ပင်
ပြင်ရဆင်ရ ငွေရှာရနဲ့ပေါ့ ။
ညရောက်တော့လည်း ရင်ထဲမအေး
ပူဆွေးနေဆဲမှာ
ကလေးတွေက တီဗီသွားကြည့်ကြသတဲ့
သြော် .. မင်းတို့ အဖွားသေတဲ့ရက်
မင်းတို့အတွက်
ဘာမှ မခံစားရပါလားနော် ။
ငယ်သေးတဲ့ ကလေးလေးတွေပဲ
ဆိုတာက တစ်ကဏ္ဍပေါ့
မြို့ပြမှာနေတဲ့ ၊ အမေ့မြေးကလေးတွေ
အမေနဲ့ တအားဝေးခဲ့ပါလားဆိုတဲ့
အတွေးတွေက
တကယ့်ကိုပါပဲ
ဘဝ ဆိုတာကိုလည်း
မကျေမနပ်ဖြစ်ရပြန်ပေါ့ အမေ ။
ခံစားရပြီပေါ့
ကျွန်တော်ခံစားရပြီပေါ့ အမေ ။
ကျွန်တော်ဟာ
အဲဘတ်ကမူးမှ မဟုတ်ဘဲ ။
ကျွန်တော်ဟာ
မာဆိုးမှ မဟုတ်ဘဲ ။
အခက်အခဲတွေ ရှိပေမယ့်
ကျွန်တော်ဟာ
ဗုဒ္ဓဘာသာ မြန်မာယဉ်ကျေးမှုထဲက
လူတစ်ယောက် အဖြစ်နဲ့ပဲ
အသက်ရှင်နေဆဲပါ အမေ ။
အမေရေ .....
အမေရေ ...... အမေရေ ......
ကြေးစည်ကို ရိုက်နှက်ကြပေါ့
လှည်းဘီးကို သူတို့ တွန်းကြပေါ့
အမေ့ခေါင်းဟာ
လှည်းပေါ်မှာ ယိမ်းထိုးလို့
ရှားစောင်းပြဿာဒ်ပင်ပေါ်က
ဒေါ့ရင်းဆိုတဲ့ အကောင်တွေ
တကျည်ကျည်မြည်လို့
အမေ့မြေးကလေးလေးတွေ
အမေ့ ရဲ့ ဆွေမျိုးသားချင်းကလေးတွေ
အမေကကို ခင်မင်တဲ့ သူတွေ
မရဏတေးကို ရွတ်ဆိုငိုကြွေးလို့ ။
အမေ့ခေါင်းပေါ်
ညောင်ရွက်တွေကြွေကျ
ဒါဟာ သင်္ခါရတရားပေပဲလို့
ဆိုချင်သလား မသိပေဘူး အမေ ။
ကုန်တန်ချိန်အပြည့်နဲ့ ကားတစ်စီး
အဝေးပြေးလမ်းမကြိးပေါ်
ဖြတ်မောင်းသွားနေရဲ့
ထန်းပင်မြင့်မြင့်ကြီးတွေပေါ်က
ရွက်ယောင်းခြောက်တွေ
တရှဲရှဲမြည်လို့ ............... ။
ပိုင်စိုးဝေ ( အစိမ်းရောင်မြစ်သို့ တမ်းချင်း ကဗျာစာအုပ်မှ )
(စာကြွင်း - ဒီကဗျာအတွက် သရုပ်ဖော်ပုံ မတတ်နိုင်ပါ။ စာဖတ်သူကိုယ်တိုင် အသံထွက်ရွတ်ဖတ်ပြီး ကဗျာကို ကိုယ်တိုင်သရုပ်ဖော်ကြည့်ပါ့။)
(ကဗျာကို လက်ဆင့်ကမ်း ဝေမျှသူ ညိမ်းညို http://nyeinnyo.blogspot.com/ ကို ကျေးဇူးအထူးတင်ရှိပါတယ်
ခွပ်ဒေါင်းအက
ခွပ်ဒေါင်းအက
နေခိုင်
ရွှေမင်သုတ်ထားတဲ့ စာသင်ခန်းတွေ
သင်းကွပ်ခံရတဲ့ ဗလာစာအုပ်တွေ
တလွဲဆံပင်ကောင်းနေတဲ့ ဦးနှောက်တွေ
အားလုံး အားလုံးဟာ ...
စနစ်တကျ မြေလှန်အသတ်ခံခဲ့ရ
ပြားသွားပြီဖြစ်တဲ့ ကမ္ဘာကြီးပေါ်
ဘယ်ကကြိုးနဲ့ 'က'ရမှာလဲ။
ကြည့်လိုက်စမ်းပါ ...
မပြယ်သေးတဲ့ ယမ်းငွေ့တွေကြား
ခွပ်ဒေါင်းအလံ တလွှားလွှားနဲ့
ဆန်တက်နေဆဲ ဝိညာဉ်တွေ
တိုက်ပွဲကို ကမ်းလင့်နေတယ်။
နားစွင့်လိုက်ပါ ...
သွေးညှီနံ့ တထောင်းထောင်းထဲက
"မြင်းခွာတစ်ချက်ပေါက်ရင်
မီးဟုန်းဟုန်းတောက်စေရမယ်" ဆိုတာ
ဖိနှိပ်ခံရခြင်းမှာ
ယဉ်ပါးဖို့ဗီဇ လုံးဝမပါတဲ့
သစ္စာရေမသောက်လည်း သစ္စာကြီးတဲ့
ခွပ်ဒေါင်းတို့ရဲ့ သင်္ကေတ။
အာဏာရှင်စစ်ဘီလူးတွေကို
ကြောက်ဒူးတုန်စေတဲ့ ခွပ်ဒေါင်းမျိုး
ဘယ်တော့မှ သမိုင်းမညှိုးဘူး။
အရိပ်ဆိုးကန့်လန့်ကာကို ရိုက်ချိုး
ရှေ့ကိုတိုးထွက်ခဲ့ကြ
ကမ္ဘာပြားကြီးရဲ့ ဇာတ်ခုံပေါ်မှာ
မျက်နှာပန်းလှစေဖို့
ခွပ်ဒေါင်းမာန်ကိုသွင်း
ခွပ်ဒေါင်းဘဝ ခွပ်ဒေါင်းအလှ
ခွပ်ဒေါင်းအကနဲ့ 'က
အကောင်းဖြစ်ဖြစ် အဆိုးဖြစ်ဖြစ်
အမြစ်ကနေ လှန်သစ်မယ်ဆိုပြီး
ဘာ ... ရမက်ပေါ်မှာမှ
ဘဝကို မစိုက်ပျိုးမိတာ
မိုက်တွင်းနက်မှု … တဲ့
ကျနော့် ငွေတွင်းလည်း မတိမ်ပါဘူး။
“ဖခင်ကြီး” ဆိုသူက
“စိတ်နဲ့တောင်မပြစ်မှားနဲ့” တဲ့
ကျနော်က
ကံ ၃ ပါးလုံးနဲ့ မှောက်မှားပြီး
“သော့အိမ်” မှာ
ပိတောက် ၁၅ ကြိမ်အပွင့်ခံတယ်။
တခုတော့ရှိတယ်
ငြိမ်းချမ်းချင်ရုံလေးနဲ့
စစ်ထွက်ခဲ့လား ဆိုလည်း
မဟုတ်ပြန်ဘူး။
တခုတော့ရှိတယ်
အဆိုးထဲမှာ
အကောင်းရှာလား ဆိုလည်း
မဟုတ်ပြန်ဘူး။
ဒီတုန်းက
မစားရဝခမန်း မနက်ဖြန်တွေ …
ခုလို -
သဲရှပ်ပုံနဲ့သာ ကြိုပြီး ပက်ပင်းတိုးထားရင်
အန္တရာယ်ကင်း ဂါထာတွေများ
ရွတ်ဖတ်နေမလားမပြောတတ်ပါဘူး။
အမေပြောတဲ့
မသေကောင်း မပျောက်ကောင်း ... ပါပဲ
ဒါပေမယ့်
သေကောင်းပေါင်းလဲ ဘဝ။ ။
သပြေသက်သေ
မာမာအေး
မေ ၂၉၊ ၂၀၀၉
ဝေးနေ နီးနေ
သတိုးဆွေတို့
အိုးဝေသံမြူး
ငါသီကြူးသော
ထူးထူးကဲကဲ
ရဲရဲစွေးစွေး
ခွပ်ဒေါင်းသွေးပြ
ငါ့ဂီတကြောင့်
အမှောင့်တောဝါ
နှုတ်ပိတ်လာလည်း
ငါ့မှာ ခြေလက်
အသက်ရှိသရွေ့
ပွဲတွေ့လွတ်လမ်း
ငါ ကြိုးပမ်းမည်
အောင်ပန်းသပြေ … သက်သေသော်ဝ်
(မေ ၂၈၊ ၂၀၀၉
ကိုရီးယားလမ်းဆုံ (သို့) ကွမ်ဂျူး
အို ... ကွမ်ဂျူး၊ မူဒေါင်တောင်မဟာ
ငါတို့ရဲ့ နုပျိုသစ်လွင်တဲ့ မြို့တော်
သင်ယာ ... ငါတို့ကို
သေခြင်းတရားနဲ့ သေခြင်းတရားကြားက
ဆိုးဝါးလှတဲ့ မျက်ရည်တွေကို သုတ်စေခဲ့တယ်။
ငါတို့ဖခင်တွေ ဘယ်ဆီရောက်ကုန်ပြီလဲ
ငါတို့မိခင်တွေ ဘယ်နေရာမှာ လဲကျခဲ့ရပြီလဲ
ငါတို့သားတွေ ဘယ်နေရာမှာ သေဆုံးခဲ့ရတာလဲ၊ ဘယ်မှာမြှုပ်နှံခံခဲ့ရသလဲ၊
ပြီးတော့ ... ငါတို့ရဲ့ သမီးပျိုတွေ
ပါးစပ်အဟောင်းသားနဲ့ ဘယ်မှာ လဲလျောင်းနေခဲ့ရပြီလဲ၊
ငါတို့ စိတ်ဓာတ်တွေ
တစစီ မွချေရိုက်ချိုး ဖျက်ဆီးခံခဲ့ရတဲ့နေရာ ...။
ကွမ်ဂျူး ..။
ဘုရားသခင်နဲ့ ငှက်တွေရဲ့
မျက်ကွယ်ပြုခြင်းခံရ
လူသားရဲ့ စစ်မှန်တဲ့ ဂုဏ်သိက္ခာသည်သာ
ကြွင်းကျန်ရစ်တဲ့နေရာ
လဲကျ ... ယိမ်းယိုင် ... တဖန်ပြန်လည်ထမြောက်
ငါတို့ရဲ့ သွေးစွန်းတဲ့ မြို့တော်။
အို .. ဥတ္တရဖီးနစ်ငှက် .. ဖီးနစ်ငှက် .. ဖီးနစ်ငှက်
ဘာတခုမျှ မကျန်ရှိတော့သည့်တိုင်
သေခြင်းတရားကို သေခြင်းတရားအတွင်း နှိမ်နင်းဖို့ရာ
ဘဝကို သေခြင်းတရားအတွင်း ရှာဖွေဖို့ရာ
သင် .. စိတ်အားထက်သန်ခဲ့တယ်။
အခုဆိုရင်
´နေ´နဲ့ ´လ´သည်လည်း
တောင်ထိပ်ကတဆင့် ဆင်းလာခဲ့ပြီ
ဟောဒီခေတ်ရဲ့ တောင်တွေ အားလုံးသည်လည်း
မိုးထိမက မြင့်မားလာခဲ့ပြီ
လွတ်မြောက်ရေး အလံတော်သည်လည်း
မည်သူတဦးတယောက်မျှ ဆုပ်ဖြဲခြင်းငှာ မစွမ်းခဲ့ပြီ
လူ့ဂုဏ်သိက္ခာ အလံတော်ကိုလည်း
ငါတို့ အသွေးအသားနဲ့ ရက်လုပ်ခဲ့ကြပြီးပြီ။
အို ... ငါတို့ရဲ့ မြို့တော်
တခါတရံမှာ
ငါတို့ရဲ့ တေးသီချင်းတွေ၊ အိမ်မက်တွေ၊ ချစ်ခြင်းမေတ္တာတွေဟာ
ရေလှိုင်းများပမာ အလူးအလိမ့် ဖြစ်ခဲ့ကြရ
တခါတရံ သာမန်အုတ်ဂူအတွင်း သွပ်သွင်းခံကြရ၊
အို .. ကွမ်ဂျူး ... ကွမ်ဂျူး
မူဒေါင်တောင်မဟာကို ကျော်ပြီး
ဂိုလ်ဂိုသာရဲ့ တောင်ကုန်းကို ကျော်ပြီးတဲ့အခါ
ဒီနိုင်ငံရဲ့ သမိုင်းရေးရာ လမ်းဆုံလမ်းကွေ့ကို ပြနိုင်ခဲ့ပြီ
အို .. အဖဘုရားသခင်ရဲ့ သားတော်
ဒဏ်ရာနဲ့ သေခြင်းတရားမှအပ အခြားမရှိပြီ။
ငါတို့ အမှန်တကယ်ပဲ သေဆုံးခဲ့ကြပြီလား
ဒီနိုင်ငံကို သည့်ထက်ပိုပြီး မချစ်နိုင်ကြတော့ပြီလား
ငါတို့သားသမီးတွေကို သည့်ထက်ပိုပြီး မချစ်နိုင်ကြတော့ပြီလား
ငါတို့ သေဆုံးခဲ့ကြပြီလား
ငါတို့ တကြိမ်မက ကြိမ်ဖန်များစွာ သေဆုံးခဲ့ကြပြီလား။
´ချွန်ယန်နိုင်´ရဲ့ လမ်းတွေထဲမှာ
´ကွန်နန်နိုင်´ရဲ့ လမ်းတွေထဲမှာ
အိမ်နားနီးချင်းတွေ ဖြစ်ကြတဲ့
´ဟွာရောင်ဒေါင်´´စန်စုဒေါင်´ ယန်ဘောင်ဒေါင်´ရဲ့ လမ်းတွေထဲမှာ
ပြီးတော့ ... တခြားနေရာများစွာ ... များစွာမှာ
အို ... ရိုက်ချိုးဖျက်ဆီးခံရတဲ့ ငါတို့ရဲ့ အသွေးအသားတွေပေါ်မှာ
လေက ... ကတော့ထိုးပြီး တိုက်ခတ်လေရဲ့။
ဒီကနေ့မှာ
ငါတို့
လဲကျခြင်း လဲကျခြင်းနဲ့ မျက်ရည်သုတ်ခြင်းအလုပ်ကိုပဲ
လုပ်ကြရဖို့ ရှိသလား
ထိတ်လန့်ကြောက်ရွံ့ခြင်းနဲ့
ဘဝမှာ ဘာတခုမျှ လုပ်စရာမရှိဘဲ
ဒီအတိုင်း အသက်ရှူရပ်တည်ကြရတော့မှာလား။
အို ... အသက်ရှင် ကြွင်းကျန်ရစ်သူတို့
သင်တို့ရဲ့ ဦးခေါင်းတွေကို
ဘာ့ကြောင့်များ သူဖုန်းစားများပမာ
ဦးညွှတ်ထားခဲ့ကြသလဲ။
ချစ်လှစွာသော ရဲဘော်တို့
ငါ ... သင်တို့ကို စောင့်နေတယ်
ငါ လဲကျသေဆုံးခဲ့ရာ ဂိတ်ဝတံခါးမှာ ငါစောင့်နေတယ်၊
ဘာကြောင့်များ ငါ့ဘဝကို သူတို့ လုယူသွားပါလိမ့်
ငါတို့ ပိုင်ဆိုင်သမျှ ငှားရမ်းထားတဲ့ အခန်းကျဉ်းလေးမျှသာ ဖြစ်သည့်တိုင်
ငါတို့ ဘယ်လောက် ကျေနပ်ဝမ်းမြောက်ခဲ့ရသလဲ၊
သင့်ကို ငါ ဂရုတစိုက် စောင့်ရှောက်ချင်စမ်းပါဘိ
အို ... ချစ်စွာသော ရဲဘော်
သင့်ကလေးတွေကို ငါ့ရင်မှာ အပ်ပြီးမှ
ငါ ... သေပွဲဝင်ခဲ့တာပ
ငါကြေကွဲမိပေါ့
ငါ့ဘဝကို သူတို့ လုယူသွားကြ
ဒါကြောင့်မို့ နောက်ဆုံးမှာ
ဒင်းတို့ကို ငါသတ်မယ်
ဒင်းတို့ကို ငါ...သတ်ကိုသတ်ရမယ်
ဒင်းတို့ရဲ့ ပျိုရွယ်တဲ့ ဘဝ၊ ဒင်းတို့ရဲ့ ချစ်ခြင်းမေတ္တာ
ဒင်းတို့ရဲ့ သားသမီး၊ ဒင်းတို့ရဲ့့့့  ဒင်းတို့ရဲ့ .....၊
အို ... ချစ်သော ရဲဘော်တို့ ... ။
အို .... ကွမ်ဂျူး။ မူဒေါင်တောင်မဟာ
သင်ဟာ သေခြင်းနဲ့ သေခြင်းတရားအတွင်း
ချဉ်းနင်းထိုးဖောက်ရောက်ခဲ့ပြီ၊
ငါတို့ရဲ့ နုပျိုသစ်လွင်တဲ့ မြို့တော်
အဖြူရောင်ဝတ်စုံကို အလျင်အမြန် ဝတ်ဆင်လော့
အို .... ဖီးနစ်ငှက် .... ဖီးနစ်ငှက် .... ဖီးနစ်ငှက်
ဂိုလ်ဂိုသာရဲ့ တောင်ကုန်းကို
နောက်တကြိမ် ထပ်မံကျော်လွှားနိုင်ခြင်း
ဒီနိုင်ငံရဲ့ သမိုင်းရေးရာ လမ်းဆုံလမ်းကွေ့ရဲ့ ပြယုဂ်ဖြစ်စေလော့။
ယေရရှုခရစ်တော်
တကြိမ်မက ပျံလွန်တော်မူခဲ့ရ
တကြိမ်မက ပြန်လည်ရှင်သန်ထမြောက်ခဲ့ရ
ဒါက ဒီကနေ့ အသက်ရှင်ခြင်းနဲ့
ထာဝရရှင်သန်ခြင်းကို ပြဆို
သို့ပေငြား
ငါတို့ရဲ့ စစ်မှန်တဲ့ မေတ္တာများ
အကြိမ်တရာမက သေဆုံးခဲ့ရ
အကြိမ်တရာမက ရှင်သန်ထမြောက်ခဲ့ရ။
ငါတို့ရဲ့အလင်းရောင်
ငါတို့ရဲ့ အောင်ပွဲ
ငါတို့ရဲ့ နာကျင်မှုများ
အခုတော့ ငါတို့ ပိုပြီးရှင်သန်နိုင်ခဲ့ပြီ
ငါတို့ ပိုပြီး သန်စွမ်းလာခဲ့ပြီ
ငါတို့ ပိုပြီး နေထိုင်ရပ်တည်နိုင်ခဲ့ပြီ။
အို .... အခုဆိုရင်
ငါတို့တတွေ
သွေးချင်းဆက် ပခုံးချင်းယှဉ်
ရင်ဘောင်တန်းပြီး ရပ်ကြ
ဒီနိုင်ငံရဲ့ မူဒေါင်တောင်မဟာပေါ်
ငါတို့ တက်ခဲ့ကြ
မြင့်မြတ်တဲ့စိတ်အလျင် အပြာရောင်ကောင်းကင်ထဲ
လေဟုန်စီးကြ
`နေ´ နဲ့` လ´ ကိုလည်း
ငါတို့  နမ်းရှုပ်ပစ်လိုက်ကြ။
ကွမ်ဂျူး၊ မူဒေါင်တောင်မဟာ
အို .... ငါတို့ ရင်ထဲက အောင်လံတော်
အိပ်မက်တွေ ... လမ်းဆုံလမ်းခွတွေ
အချိန်ကာလ တလျှောက်လုံး
အစဉ်အမြဲ နုပျိုနေမယ့် .... ငါတို့ရဲ့ ပျိုရွယ်တဲ့မြို့တော်
အခုတော့
ငါတို့ လုံးဝ သွေးစည်းညီညွတ်ခဲ့ကြပြီ
တကယ့်ကို ခိုင်မြဲစွာ ခိုင်မြဲစွာ
ငါတို့  ......
ချိပ်တွဲထားတဲ့လက်တွေ
လေထဲ မြှောက်ထားလိုက်ကြပေါ့။
မြတ်မိခင်ဒေါင်း
ဒေါင်းကြယ်စင် သောကြာနေ့၊ မေလ 29 2009 13:52 - မြန်မာစံတော်ချိန်
အမှောင်မသန်း၊
အရောင်မနွမ်းပါတဲ့၊
အောင်ဆန်းဟေ့ စုကြည်။
မြန်ပြည်ထုရဲ့၊
အန်တီစု ဇာနည်။
ကွေ့မပြေးပါဘူး၊
ဖအေ့သွေးဟာ နီနီရဲပါလို့၊
ပြည့်အရေးမှာ ညီညီဇွဲနဲ့၊
တည်ကြည်ဆဲဟေ့ ဘာမထီ၊
မြန်မာပြည်ရဲ့ ခေါင်းဆောင်ကောင်း။
တကယ်ယုတ်မာ ပြိတ္တာများရယ်က၊
အကျယ်ချုပ်မှာ ပိတ်ကာထားရုံမက၊
မိစ္ဆာတရား အမှောင်ဉာဏ်ဆင့်လို့၊
ထောင်ဒဏ်နှင့်ပင် ထပ်ဖိချင်လည်း၊
ဗျတ္တိဉာဉ် မပြောင်းပါဘူး၊
သတ္တိအစဉ် ကောင်းပါဘိ၊
မြတ်မိခင်ဒေါင်း
ဒေါ်အောင်ဆန်းစုကြည်ကဗျာ
ထိန်လင်းထိန်လင်း
ဆယ့်ကိုးရက်နေ့ ဇွန်လဟာ
ဒေါ်စုမွေးနေ့ပါ။
တစ်ထောင့်ကိုးရာ လေးဆယ့်ငါး
ရန်ကုန်မြို့မှာ ဖွား။
ဦးအောင်ဆန်းနဲ့ ဒေါ်ခင်ကြည်
မွေးဖွားသန့်စင်သည်။
စိတ်ဓာတ်တည်ကြည် နှလုံးသား
ငြိမ်းချမ်းရေး လိုလား။
မြန်မာပြည်ကြီး လွတ်လပ်အောင်
ဒေါ်စု တို့ခေါင်းဆောင်။
ဦးဆောင်လို့သာ သူစွန့်စား
ပြည်သူတွေရဲ့ အား။
ညီညွတ်ရေးကို ဖော်ဆောင်သည်
ဒေါ်အောင်ဆန်းစုကြည်။
အနာဂတ်မှာ ပြည်ထောင်သစ်
ကြံဆောင် သူဖွင့်လှစ်။
သမီးလည်းချစ် သားလည်းချစ်
လူထုအားလုံးချစ်။ ။
