နိုင်ငံတကာ ဒေါ်အောင်ဆန်းစုကြည် NLD
ဒေါ်အောင်ဆန်းစုကြည် လွတ်မြောက်ရေး အမေရိကန် လိုလား

30 January 2010
မြန်မာစစ်အစိုးရ ပြည်ထဲရေးဝန်ကြီး ဗိုလ်ချုပ်မောင်ဦး က အစည်းအဝေးတခုအတွင်း ပြောခဲ့တဲ့ မှတ်ချက်နဲ့ပတ်သက်လို့ ဒေါ်အောင်ဆန်းစုကြည်က ဒါဟာ သူ့အပေါ် ချမှတ်ထားတဲ့ ထောင်ဒဏ်နဲ့ပတ်သက်ပြီး ပြင်ဆင်ချက် လျှောက်ထားတဲ့အပေါ် ဆုံးဖြတ်ချက် မချရသေးခင် တရားရုံးချုပ်ရဲ့ လုပ်ပိုင်ခွင့်ကို ထိခိုက်နိုင်တယ်လို့ ပြောဆိုလိုက်ပါတယ်။
အမေရိကန်နိုင်ငံခြားရေးဝန်ကြီး ဟီလာရီ ကလင်တန် ကလည်း ဒေါ်အောင်ဆန်းစုကြည်နဲ့ နိုင်ငံရေး အကျဉ်းသားတွေကို လွှတ်ပေးဖို့ မကြာသေးခင်ကပဲ ပြောဆိုခဲ့ပါတယ်။
"ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားတွေ အမြန်ဆုံး လွတ်မြောက်လာတာကို မြင်ချင်ပါတယ်။ မြန်မာနိုင်ငံနဲ့ ပိုပြီးကောင်းမွန်တဲ့ နှစ်နိုင်ငံဆက်ဆံရေး ထူထောင်ချင်ပြီး အဲဒီအလားအလာတွေကိုလည်း ကမ်းလှမ်းခဲ့ပါတယ်။ အာဏာရှင် အုပ်ချုပ်ရေးကာလကနေ၊ အထီးကျန်ဖြစ်နေတဲ့ အခြေအနေကနေ၊ လူ့အခွင့်အရေး ချိုးဖောက်မှုတွေ ရှိနေရာ ကနေ ပြောင်းလဲဖို့ အဆင်သင့်ရှိတယ် ဆိုတာကိုပြတဲ့ တိုးတက်မှုမျိုးတွေကို မြင်ရဖို့ တကယ့်ကို မျှော်လင့်နေ ပါတယ်။ မြန်မာနိုင်ငံနဲ့ ဆက်ဆံရေးကောင်းအောင် လုပ်ဖို့နဲ့ အကူအညီတွေပေးဖို့ အမေရိကန်ပြည်ထောင်စုက အဆင်သင့်ရှိပါတယ်။ ဒါပေမဲ့ အထောက်အထားတချို့ကို အရင်ဆုံးကြည့်ရမှာဖြစ်တယ်၊" - လို့ ဟီလာရီ ကလင်တန် က ပြောသွားပါတယ်။
ပြင်သစ်နိုင်ငံ ပဲရစ်မြို့မှာရောက်နေတဲ့ နိုင်ငံခြားရေးဝန်ကြီး ကလင်တန် နဲ့ ဗွီအိုအေ တို့ သောကြာနေ့က သီးခြားတွေ့ဆုံ မေးမြန်းရာမှာ အဲဒီလို ပြောဆိုခဲ့တာဖြစ်ပါတယ်။
ဒေါ်စု လွှတ်ပေးဖို့ မလေးရှား နိုင်ငံခြားရေးဝန်ကြီး တောင်းဆို

09 February 2010


မလေးရှား နိုင်ငံခြားရေးဝန်ကြီး
မစ္စတာ အနီဖာ အာမန်။
စက်တင်ဘာ ၂၈၊ ၂၀၀၉။
မြန်မာနိုင်ငံမှာ လွတ်လပ်ပြီး တရားမျှတတဲ့ ရွေးကောက်ပွဲ ဖြစ်လာစေဖို့ ရွေးကောက်ပွဲ မတိုင်ခင် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို လွှတ်ပေးဖို့ မလေးရှား နိုင်ငံခြားရေးဝန်ကြီး အနီဖာ အာမန် (Anifah Aman) က တောင်းဆိုလိုက်ပါတယ်။ မြန်မာ့အရေး ဆောင်ရွက်နေတဲ့ အာဆီယံ ပါလီမန် အမတ်များ အဖွဲ့ကလည်း မလေးရှား နိုင်ငံခြားရေး ၀န်ကြီးရဲ့ တောင်းဆိုချက်ကို ထောက်ခံ ကြိုဆိုလိုက်ကြပါတယ်။ အပြည့်အစုံကို ဒေါ်ခင်မျိုးသက်က တင်ပြပေးထားပါတယ်။
မလေးရှား နိုင်ငံခြားရေးဝန်ကြီး အနီဖာ အာမန်က မြန်မာနိုင်ငံမှာ ကျင်းပဖို့ စီစဉ်နေတဲ့ ရွေးကောက်ပွဲတွေ မတိုင်ခင် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို ပြန်ပြီး လွှတ်ပေးဖို့ တောင်းဆိုလိုက်တယ်လို့ ဒီနေ့ထုတ် ဘန်ကောက် ပို့စ် (Bangkok Post) သတင်းမှာ ဖော်ပြထားပါတယ်။ ဒါ့အပြင် မြန်မာနိုင်ငံက ရွေးကောက်ပွဲဟာ လွတ်လပ်ပြီး တရားမျှတမှု ရှိစေဖို့အတွက် အာဆီယံအဖွဲ့ဝင် နိုင်ငံအားလုံးနဲ့အတူ တညီတညွတ်တည်း တောင်းဆိုနေပါတယ်လို့လည်း ဆိုပါတယ်။
အခုလို မလေးရှား နိုင်ငံခြားရေးဝန်ကြီးရဲ့ တောင်းဆိုချက်ကို မြန်မာ့အရေး ဆောင်ရွက်နေတဲ့ အာဆီယံ လွှတ်တော်အမတ်များ အဖွဲ့ဝင်လည်းဖြစ်၊ မလေးရှားနိုင်ငံ ဆီလန်ဂေါပြည်နယ် အမှုဆောင် အကြီးအကဲလည်း ဖြစ်တဲ့ မလေးရှား လွှတ်တော်အမတ် ထရီဇာကော့က ထောက်ခံတယ်လို့ ပြောပါတယ်။
“ကျမအနေနဲ့ ကျမတို့ရဲ့ နိုင်ငံခြားရေးဝန်ကြီး အနီဖာ အာမန်ရဲ့ တောင်းဆိုချက်ကို ထောက်ခံပါတယ်။ မြန်မာနိုင်ငံရဲ့ ရွေးကောက်ပွဲမှာ ဒေါ်အောင်ဆန်းစုကြည် အပါအ၀င် အတိုက်အခံ နိုင်ငံရေးသမား အားလုံး ပါဝင်တဲ့ ရွေးကောက်ပွဲဖြစ်ဖို့ လုပ်ရမှာပါ။ မြန်မာနိုင်ငံရဲ့ နိုင်ငံရေးဟာ သောင်မတင် ရေမကျ ဖြစ်နေရာက ၁၉၉၀ နောက်ပိုင်း နှစ် ၂၀ ကြာမှ ရွေးကောက်ပွဲကို ထပ်လုပ်ဖို့အတွက် မြန်မာအာဏာပိုင်တွေက ပြောလာပေမဲ့ NLD ပါတီဝင်တွေနဲ့ တခြား အတိုက်အခံ နိုင်ငံရေး လှုပ်ရှားသူတွေကို ထိန်းသိမ်း အကျဉ်းချထားတာမို့ ဒီလူတွေ မပါဘဲ ရွေးကောက်ပွဲ ကျင်းပခဲ့ရင် တရားမျှတမှုရှိတဲ့ ရွေးကောက်ပွဲ ဖြစ်မှာမဟုတ်ဘူး။” လို့ ပြောသွားခဲ့ပါတယ်။
မြန်မာနိုင်ငံမှာ ရွေးကောက်ပွဲတွေကို အောက်တိုဘာလ ၀န်းကျင်မှာ လုပ်ပေးမယ့် သဘောမျိုး မြန်မာနိုင်ငံခြားရေး ၀န်ကြီးက အာဆီယံ နိုင်ငံခြားရေး ၀န်ကြီးများ အစည်းအဝေးမှာ ပြောကြားခဲ့တဲ့အပြင် ရွေးကောက်ပွဲဆိုင်ရာ ဥပဒေ ပြဋ္ဌာန်းနိုင်ဖို့အတွက် လုပ်ဆောင်မှုတွေဟာ ၇၀% ပြီးစီးနေပြီလို့လည်း လပိုင်းအတွင်းမှာပဲ ပြောကြားခဲ့ပါတယ်။
ဒေါ်အောင်ဆန်းစုကြည်ရဲ့ နေအိမ်ဝင်းထဲ အမေရိကန် နိုင်ငံသား ဂျွန် ယက်တော (John Yettaw) မဖိတ်ခေါ်ဘဲ လာခဲ့တာနဲ့ ပတ်သက်ပြီး ဒေါ်အောင်ဆန်းစုကြည်ကို နေအိမ်အကျယ်ချုပ် သက်တမ်း ထပ်ပြီး တိုးခဲ့တာဟာ နိုဝင်ဘာလရောက်မှ သက်တမ်းပြည့်တော့မှာမို့ တကယ်လို့ ဒီသက်တမ်းပြည့်ချိန် ရွေးကောက်ပွဲ ပြီးချိန်မှာမှ လွှတ်ပေးမယ်ဆိုရင် တရားမျှတမှုရှိတဲ့ ရွေးကောက်ပွဲ ဖြစ်မလာနိုင်ဘူးလို့ မစ်စ် ထရီဇာကော့က ပြောပါတယ်။
“တကယ်လို့ ဒေါ်အောင်ဆန်းစုကြည်ကို ရွေးကောက်ပွဲပြီးမှ လွှတ်ပေးမယ်ဆိုရင် ဘာမှ အဓိပ္ပာယ်ရှိတော့မှာ မဟုတ်ပါဘူး။ ဒါကြောင့် မြန်မာနိုင်ငံမှာ လွတ်လပ်ပြီး တရားမျှတတဲ့ ရွေးကောက်ပွဲ ဖြစ်လာစေချင်ရင် ဒေါ်အောင်ဆန်းစုကြည်ကို ရွေးကောက်ပွဲ မတိုင်ခင် လွှတ်ပေးဖို့ လိုပါတယ်။” လို့ မစ်စ် ထရီဇာကော့က ပြောသွားပါတယ်။
ရွေးကောက်ပွဲ မတိုင်ခင် ဒေါ်အောင်ဆန်းစုကြည်ကို လွှတ်ပေးမှ မြန်မာနိုင်ငံမှာ အမှန်တကယ် လိုအပ်နေတဲ့ အမျိုးသား ပြန်လည်သင့်မြတ်ရေးအတွက် လုပ်ဆောင်နိုင်မှာ ဖြစ်တယ်လို့လည်း အမျိုးသားဒီမိုကရေစီ အဖွဲ့ချုပ်က ပြောကြားခဲ့ပါတယ်။
လူ့အခွင့်အရေး အထူးကိုယ်စားလှယ် ဒေါ်စုနဲ့ တွေ့ဖို့ မျှော်လင့်

12 February 2010
မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် မစ္စတာ သောမတ်စ် အိုဟေး ကင်တားနား (Tomas Ojea Quintana) ဟာ တနင်္လာနေ့ မြန်မာနိုင်ငံကို ရောက်ရှိပြီးတဲ့အခါ ဒေါ်အောင်ဆန်းစုကြည်နဲ့ တွေ့ဆုံဖို့ မျှော်လင့်ထားတယ်လို့ ကြေညာချက်မှာ ပြောထားပါတယ်။
ဒီနှစ်နှောင်းပိုင်းမှာ ကျင်းပမယ့် ရွေးကောက်ပွဲ အစီအစဉ်နဲ့ ပတ်သက်ပြီး စစ်အစိုးရ ခေါင်းဆောင်တွေနဲ့လည်း မစ္စတာကင်တားနားက ဆွေးနွေးဖို့ ရှိပါတယ်။
မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး ကိုယ်စားလှယ်ဟာ မြန်မာနိုင်ငံကို ၅ ရက်ကြာ ခရီးစဉ်အဖြစ်နဲ့ သွားရောက်မှာ ဖြစ်ပါတယ်။ ရွေးကောက်ပွဲကြောင့် ၂၀၁၀ ဟာ မြန်မာပြည်သူတွေအတွက် အရေးကြီးတဲ့ နှစ်တနှစ် ဖြစ်လိမ့်မယ်လို့ သူက ဆိုပါတယ်။
ဒေါ်အောင်ဆန်းစုကြည်နဲ့ တခြား နိုင်ငံရေး အကျဉ်းသား ၂၁၀၀ ကို ဖမ်းဆီးထားတဲ့အတွက် လုပ်မယ့် ရွေးကောက်ပွဲဟာ ယုံကြည်ထိုက်တဲ့ ရွေးကောက်ပွဲ ဖြစ်ပါ့မလားလို့ ဒီမိုကရေစီ လိုလားတဲ့ အဖွဲ့တွေနဲ့ အနောက်နိုင်ငံတွေက သံသယ ရှိနေကြပါတယ်။
ဦးတင်ဦးလွတ်မြောက်မှု ကုလသမဂ္ဂကြိုဆို

14 February 2010
မြန်မာနိုင်ငံမှာ အမျိုးသားဒီမိုကရေစီအဖွဲ့ချုပ် အဲန်အယ်လ်ဒီ ဒုဥက္ကဌ ဗိုလ်ချုပ်ကြီးဟောင်း သူရ ဦးတင်ဦး ဟာ နေအိမ်အကျယ်ချုပ် ၆ နှစ်ပြည့်မြောက်တဲ့ ဖေဖော်ဝါရီလ ၁၃ ရက်၊ မနေ့က ပြန်လွတ်မြောက်လာတာကို ကုလသမဂ္ဂ အတွင်းရေးမှူးချုပ် ဘန်ကီမွန်းက ကြိုဆိုလိုက်ပြီး ဒီဖြစ်ရပ်ကနေ ပိုပြီးတော့ ယုံကြည်ရတဲ့ ဘက်ပေါင်းစုံပါဝင်တဲ့ နိုင်ငံရေးလုပ်ငန်းစဉ် ဖြစ်ပေါ်လာဖို့ မျှော်လင့်ပါတယ်လို့ ပြောသွားပါတယ်။
အသက် ၈၂ နှစ်ရှိပြီဖြစ်တဲ့ ဦးတင်ဦးဟာ စနေနေ့က ၇ နှစ်နီးပါး နေအိမ်အကျယ်ချုပ်ကနေ ပြန်လွတ်မြောက်လာတာပါ။ အဲန်အယ်လ်ဒီရဲ့ ရွှေဂုံတိုင် ကြေညာချက်စာတမ်းပါ အချက်တွေနဲ့ မကိုက်ညီဘူးဆိုရင်တော့ ဒီနှစ်ရွေးကောက်ပွဲမှာ သူ့ပါတီက ၀င်ရောက်ယှဉ်ပြိုင်မှာမဟုတ်ဘူးလို့ ဦးတင်ဦးက ဗွီအိုအေ မြန်မာဌာနကို ပြောသွားပါတယ်။
ဒီလို ဦးတင်ဦး လွတ်မြောက်လာမှုကို ဗြိတိသျှ အစိုးရကလည်း ကြိုဆိုပါကြောင်း ဗြိတိန်နိုင်ငံခြားရေးရုံး ၀န်ကြီး အိုင်ဗင်လူးဝစ်က ပြောကြားသွားကြောင်း အေဖက်ပီသတင်းမှာ ဖော်ပြထားပါတယ်။ ရွေးကောက်ပွဲမှာ နိုင်ငံရေးပါတီအားလုံး ပါဝင်ခွင့်ပေးဖို့လည်း စစ်အစိုးရကို တောင်းဆိုသွားပါတယ်။
စစ်အစိုးရဟာ ရက်အတိအကျ မကြေညာဘဲ ဒီနှစ်မှာ ရွေးကောက်ပွဲ ကျင်းပမယ်လို့ ပြောခဲ့တာပါ။ ဦးတင်ဦးက နိုင်ငံရေးတာဝန်တွေကို ပြန်ထမ်းဆောင်မှာဖြစ်ပြီး မြန်မာလူထုအတွက် ဆက်ပြီး ကြိုးပမ်းသွားမှာဖြစ်တယ်လို့ ပြောသွားခဲ့ပါတယ်။
လူ့အခွင့်အရေး ကိုယ်စားလှယ် ဒေါ်စုရှေ့နေ ၄ ဦးနဲ့ ရန်ကုန်မှာ တွေ့ဆုံ

15 February 2010
မြန်မာနိုင်ငံဆိုင်ရာ လူ့အခွင့်အရေး စုံစမ်း စစ်ဆေးရေးမှူး မစ္စတာ တောမတ်စ် အိုဟေး ကင်တားနား (Tomas Ojea Quintana) ဟာ ဒီနေ့မနက် ၉ နာရီမှာ မင်္ဂလာဒုံ နိုင်ငံတကာလေဆိပ်ကို ဆိုက်ရောက်ခဲ့ပါတယ်။ သူ့ရဲ့ မြန်မာနိုင်ငံ ၅ ရက်ကြာခရီးစဉ်နဲ့ ပတ်သက်ပြီး ရန်ကုန်မှာရှိတဲ့ ကုလသမဂ္ဂ သတင်းနဲ့ ပြန်ကြားရေးဌာန တာဝန်ခံ ဦးအေးဝင်းကို ဗွီအိုအေက ဆက်သွယ်မေးမြန်းတဲ့အခါ အခုလိုပြောပါတယ်။
“မစ္စတာ ကင်တားနား ရောက်ကတည်းက ကုလသမဂ္ဂ ဒီမှာရှိတဲ့ အဖွဲ့တွေနဲ့ တွေ့တယ်။ တွေ့ပြီးတော့ စောစောက ရှေ့နေ ဦးကြည်ဝင်းရယ်၊ ဦးဉာဏ်ဝင်းရယ် အဖွဲ့ အားလုံး ၄ ယောက်၊ သူတို့နဲ့ တွေ့တယ်။ နောက် တရားသူကြီး ဦးသောင်းညွန့်၊ ဦးညီညီစိုးတို့နဲ့ပါ တခါတည်း တွေ့သွားတယ်။”
မစ္စတာ ကင်တားနားဟာ ဒီနေ့ ရန်ကုန်မှာရှိတဲ့ နိုင်ငံခြားသံရုံးတွေက သံတမန်တွေနဲ့လည်း တွေ့ဆုံခဲ့တယ်လို့ သိရပါတယ်။ ရခိုင်ပြည်နယ် စစ်တွေမြို့ကို မနက်ဖြန် အင်္ဂါနေ့ မနက်စောစောမှာ သွားရောက်မှာဖြစ်ပြီး ဗုဒ္ဓဟူးနေ့မှာတော့ ဘူးသီးတောင်မြို့ကို သွားရောက်မယ်လို့ သိရပါတယ်။ ရန်ကုန်မြို့ကို ကြာသပတေးနေ့မှာ ပြန်လည်ရောက်ရှိဖို့ ရှိတယ်လို့ ဦးအေးဝင်းက ဗွီအိုအေကို ပြောပြပါတယ်။
မစ္စတာ ကင်တားနားဟာ မြန်မာစစ်အစိုးရ ခေါင်းဆောင်ပိုင်းနဲ့ တွေ့ဆုံနိုင်ဖို့အတွက် နေပြည်တော်ကို သွားရောက်ဖို့လည်း စီစဉ်ထားတဲ့အကြောင်း၊ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံဖို့ စစ်အစိုးရကို မေတ္တာရပ်ခံထားကြောင်း၊ တွေ့ခွင့်ရမရ မသိရသေးတဲ့အကြောင်း၊ သောကြာနေ့မှာ ပြန်လည်ထွက်ခွာဖို့ စီစဉ်ထားကြောင်းနဲ့ မပြန်ခင် သတင်းစာရှင်းလင်းပွဲ ကျင်းပမယ်လို့ ကုလသမဂ္ဂ ပြန်ကြားရေးဌာန တာဝန်ခံ ဦးအေးဝင်းက ဗွီအိုအေကို ပြောပြပါတယ်။
တဆက်တည်းမှာပဲ ဒေါ်အောင်ဆန်းစုကြည်ရဲ့ ဥပဒေအကျိုးဆောင် အဖွဲ့ကနေ မြန်မာနိုင်ငံရဲ့ လက်ရှိ တရားစီရင်ရေး စနစ်ရယ်၊ ရွေးကောက်ပွဲအပေါ် ဥပဒေကြောင်းအရ သုံးသပ်ချက်တွေကို မစ္စတာ ကင်တားနားကို ဒီနေ့ ရှင်းလင်း ပြောဆိုခဲ့တယ်လို့ သိရပါတယ်။
ဒေါ်အောင်ဆန်းစုကြည်ရဲ့ ဥပဒေ အကျိုးဆောင် အဖွဲ့ထဲက တဦးလည်းဖြစ်၊ NLD ပြောခွင့်ရပုဂ္ဂိုလ် တဦးလည်းဖြစ်တဲ့ ဦးဉာဏ်ဝင်းကို ဒေါ်ခင်မျိုးသက်က ဆက်သွယ်မေးမြန်းထားပါတယ်။
“ဒီနေ့ ညနေ ၃ နာရီကနေ ၄ နာရီအထိ မြရိပ်ညိုဟိုတယ်မှာ တွေ့ပါတယ်။ မစ္စတာ ကင်တားနားနဲ့ သူ့ရဲ့ လက်ထောက် ၂ ယောက်၊ ဒီဘက်က ဦးကြည်ဝင်း၊ ကျနော်၊ ဦးလှမျိုးမြင့်၊ ဒေါ်ခင်ဌေးကြွယ်ပါ။ ကျနော်တို့ အဓိက ဒီနေ့ပြောခဲ့တာကတော့ ဒေါ်အောင်ဆန်းစုကြည်ရဲ့ အမှု၊ မပြီးပြတ်သေးတဲ့ ဒီအမှုနဲ့ ပတ်သက်ပြီးတော့ ဥပဒေ အယူအဆတွေကို ကျနော်တို့ ပြောခဲ့တယ်။
“နောက်တခုက မြန်မာနိုင်ငံမှာ လက်ရှိ ကျင့်သုံးနေတဲ့ တရားစီရင်ရေး စနစ်က ကောင်းတယ်။ သို့သော်လည်း လက်တွေ့ ကျင့်သုံးတဲ့နေရာမှာ လူ့အခွင့်အရေး ချိုးဖောက်တာတွေ ရှိနေတယ်။ ဥပမာအားဖြင့် ကျနော်တို့ ပြောခဲ့တာက Open Court မဟုတ်ဘူး၊ အများပြည်သူ ကြားနာခွင့် မရတဲ့ တရားရုံးတွေ ဖြစ်နေတယ်။ ဆွေမျိုး၊ မိသားစုတောင် လုံးဝ နားထောင်ခွင့် မရဘူး။ အဲဒီအခြေအနေကို ကျနော် ပြောပြခဲ့တယ်။
“နောက်တခုက နိုင်ငံရေးနဲ့ ပတ်သက်တဲ့ အမှုတွေမှာ ဖမ်းဆီးခေါ်ဆောင်သွားပြီး ရဲလက်မအပ်မီမှာ တချို့ ရက်နဲ့၊ တချို့က လနဲ့ကို ကြာတယ်။ အဲဒီကာလတွေကို အချုပ်အဖြစ် မသတ်မှတ်ဘူး။ အဲဒီလို မသတ်မှတ်တဲ့ ကာလတွေအတွက် သက်ဆိုင်ရာ အာဏာပိုင်တွေ အနေနဲ့ အဲဒီလို ခေါ်ယူ ဖမ်းဆီးထားခွင့်ကလည်း ဘယ်ဥပဒေမှာမှ မပေးဘဲနဲ့ ဒါဟာ အလေ့အကျင့်လို ဖြစ်နေတယ်ဆိုတာ ပြောခဲ့တယ်။ အဲဒါတွေပါပဲ၊ ဒီနေ့က။”
ဒေါ်အောင်ဆန်းစုကြည် အမှုနဲ့ ပတ်သက်ပြီးတော့ရော မစ္စတာ ကင်တားနား ဘက်က ဘာတွေ တင်ပြသွားတာမျိုး ရှိပါသလဲ။
“မစ္စတာ ကင်တားနားက ပြောပါတယ်၊ ဒေါ်အောင်ဆန်းစုကြည် အပေါ်မှာ အရေးယူခဲ့တဲ့ ၁၉၇၅ ခုနှစ် နိုင်ငံတော်အား နှောင့်ယှက် ဖျက်ဆီးလိုသူများ ဘေးအန္တရာယ်မှ ကာကွယ်တဲ့ ဥပဒေဟာ နိုင်ငံတကာ အဆင့်အတန်းနဲ့ မကိုက်ညီဘူးတဲ့။ အပြည်ပြည်ဆိုင်ရာ ဥပဒေနဲ့လည်း မညီညွတ်ဘူးတဲ့။ အဓိက အကြောင်းကတော့ တရားရုံးရဲ့ အမိန့်၊ တရားရုံးရဲ့ စစ်ဆေးမှု မပါဘဲနဲ့ လူတွေကို ချုပ်နှောင်ထားခွင့်ကို အဲဒီ ဥပဒေက ပေးလို့ပါလို့ သူ အဲဒီလို ပြောပြသွားပါတယ်။”
အခု နောက်ဆုံး နေအိမ်အကျယ်ချုပ် ၁၈ လ ထပ်ချထားတဲ့ အမှုနဲ့ ပတ်သက်ပြီးတော့ရော။
“သီးခြားတော့ အဲဒီလို မပြောဘူး။ ဒီ ၁၈ လ ဆိုတာလည်း အဲဒီအမှုက ပေါက်ဖွားလာတာပဲလေ။ အဲဒီဥပဒေအရ အရေးယူလို့ ပေါက်ဖွားလာတာပဲ။ အဲဒီဥပဒေကိုက နိုင်ငံတကာ အဆင့်အတန်း မရှိဘူး၊ နိုင်ငံတကာ ဥပဒေနဲ့လည်း မကိုက်ညီဘူး။ နောက် Without Trial တရားရုံးရဲ့ စစ်ဆေး စီရင်မှု မရှိဘဲနဲ့ လူတွေကို ချုပ်နှောင်တာ လုံးဝ မှန်ကန်မှု မရှိဘူးလို့ အဲဒီလို ပြောတာပါ။”
ဒေါ်အောင်ဆန်းစုကြည်နဲ့ မစ္စတာ ကင်တားနားက တွေ့ဆုံမယ်လို့ အန်ကယ်တို့ကို ပြောသွားပါလား။
“ဟုတ်ကဲ့၊ ပြောပါတယ်။ သူက ဒေါ်အောင်ဆန်းစုကြည်နဲ့ တွေ့ဆုံဖို့ သူ့အစီအစဉ်ထဲမှာ ပါပါတယ်တဲ့။ ခွင့်ပြုချက် ရရင်တော့ သူ တွေ့ရမှာပဲတဲ့။ အဲတော့ သူ့အစီအစဉ်ကတော့ ၁၈ ရက်နေ့မှာတွေ့ဖို့ အစီအစဉ် ဆွဲထားပါတယ်လို့ ပြောသွားပါတယ်။”
ရွေးကောက်ပွဲနဲ့ ပတ်သက်ပြီး အန်ကယ်တို့နဲ့ တွေ့တဲ့အချိန်မှာ ဘာတွေများ ပြောသွားတာ ရှိပါသလဲ။
“ရွေးကောက်ပွဲနဲ့ ပတ်သက်ပြီး သူ မေးခွန်းတခု မေးပါတယ်။ ရွေးကောက်ပွဲပေါ်မှာ ဘယ်လိုသဘောထားလဲတဲ့။ ဆိုတော့ ကျနော် သူ့ကိုပြောပြတယ်။ ၂၀၁၀၊ ၂ လပိုင်းရောက်ပြီ။ ရွေးကောက်ပွဲနဲ့ ပတ်သက်ပြီးတော့ အစီအစဉ်၊ ဥပဒေ ဘာညာ အခုထိ မသိဘူး၊ ဘယ်သူမှလည်း မသိဘူး။ အကယ်၍ ၂၀၁၀ နှစ်ထဲမှာပဲ ရွေးကောက်ပွဲ ကျင်းပမယ်ဆိုရင် အဲဒီရွေးကောက်ပွဲဟာ တရားမျှတမှု၊ လွတ်လပ်မှု၊ လုံးဝ မရှိနိုင်ဘူးလို့ ယူဆတယ်လို့ ကျနော် အဲလိုပြောခဲ့တယ်။”
ရွေးကောက်ပွဲအပြင် အန်ကယ်တို့ တခြား ဆွေးနွေးတာမျိုးရော ရှိပါသလား။
“မရှိပါဘူး။ ကျန်တာကတော့ ကျနော်တို့ တရားရုံးဆိုင်ရာ ကိစ္စတွေကိုပဲ ဆွေးနွေးပါတယ်။”
အခု မစ္စတာ ကင်တားနားနဲ့ အန်ကယ်တို့ ရှေ့နေ ၄ ဦးနဲ့ တွေ့ခွင့်ပေးတဲ့ အပေါ်မှာ အန်ကယ့်အနေနဲ့ ဘယ်လိုအမြင် ရှိပါသလဲ။
“မစ္စတာ ကင်တားနား အနေနဲ့ ကျနော်တို့ ရှေ့နေများဟာ လူ့အခွင့်အရေးဆိုင်ရာ ချိုးဖောက်မှုတွေကို နီးနီးစပ်စပ် တွေ့နိုင်တယ် ဆိုတဲ့ အယူအဆနဲ့ ကျနော်တို့ကို တွေ့တာလို့ပဲ မှတ်ယူပါတယ်။”
ဦးတင်ဦး လွတ်မြောက်မှု နိုင်ငံတကာ အသိုင်းအ၀န်း အကန့်အသတ်ဖြင့် ကြိုဆို

17 February 2010
အာဆီယံ အတွင်းရေးမှူးချုပ် ဒေါက်တာ ဆူရင် ပစ်ဆူဝန် (Dr. Surin Pitsuwan) က ဦးတင်ဦးကို လွှတ်ပေးလိုက်တာဟာ မြန်မာနိုင်ငံရဲ့ ဖြစ်ပေါ်တိုးတက်မှု ပထမအဆင့်သာ ဖြစ်ကြောင်း ပြောကြားလိုက်ပါတယ်။ ဒီနေ့ အမေရိကန် စံတော်ချိန် ညနေပိုင်းမှာ ပြုလုပ်ခဲ့တဲ့ အာဆီယံနဲ့ အရှေ့အာရှ ဒေသတွင်း ညီညွတ်ရေး၊ ASEAN and Regionalism in East Asia ဆိုတဲ့ အမေရိကန် ပြည်ထောင်စု ဆာဆာကာဝါ ငြိမ်းချမ်းရေးအဖွဲ့ ဆွေးနွေးပွဲမှာ ဒေါက်တာ ပစ်ဆူဝန်က အဲဒီလို ပြောကြားသွားခဲ့တာ ဖြစ်ပါတယ်။ အဲဒီဆွေးနွေးပွဲကို ကိုယ်တိုင်သွားရောက် သတင်းယူခဲ့တဲ့ ဗွီအိုအေ ၀ိုင်းတော်သား ကိုကျော်ကျော်သိန်းကို ဦးတင်မောင်သန်းက မေးမြန်းပြီး တင်ပြပေးထားပါတယ်။
ဦးတင်ဦး လွှတ်ပေးလိုက်တာက ပထမအဆင့်၊ ဒါဖြင့် ဒုတိယအဆင့်ကရော ဘာတဲ့လဲဗျာ။
“ဒေါက်တာ ဆူရင် ပစ်ဆူဝန်ကတော့ ဒုတိယအဆင့်က ဘာဆိုတာကို ရှင်းရှင်းလင်းလင်း ပြောမသွားပါဘူး။ ဒါပေမဲ့ မြန်မာနိုင်ငံမှာ မကြာခင် ကျင်းပတော့မယ်ဆိုတဲ့ ရွေးကောက်ပွဲတွေနဲ့ ပတ်သက်ပြီး အာဆီယံရဲ့ အခန်းကဏ္ဍ၊ အာဆီယံက အဲဒီရွေးကောက်ပွဲတွေမှာ စောင့်ကြည့် လေ့လာတဲ့အဖွဲ့၊ ဒါမှမဟုတ် ကြီးကြပ်တဲ့အဖွဲ့ စသည်အားဖြင့် အဲဒီလိုမျိုး လွှတ်ဖို့ အစီအစဉ် ရှိမရှိ မေးတဲ့အခါမှာတော့ သူက မြန်မာအစိုးရကသာ ကမ်းလှမ်းခဲ့ရင်၊ တောင်းဆိုလာခဲ့ရင် သူတို့ လွှတ်ပေးမယ်လို့ ပြောပါတယ်။
“ဒါ့အပြင် သူပြောသွားတာက အာဆီယံ အဖွဲ့ဝင် နိုင်ငံတချို့ကနေပြီးတော့ အဲဒီလို ရွေးကောက်ပွဲအတွက် ကိုယ်စားလှယ်အဖွဲ့တွေ စေလွှတ်ဖို့ မြန်မာအစိုးရကို တင်ပြထားပြီးပြီ ဆိုတာမျိုးကိုလည်း ဒေါက်တာ ဆူရင် ပစ်ဆူဝန်က ပြောသွားပါတယ်။”
အဲဒီဆွေးနွေးပွဲမှာ အာဆီယံဆိုင်ရာ အမေရိကန် သံအမတ်ကြီး စကော့ မာဆီယယ် (Scott Marciel) လည်း ပါတယ်ဆိုတော့ သူကရော မြန်မာနိုင်ငံအရေး ဘာတွေများ ပြောသေးလဲ။ စစ်အစိုးရနဲ့ ဆွေးနွေးညှိနှိုင်းမှု အလားအလာရော မေးဖြစ်သေးလား။
“ဟုတ်ကဲ့၊ မေးဖြစ်ပါတယ်။ စကော့ မာဆီယယ်နဲ့ ကျနော်တို့ ဗွီအိုအေ မြန်မာပိုင်းက သီးခြား မေးမြန်းခွင့် ရခဲ့ပါတယ်။ မကြာသေးခင်က NLD ဒုတိယဥက္ကဋ္ဌ ဦးတင်ဦး လွတ်မြောက်လာတဲ့ အပေါ်မှာ အမေရိကန် ပြည်ထောင်စုက ကြိုဆိုတယ် ဆိုတာကို မစ္စတာ စကော့ မာဆီယယ်က ထပ်ပြောပါတယ်။ ဒါပေမဲ့ ကျန်တဲ့ နိုင်ငံရေး အကျဉ်းသား ၂,၀၀၀ ကျော်ကိုလည်း လွှတ်ပေးဖို့လိုတယ် ဆိုတာ သူ အလေးအနက်ထား ပြောသွားပါတယ်။
“မြန်မာစစ်အစိုးရနဲ့ကတော့ သူတို့ တောက်လျှောက် စကားပြောဆိုတာတွေတော့ ရှိနေတယ်။ ဒါပေမဲ့ နောက်ထပ် အဆင့်မြင့် အရာရှိတွေကြား ညှိနှိုင်းဆွေးနွေးမှုတွေက လောလောဆယ် သတ်မှတ်ထားတာတော့ မရှိသေးဘူး၊ အမေရိကန် ပြည်ထောင်စုက အရာရှိတဦး မြန်မာနိုင်ငံသွားဖို့၊ မြန်မာနိုင်ငံက အဆင့်မြင့် အရာရှိတဦး အမေရိကန်လာပြီး ဆွေးနွေးဖို့ အဲဒါမျိုး သတ်မှတ်ထားတာတော့ မရှိဘူး။ သို့သော် သူတို့ဘက်ကတော့ ဒါ သေချာပေါက် ဆက်လုပ်သွားမယ့် ကိစ္စဆိုပြီး ပြောသွားပါတယ်။
“နောက်တခါ မြန်မာနိုင်ငံ အရေးကိစ္စကို ဖြေရှင်းရာမှာ အာဆီယံလို ဒေသတွင်း အဖွဲ့အစည်းတွေ၊ အိမ်နီးချင်းနိုင်ငံတွေ၊ နိုင်ငံတကာ အသိုင်းအ၀န်း၊ ကျန်တဲ့ ဘယ်နိုင်ငံမဆို မြန်မာ့အရေး ရှေ့ဆက် တိုးသွားနိုင်အောင်၊ အမျိုးသား ပြန်လည်သင့်မြတ်ရေး၊ မြန်မာအစိုးရနဲ့ ဒီမိုကရေစီ အတိုက်အခံတွေ ကြားမှာ တွေ့ဆုံဆွေးနွေးရေး ဖြစ်ဖို့အတွက် လုပ်ဆောင်နိုင်တဲ့ကဏ္ဍ ရှိတယ်ဆိုတာကိုလည်း မစ္စတာ စကော့ မာဆီယယ်က ပြောသွားပါတယ်။
“မကြာသေးခင်က အမေရိကန် ပြည်ထောင်စုက မြန်မာနိုင်ငံနဲ့ ပတ်သက်လို့ မူဝါဒ ပြောင်းလဲ ချမှတ်ပြီးတော့ အဲဒီအတိုင်း လုပ်ဆောင်နေတာရဲ့ အခြေအနေကတော့ တိုးတက်မှုတွေ ရှိလာအောင် မြန်မာအစိုးရကို တိုက်တွန်း ပြောဆိုနေတာမျိုးတွေ ရှိတယ် ဆိုတာမျိုး ပြောသွားပါတယ်။ သို့သော် နောက်ထပ် မြန်မာအစိုးရနဲ့ အမေရိကန် အစိုးရ တာဝန်ရှိသူတွေကြား တွေ့ဆုံဆွေးနွေး ညှိနှိုင်းဖို့ အလားအလာကတော့ ရှိတယ်၊ သူတို့ဘက်ကလည်း အမြဲတမ်း ဒါကို ဖွင့်ထားတယ်၊ သို့သော် မကြာခင် လောလောလတ်လတ် အချိန်ပိုင်းကာလမှာ ဖြစ်ဖို့အတွက်တော့ မရှိသေးဘူးဆိုပြီး ပြောသွားပါတယ်။”
ကင်တားနား NLD ခေါင်းဆောင်များနဲ့ တွေ့

18 February 2010
ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး အထူးစုံစမ်း စစ်ဆေးသူ တိုမာ့စ် အိုဟေး ကင်တားနား (Tomas Ojea Quintana) ရဲ့ ၅ ရက်ကြာ ခရီးစဉ်အတွင်း ဒီကနေ့ ၄ ရက်မြောက် နေ့မှာတော့ မြန်မာနိုင်ငံက အဓိက အတိုက်အခံ နိုင်ငံရေးပါတီကြီး တခုဖြစ်တဲ့ အမျိုးသားဒီမိုကရေစီ အဖွဲ့ချုပ် (NLD) ပါတီရဲ့ ဗဟိုအလုပ်အမှုဆောင်တွေနဲ့ တွေ့ဆုံခဲ့ပါတယ်။
ပြီးခဲ့တဲ့ စနေနေ့ကမှ ဖမ်းဆီးရာက ပြန်လည် လွတ်မြောက်လာတဲ့ ပါတီရဲ့ ဒု-ဥက္ကဋ္ဌ ဦးတင်ဦး၊ အတွင်းရေးမှူး ဦးဝင်းတင်တို့ အပါအ၀င် ဗဟိုအလုပ်အမှုဆောင်တွေနဲ့ ရန်ကုန်မြို့ အစိုးရဧည့်ဂေဟာ တခုမှာ တွေ့ဆုံဖို့ စီစဉ်ထားတာ ဖြစ်ပေမဲ့ ဆွေးနွေးမှု အသေးစိတ်တော့ မသိရသေးဘူးလို့ NLD က ဆိုပါတယ်။
အထူးကိုယ်စားလှယ် မြန်မာစစ်အစိုးရကို တောင်းဆိုထားတဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံဖို့အတွက် ခွင့်ပြုချက် ရမရ ဆိုတာလည်း ရှင်းရှင်းလင်းလင်း မရှိသေးပါဘူး။
ဒီကနေ့ မွန်းလွဲပိုင်းမှာတော့ အထူးကိုယ်စားလှယ်ဟာ ရန်ကုန်မြို့က အင်းစိန်ထောင်ကို သွားရောက်ပြီး အကျဉ်းသားတချို့နဲ့ တွေ့ဆုံမှု ရှိခဲ့ပါတယ်။
အထူးကိုယ်စားလှယ်ရဲ့ ခရီးစဉ် အစပိုင်းမှာတော့ ရခိုင်ပြည်နယ် စစ်တွေ၊ ဘူးသီးတောင်၊ မောင်းတော ထောင်တွေကို သွားရောက်ပြီး ထင်ရှားတဲ့ တက်ကြွလှုပ်ရှားသူတွေ အပါအ၀င် နိုင်ငံရေး အကျဉ်းသားတချို့နဲ့ တွေ့ဆုံမှုတွေလည်း ရှိခဲ့တာပါ။
မနေ့တုန်းကတော့ အထူးကိုယ်စားလှယ်ရဲ့ ခရီးစဉ်နဲ့ တိုက်ဆိုင်ပြီး ရန်ကုန် အင်းစိန်ထောင်တွင်းက နိုင်ငံရေး အကျဉ်းသားတွေက ထောင်တွင်း အကျဉ်းသားတွေရဲ့ အခြေခံ အခွင့်အရေးတွေ ရရှိရေး တောင်းဆိုတဲ့ စာတစောင်ကို ထုတ်ပြန်လိုက်တဲ့အကြောင်း ပြည်ပမှာ အခြေစိုက်ထားတဲ့ နိုင်ငံရေး အကျဉ်းသားများ ကူညီစောင့်ရှောက်ရေးအသင်း (AAPP) က ပြောပါတယ်။
လူ့အခွင့်အရေး အထူးကိုယ်စားလှယ်ရဲ့ အခု ခရီးစဉ်အတွင်း ရိုဟင်ဂျာ အရေးပြဿနာတွေကို လေ့လာသွားဖို့နဲ့ အာဏာပိုင်တွေနဲ့ ဆွေးနွေးပြောဆိုဖို့လည်း ရည်ရွယ်ထားတာ ဖြစ်ပါတယ်။
ကင်တားနား ဒေါ်စုနဲ့ တွေ့ခွင့်မရ

18 February 2010
ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး အထူးစုံစမ်း စစ်ဆေးသူ တိုမာ့စ် အိုဟေး ကင်တားနား (Tomas Ojea Quintana) ရဲ့ ၅ ရက်ကြာ ခရီးစဉ်အတွင်း မျှော်လင့်ထားသလို မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံခွင့်တော့ မရခဲ့ပါဘူး။
လူ့အခွင့်အရေး အထူးကိုယ်စားလှယ် တာဝန်ယူစဉ်က စလို့ မြန်မာနိုင်ငံကို ၃ ကြိမ် သွားရောက်ခဲ့ပေမဲ့ ဒီတကြိမ်မှာလည်း ဒေါ်အောင်ဆန်းစုကြည်နဲ့ တွေ့ဆုံခွင့်ကို အာဏာပိုင်တွေဘက်က ငြင်းဆန်ခဲ့တာလို့ ရန်ကုန်အခြေစိုက် ကုလသမဂ္ဂရုံးက ပြောပါတယ်။


မစ္စတာကင်တားနား NLD ဒု-ဥက္ကဋ္ဌ ဦးတင်ဦး(လယ်)၊ အတွင်းရေးမှူး ဦးဝင်းတင်(၀ဲ) တို့နှင့် တွေ့ဆုံနေစဉ်။
ဖေဖော်ဝါရီ ၁၈၊ ၂၀၁၀။
(Photo - UNIC Yangon)
ဒါပေမဲ့လည်း သူ့ခရီးစဉ်ရဲ့ ဒီကနေ့ ၄ ရက်မြောက် နေ့မှာတော့ အမျိုးသား ဒီမိုကရေစီ အဖွဲ့ချုပ် (NLD) ပါတီရဲ့ ဗဟိုအလုပ်အမှုဆောင် အဖွဲ့တွေနဲ့ တွေ့ဆုံခဲ့တယ်လို့ ဆိုပါတယ်။ ပြီးခဲ့တဲ့ စနေနေ့ကမှ ဖမ်းဆီးရာက ပြန်လည် လွတ်မြောက်လာတဲ့ ပါတီရဲ့ ဒု-ဥက္ကဋ္ဌ ဦးတင်ဦး အပါအ၀င် ဗဟိုအလုပ်အမှုဆောင်တွေနဲ့ ရန်ကုန်မြို့ မြရိပ်ညိုဟိုတယ်မှာ တွေ့ဆုံခဲ့တာပါ။
တွေ့ဆုံမှုအတွင်း မြန်မာနိုင်ငံရဲ့ နိုင်ငံရေး လုပ်ငန်းစဉ်တွေမှာ ထိန်းသိမ်းခံ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်လည်း ပါဝင်ဖို့ လိုအပ်တဲ့အကြောင်းနဲ့ နိုင်ငံရေး၊ လူ့အခွင့်အရေး အခြေအနေတွေ အပေါ် သဘောထားတွေကို NLD ဘက်က လူ့အခွင့်အရေး ကိုယ်စားလှယ်ကို ပြောဆိုခဲ့တယ်လို့ NLD ပါတီက ပြောပါတယ်။
NLD ပါတီအပြင် ဒီကနေ့မှာ တိုင်းရင်းသား စည်းလုံးညီညွတ်ရေးပါတီ တာဝန်ရှိသူတွေနဲ့လည်း တွေ့ဆုံခဲ့တာ ဖြစ်သလို အထူး ကိုယ်စားလှယ်ဟာ ရန်ကုန်မြို့က အင်းစိန်ထောင်ကို သွားရောက်ပြီး အကျဉ်းသားတချို့နဲ့လည်း တွေ့ဆုံခဲ့ပါတယ်။
မနေ့တုန်းကတော့ အထူးကိုယ်စားလှယ်ရဲ့ ခရီးစဉ်နဲ့ တိုက်ဆိုင်ပြီး ရန်ကုန် အင်းစိန်ထောင်တွင်းက နိုင်ငံရေး အကျဉ်းသားတွေက ထောင်တွင်း အကျဉ်းသားတွေရဲ့ အခြေခံ အခွင့်အရေးတွေ ရရှိရေး တောင်းဆိုတဲ့ စာတစောင်ကို ထုတ်ပြန်လိုက်တဲ့အကြောင်း ပြည်ပမှာ အခြေစိုက်ထားတဲ့ နိုင်ငံရေး အကျဉ်းသားများ ကူညီစောင့်ရှောက်ရေးအသင်း (AAPP) ကလည်း ပြောပါတယ်။
လူ့အခွင့်အရေး အထူးကိုယ်စားလှယ်ရဲ့ အခုခရီးစဉ်အတွင်း ရိုဟင်ဂျာ ပြဿနာတွေကို လေ့လာ အကဲခတ်သွားဖို့နဲ့ အာဏာပိုင်တွေနဲ့ ဆွေးနွေးပြောဆိုဖို့လည်း ရည်ရွယ်ထားတာ ဖြစ်ပါတယ်။
ဒေါ်စုနဲ့တွေ့ခွင့်မရလို့ ကင်တားနားစိတ်ပျက်

19 February 2010
ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး စုံစမ်းစစ်ဆေးသူ မစ္စတာ တိုးမတ်စ် အိုဟေး ကင်တားနား ဟာ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံခွင့်မရတဲ့အတွက် စိတ်ပျက်မကြောင်းနဲ့၊ ဒီနှစ်အတွင်း ကျင်းပမယ့် ရွေးကောက်ပွဲကို နိုင်ငံရေးအကျဉ်းသားတွေ ပြန်လွှတ်ပေးပြီးမှ ကျင်းပမယ့် အရိပ်အရောင် မမြင်ရဘူးလို့ သူ့ရဲ့ ၅ ရက်ကြာ မြန်မာနိုင်ငံ ခရီးစဉ်အပြီး ဒီကနေ့ ရန်ကုန်လေဆိပ်မှာ ပြုလုပ်တဲ့ သတင်းစာရှင်းလင်းပွဲမှာ ပြောကြားခဲ့ပါတယ်။ ဒီအကြောင်း ဆက်သွယ်မေးမြန်းထားတဲ့ ဒေါ်ခင်မျိုးသက်က တင်ပြထားပါတယ်။
မစ္စတာ ကင်တားနား ဟာ မြန်မာနိုင်ငံက လူ့အခွင့်အရေး အခြေအနေတွေကို စုံစမ်းဖို့အတွက် တနင်္လာနေ့က မြန်မာနိုင်ငံကို ရောက်ရောက်ချင်းပဲ ဒေါ်အောင်ဆန်းစုကြည်ရဲ့ ရှေ့နေ ၄ ဦးအပြင် ဒေါ်အောင်ဆန်းစုကြည်ရဲ့ အမှုကို ကြားနာစစ်ဆေးခဲ့တဲ့ တရားသူကြီး ၂ ဦးကိုပါ တွေ့ဆုံခဲ့ပါတယ်။ ကိုယ်တိုင်လည်း ဒေါ်အောင်ဆန်းစုကြည်နဲ့ တွေ့ဆုံခွင့်ရဖို့ မြန်မာအာဏာပိုင်တွေကို တောင်းဆိုခဲ့ပေမယ့် တွေ့ခွင့်မရခဲ့တာမို့ စိတ်ပျက်မိတယ်လို့ ဒီကနေ့ မြန်မာနိုင်ငံက မထွက်ခွာခင် ပြုလုပ်တဲ့ သတင်းစာရှင်းလင်းပွဲမှာ ပြောကြားခဲ့ပါတယ်။ မစ္စတာ ကင်တားနား ရဲ့ ၅ ရက်နေ့မြောက် ခရီးစဉ်နဲ့ပတ်သက်ပြီး ကုလသမဂ္ဂ သတင်းနဲ့ပြန်ကြားရေးဌာနက ပြန်ကြားရေးတာဝန်ခံ ဦးအေးဝင်းကို ဆက်သွယ်မေးမြန်းကြည့်ပါတယ်။
ဒီကနေ့ မစ္စတာ ကင်တားနားရဲ့ နောက်ဆုံးနေ့ပေါ့နော်။ နောက်ဆုံးနေ့ခရီးစဉ်လေး နည်းနည်း ပြောပြပါဦး။ -
"ဒီကနေ့ မစ္စတာ ကင်တားနား က အလုပ်သမားရေးရာဝန်ကြီး ဦးအောင်ကြည် နဲ့တွေ့ခဲ့တယ်။ ပြီးတော့ တရားသူကြီးချုပ် ဦးအောင်တိုး၊ ရှေ့နေချုပ် ဦးအေးမောင်၊ ပြည်ထဲရေးဝန်ကြီး ဗိုလ်ချုပ် မောင်ဦး၊ ရဲချုပ် ခင်ရီနဲ့ တွေ့ခဲ့တယ်။ မြန်မာ့လူ့အခွင့်အရေး ကော်မတီနဲ့လည်း တွေ့ခဲ့ပါတယ်။ စောစောက ရန်ကုန်ပြန်ရောက်တော့ သံတမန်တွေနဲ့ တွေ့တယ်။ ပြီးတော့ သတင်းစာရှင်းလင်းပွဲ လုပ်ပါတယ်။"
မစ္စတာ ကင်တားနား အခု ခရီးစဉ်နဲ့ပတ်သက်ပြီး သူ ကျေနပ်မှုရှိရဲ့လား။ -
"ဒေါ်အောင်ဆန်းစုကြည်နဲ့ မတွေ့ခဲ့ရတဲ့အတွက် သူ စိတ်မကောင်းကြောင်းတော့ ထည့်ပြောပါတယ်။"
အဲဒါ သံတမန်တွေနဲ့တွေ့တဲ့အခါမှာ ပြောတာလား။ -
"ဟုတ်ကဲ့။ သံတမန်နဲ့တွေ့တဲ့အချိန်မှာရော၊ သတင်းစာဆရာတွေနဲ့ တွေ့တဲ့အချိန်မှာရော ပြောပါတယ်။"
ကုလသမဂ္ဂ ပြန်ကြားရေးတာဝန်ခံ ဦးအေးဝင်း ပြောပြခဲ့တာပါ။ မစ္စတာ ကင်တားနားဟာ မြန်မာနိုင်ငံကို မလာရောက်ခင်ကတည်းက မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို တွေ့ခွင့်ရဖို့အတွက် ကြိုတင်ခွင့်တောင်းခဲ့တာပါ။
မြန်မာနိုင်ငံမှာ နိုင်ငံရေးအရ အရေးပါတဲ့ ၂၁၀၀ ခုနှစ်ရွေးကောက်ပွဲ မတိုင်ခင်ကာလမှာ နိုင်ငံရေး အကျဉ်းသားတွေထဲက အရေးပါဆုံး အကျဉ်းသားဖြစ်တဲ့ ဒေါ်အောင်ဆန်းစုကြည်နဲ့ တွေ့ခွင့်မပေးတာမို့ စိတ်ပျက်ရကြောင်းနဲ့ ဒီရွေးကောက်ပွဲကို နိုင်ငံရေးအကျဉ်းသားတွေ လွှတ်ပေးပြီးမှ ကျင်းပမယ့် အရိပ်အယောင် မတွေ့ရဘူးလို့လည်း သတင်းစာရှင်းလင်းပွဲမှာ ပြောကြားခဲ့ပါတယ်။
ဒါ့အပြင် ဒီခရီးစဉ်အတွင်း အစီအစဉ်တွေကို ကြိုတင်တင်ပြထားခဲ့ပေမဲ့ နေ့စဉ်လိုလို အပြောင်းအလဲတွေ ရှိနေတာမို့ စိတ်ပျက်မိတယ်လို့လည်း ဆိုပါတယ်။ မစ္စတာ ကင်တားနား ဟာ သူ့ရဲ့ ခရီးစဉ်အတွင်း ရခိုင်ပြည်နယ်က စစ်တွေနဲ့ ဘူးသီးတောင် အကျဉ်းထောင်တွေအပြင် ရန်ကုန် အင်းစိန်ထောင်ကိုပါ သွားရောက်ခဲ့ပြီး စစ်တွေထောင်က နိုင်ငံရေးအကျဉ်းသား ၄ ဦး၊ ဘူးသီးတောင် ထောင်က ၈၈ မျိုးဆက် ကျောင်းသားခေါင်းဆောင် ကိုဌေးကြွယ် အပါအ၀င် နိုင်ငံရေးအကျဉ်းသား ၅ ဦးနဲ့ အင်းစိန်ထောင်က နိုင်ငံရေး အကျဉ်းသား ၆ ဦးတို့ကို တွေ့ဆုံနိုင်ခဲ့ပါတယ်။
ဘူးသီးတောင်မှာ မူစလင် ခေါင်းဆောင်တွေနဲ့ တွေ့ဆုံခဲ့ပြီး မူစလင်ဘာသာဝင်တွေကို ခွဲခြားဆက်ဆံမှု ရှိတာနဲ့ပတ်သက်ပြီး မြန်မာအာဏာပိုင်တွေဘက်က ၀န်ခံခဲ့တာမို့ ရှေ့ဆက်ပြီး ဆွေးနွေးနိုင်မယ့် အနေအထားမျိုး တွေ့လာရတယ်လို့လည်း ဆိုပါတယ်။ မစ္စတာ ကင်တားနားဟာ ရခိုင်ပြည်နယ် စစ်တွေမှာ ရုံးစိုက်တဲ့ အစိုးရမဟုတ်တဲ့ ပြည်တွင်းပြည်ပ အဲန်ဂျီအို အဖွဲ့အစည်းတွေနဲ့ တွေ့ဆုံခဲ့တဲ့အပြင် ရန်ကုန်မှာ တိုင်းရင်းသားခေါင်းဆောင်တွေ၊ နိုင်ငံရေးပါတီတွေက ခေါင်းဆောင်တွေနဲ့ တွေ့ဆုံခဲ့ပါတယ်။ အမျိုးသား ဒီမိုကရေစီအဖွဲ့ချုပ် အဲန်အယ်လ်ဒီက ဒုဥက္ကဌ ဦးတင်ဦး အပါအ၀င် စီအီးစီ ၅ ဦးနဲ့ တိုင်းရင်းသား စည်းလုံးညီညွတ်ရေးပါတီက ခေါင်းဆောင်တွေနဲ့ တွေ့ဆုံခဲ့ပြီး ဒေါ်အောင်ဆန်းစုကြည်ကို ဖမ်းဆီးထားတဲ့ ဥပဒေဟာ အကျုံးမ၀င်တဲ့အတွက် လွှတ်ပေးဖို့ လိုအပ်ကြောင်း မစ္စတာ ကင်တားနားကို အဲန်အယ်လ်ဒီ ခေါင်းဆောင်တွေက ရှင်းလင်းပြောဆိုခဲ့ပါတယ်။
မစ္စတာ ကင်တားနားရဲ့ တတိယအကြိမ်မြောက် မြန်မာနိုင်ငံ ခရီးစဉ်မှာ ပြည်ထဲရေးဝန်ကြီး ဗိုလ်ချုပ် မောင်ဦး၊ အလုပ်သမားဝန်ကြီး ဦးအောင်ကြည် အပါအ၀င် စစ်အစိုးရ တာဝန်ရှိသူတွေနဲ့သာ တွေ့ဆုံခွင့် ရခဲ့ပြီး နိုင်ငံရေး အကျဉ်းသားတွေ ထားရှိရာ အကျဉ်းထောင်ကို သွားရောက်နိုင်ခဲ့ပေမဲ့ မူလ မျှော်မှန်းချက်ဖြစ်တဲ့ ၂၀၁၀ ရွေးကောက်ပွဲမတိုင်ခင် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံခွင့်မရဘဲ သူ့ရဲ့ ခရီးစဉ်ကို အဆုံးသတ်ခဲ့ပါတယ်။
NLD နဲ့ ကင်တားနား ဆွေးနွေးချက် အပြည့်အစုံ

21 February 2010
ကုလသမဂ္ဂရဲ့ မြန်မာနိုင်ငံ လူ့အခွင့်အရေး အခြေအနေဆိုင်ရာ အထူးစုံစမ်းစစ်ဆေးရေးမှူး မစ္စတာ တိုမာ့စ် အိုဟေး ကင်တားနား (Tomas Ojea Quintana) နဲ့ အမျိုးသားဒီမိုကရေစီအဖွဲ့ချုပ် NLD ခေါင်းဆောင်တွေ တွေ့ဆုံဆွေးနွေးရာမှာ နေအိမ်အကျယ်ချုပ်ကျနေတဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် လွတ်မြောက်ရေးကိစ္စ၊ ၁၉၉၀ ပြည့်နှစ် ရွေးကောက်ပွဲရလဒ်ကို အကောင်အထည်ဖော်ရေးကိစ္စ၊ ယုံကြည်ချက်ကြောင့် အကျဉ်းချခံထားရသူတွေကို လွှတ်ပေးဖို့ကိစ္စနဲ့ လွတ်လပ် တရားမျှတပြီး အားလုံးပါဝင်တဲ့ ရွေးကောက်ပွဲဖြစ်ရေးဆိုင်ရာ ကိစ္စရပ်တွေကို ဆွေးနွေးခဲ့တယ် လို့ NLD ဗဟိုအလုပ်အမှု ဆောင်အဖွဲ့ဝင် ဦးခင်မောင်ဆွေက ဗွီအိုအေကိုပြောပါတယ်။ ဒီဆွေးနွေးချက် အပြည့်အစုံကို ကိုကျော်ကျော်သိန်းက တင်ပြထားပါတယ်။
မစ္စတာကင်တားနားနဲ့ NLD ခေါင်းဆောင်တွေဟာ ရန်ကုန်မြို့က မြရိပ်ညိုဟော်တယ်မှာ ဖေဖော်ဝါရီလ ၁၈ ရက်၊ သောကြာနေ့က တနာရီနီးပါးကြာ တွေ့ဆုံ ဆွေးနွေးခဲ့ကြတာပါ။ NLD ခေါင်းဆောင်တွေဘက်က ပထမဆုံး ဆွေးနွေးချက် ကတော့ ဒေါ်အောင်ဆန်းစုကြည် လွတ်မြောက်ရေးကိစ္စဖြစ်ပါတယ်။ NLD ဒုတိယဥက္ကဋ္ဌ ဦးတင်ဦးက သူဟာ ၁၉၇၄ ခုနှစ်တုန်းက ၁၀(က)၊ ၁၀(ခ) ဥပဒေတွေကို ပြုစုရေးဆွဲရာမှာ ပါဝင်ခဲ့သူဖြစ်တာကြောင့် ဒီဥပဒေတွေရဲ့ သဘောသဘာဝနဲ့ သက်ရောက်မှုတွေကို အကုန်လုံးနားလည်ကြောင်း၊ ဒါကြောင့် ဒီဥပဒေတွေအရ နေအိမ်အကျယ်ချုပ် ချထားတဲ့ ဒေါ်အောင်ဆန်းစုကြည်ကို လွှတ်ပေးဖို့ လိုနေပြီဖြစ်ကြောင်း၊ လူ့အခွင့်အရေးအရကြည့်ရင်လည်း လွှတ်အပ်တဲ့ ကိစ္စ ဖြစ်ကြောင်း မစ္စတာကင်တားနားကို ဆွေးနွေးပြောဆို ခဲ့တယ်လို့ NLD ဗဟိုအလုပ်အမှုဆောင်အဖွဲ့ဝင် ဦးခင်မောင်ဆွေက ပြန်ပြောပြပါတယ်။
"ဒေါ်အောင်ဆန်းစုကြည်က ဗိုလ်ချုပ်အောင်ဆန်းသမီးလည်း ဖြစ်တယ်၊ မြန်မာပြည်သူလူထုရဲ့ ဒီမိုကရေစီရေးကိုလည်း ဦးစီးဦးဆောင်ပြုနေတဲ့ ပုဂ္ဂိုလ်ဖြစ်တယ်၊ တိုင်းရင်းသားများရဲ့ အရေးကိုလည်း ဂရုစိုက်ပြီးတော့ ဖန်ဆီးဖော်ဆောင်နိုင်တဲ့ အနေအထားမှာရှိတဲ့ မြန်မာနိုင်ငံရဲ့ ဒီမိုကရေစီခေါင်းဆောင် ဒေါ်အောင်ဆန်းစုကြည် လွတ်မြောက်ရေးကို ဒုဥက္ကဌ ဦးတင်ဦး အနေနဲ့ အထူးတလည် လိုလားပါတယ် ဆိုတဲ့အကြောင်း မစ္စတာ ကင်တားနားကို ပြောပါတယ်။"
ဒါ့အပြင် နေအိမ်အကျယ်ချုပ်ဖောက်ဖျက်မှုနဲ့ ဒေါ်အောင်ဆန်းစုကြည်ကို ထောင်ဒဏ်ချမှတ်ပြီးပြီးချင်းပဲ ထောင်ဒဏ် ထက်ဝက် လျှော့ပေါ့ဖို့ညွှန်ကြားခဲ့တဲ့ ဗိုလ်ချုပ်မှူးကြီး သန်းရွှေရဲ့ အမိန့်ထဲမှာ ဒေါ်အောင်ဆန်းစုကြည်က ကောင်းမွန်စွာ နေထိုင်မယ်ဆိုရင် ကျန်တဲ့ ထောင်ဒဏ် တနှစ်ခွဲကို လျှော့ပေါ့ပေးမယ်ဆိုတဲ့အချက်၊ အမျိုးသား ပြန်လည်သင့်မြတ်ရေး လုပ်ငန်းစဉ်ထဲမှာ ဒေါ်အောင်ဆန်းစုကြည် ပါဝင်ရမယ်လို့ စစ်အစိုးရ၀န်ကြီးချုပ် ဗိုလ်ချုပ်ကြီး သိန်းစိန်က ပြောခဲ့တဲ့ အချက်တွေကို ပြန်ထောက်ပြီး တော့လည်း ဆွေးနွေးခဲ့ကြပါတယ်။
"အဲဒီနှစ်ခုကို ညီညွတ်ပြီးတော့ ဒေါ်အောင်ဆန်းစုကြည်ဟာ တိုင်းပြည်ရဲ့အနာဂတ်အတွက် ကောင်းမွန်တဲ့အနာဂတ် ဖြစ်အောင် စီးပွားရေးပိတ်ဆို့မှုတွေကို ဖြေရှင်းဖို့ သက်ဆိုင်ရာ အာဏာပိုင်တွေနဲ့ လက်ကမ်းထားတဲ့အဖြစ်တောင် ရောက်နေပြီ ဆိုတဲ့အခါကျတော့ ဒေါ်အောင်ဆန်းစုကြည်ကို မလွှတ်ထိုက်ဘူး၊ လွှတ်ထိုက်တယ်ဆိုတာ အငြင်းပွားစရာ မရှိတော့ပါဘူး။ လွှတ်ပေးဖို့ဟာဖြင့် ကျော်တောင်ကျော်နေပါပြီ ကျနော်က တင်ပြပါတယ်။"
၁၉၉၀ ပြည့်နှစ်တုန်းက နိုင်ငံတော်ငြိမ်ဝပ်ပိပြားရေးနဲ့ တည်ဆောက်ရေးအဖွဲ့ အစိုးရလက်ထက်မှာ ပါတီစုံ ဒီမိုကရေစီ အထွေထွေ ရွေးကောက်ပွဲတရပ် ကျင်းပပေးခဲ့ပြီး လွှတ်တော်အမတ် နေရာအများစုကို NLD က အနိုင်ရခဲ့ပါတယ်။ ဒါပေမဲ့လည်း မြန်မာစစ်အစိုးရက အနိုင်ရပါတီကို အာဏာလွှဲမပေးဘဲ အဲဒီရွေးကောက်ပွဲဟာ ဖွဲ့စည်းပုံအခြေခံဥပဒေ ရေးဆွဲရေးအတွက် ကျင်းပတာဖြစ်တယ် ဆိုပြီး အမျိုးသားညီလာခံကို ၁၉၉၃ ခုနှစ်ကနေ ၂၀၀၇ ခုနှစ်အထိ ၁၄ နှစ်ကြာ ကျင်းပခဲ့ပါတယ်။
၉၀ ပြည့်နှစ် ရွေးကောက်ပွဲရလဒ်နဲ့ပတ်သက်ပြီး NLD က ခုချိန်ထိ ကိုင်စွဲထားတဲ့ ရပ်တည်ချက်နဲ့ သဘောထားကို NLD ခေါင်းဆောင်တွေက မစ္စတာ ကင်တားနားကို ပြောပြခဲ့ကြပါတယ်။
"၁၉၉၀ ခုနှစ် ရွေးကောက်ပွဲရလဒ်ဟာ ပြည်သူလူထုရဲ့ ဆန္ဒဖြစ်တယ်။ ဒါကို ကျော်လွှားပစ်ပယ်ဖို့ မထိုက်ပါဘူး။ ၁၉၉၀ ခုနှစ် ရွေးကောက်ပွဲရလဒ်ကို သက်ဆိုင်ရာ အာဏာပိုင်တွေကနေပြီးတော့ ဒါကို တနည်းနည်းနဲ့ ဖြေရှင်းပေးဖို့ ပထမအချက် ဖြစ်တယ်လို့ ပြောပါတယ်။ ဒါဟာဘာလဲဆိုတော့ ပြည်သူတွေရဲ့ citizen right ပြည်သူတွေရဲ့ အခွင့်အရေးကို ပစ်ပယ်ရာမရောက်အောင် ကျနော်တို့ တင်ပြခြင်းဖြစ်တယ်။"
မြန်မာ့နိုင်ငံရေး အကျပ်အတည်းမှာ ဖြစ်ပေါ်တိုးတက်မှုတခုခု သိသိသာသာ ပြနိုင်ဖို့ဆိုရင် အကျဉ်းထောင်အသီးသီးမှာ အဖမ်းခံထားရတဲ့ နိုင်ငံရေးအကျဉ်းသားတွေ အားလုံး လွတ်မြောက်ရေးကိစ္စကို အဓိကအကျဆုံးကိစ္စရပ်အဖြစ် အစဉ်တစိုက် ပြောဆိုခဲ့ကြပါတယ်။ အခု မစ္စတာကင်တားနားနဲ့ တွေ့ဆုံတဲ့အချိန်မှာလည်း NLD တာဝန်ရှိသူတွေက ဒီကိစ္စကို တောင်းဆို ခဲ့ကြပါတယ်။
"ယုံကြည်မှုအရ အကျဉ်းထောင်ထဲမှာရောက်နေတဲ့ ဒီမိုကရေစီလိုလားတဲ့ နိုင်ငံရေးသမားတွေ ၂,၁၀၀ ကျော်ကိုလည်းပဲ အမြန်ဆုံးလွှတ်ပေးသင့်တယ်လို့ ကျနော်တို့ ပြောပါတယ်။ ဒါဟာလည်းပဲ လူ့အခွင့်အရေးနဲ့ လုံးဝ ထိစပ်နေတာကြောင့်မိုလို့ ယုံကြည်မှုကြောင့် အကျဉ်းကျတယ်ဆိုတာ ယုံကြည်မှုတောင်မှ လွတ်လပ်စွာမလုပ်ရဘူးဆိုတဲ့ အဖြစ်မျိုး မရောက်အောင် အဖမ်းခံနေရတဲ့ ပုဂ္ဂိုလ်တွေအားလုံးကို လွှတ်ပေးဖို့ တောင်းဆိုခဲ့ပါတယ်။"
ဒီနှစ်အတွင်းမှာ ပါတီစုံဒီမိုကရေစီ ရွေးကောက်ပွဲတွေ ကျင်းပမယ်လို့ မြန်မာအာဏာပိုင်တွေက ကြေညာထားပါတယ်။ NLD ကတော့ ရွေးကောက်ပွဲ ၀င်မယ်-မ၀င်ဘူးဆိုတာကို ခုချိန်ထိ အတိအလင်း မကြေညာသေးဘဲ ရွှေဂုံတိုင် ကြေညာစာတမ်း ထုတ်ပြန်ပြီး ပါတီရဲ့ရပ်တည်ချက်ကို ပြောထားပါတယ်။ ဒီစာတမ်းပါ NLD ရဲ့ တောင်းဆိုချက်တွေကို ခုချိန်ထိတော့ မြန်မာ စစ်အစိုးရက လိုက်လျောမယ့်အရိပ်အယောင် မပြသေးပါဘူး။
မစ္စတာကင်တားနားက NLD ရွေးကောက်ပွဲ ၀င် မ၀င် မေးမြန်းတဲ့အပေါ် NLD တာဝန်ရှိသူတွေရဲ့ ဖြေကြားချက်အရ ရွေးကောက်ပွဲဝင်ရေးကိစ္စကို လမ်းဖွင့်ထားဆဲဖြစ်တယ် ဆိုတဲ့သဘော တွေ့ရပါတယ်။
"လွတ်လပ်ပြီးတရားမျှတတဲ့ ရွေးကောက်ပွဲဖြစ်ဖို့က အင်မတန် အရေးကြီးပါတယ်။ ဒါ့အပြင် အားလုံးပါဝင်တဲ့ ရွေးကောက်ပွဲ ဖြစ်ဖို့လည်း ကျနော်တို့ လိုလားတယ်ဆိုတဲ့အကြောင်း၊ ပြီးတော့ နိုင်ငံတကာကနေ စောင့်ကြပ်ကြည့်ရှုတဲ့ အဖွဲ့အစည်းမျိုး တွေ ပါလာမှသာလျင် ဒါဟာ ဖြစ်နိုင်မယ်လို့ ကျနော်တို့က ပြောပါတယ်။ ဘာကြောင့်လဲဆိုတော့ ရွေးကောက်ပွဲဖြစ်တယ် ဆိုလို့ရှိရင် NLD ၀င်သည်ဖြစ်စေ၊ မ၀င်သည်ဖြစ်စေ တရားမျှတ လွတ်လပ်ဖို့တော့ လိုတယ်လို့ ကျနော်တို့ ပြောပါတယ်။ အဲဒီတော့ ရွေးကောက်ပွဲမှာ တကယ်လို့များ NLD မ၀င်ဘူးဆိုရင် ဘယ်လိုဖြစ်မလဲ ဆိုတဲ့အခါကျတော့၊ တကယ်လို့ NLD မပါဘူးဆိုရင် တရားမျှတလွတ်လပ်ဖို့က ရာခိုင်းနှုန်း ၁၀၀ % တောင် ဖြစ်သွားမလားလို့ ထင်တယ်လို့ ကျနော်တို့က ပြောပါ တယ်။ တကယ်လို့ NLD ပါ ပါမယ်ဆိုလို့ရှိရင်တော့ ရွေးကောက်ပွဲနဲ့ ပတ်သက်တဲ့ကိစ္စတွေ အင်မတန်မှ တရားမျှတ လွတ်လပ်ဖို့ အထူးဂရုစိုက် လုပ်ဆောင်ရမှာ ဖြစ်တဲ့အတွက်ကြောင့် နိုင်ငံတကာ စောင့်ကြည့်မှုတွေ မပါဘဲနဲ့တော့ ရွေးကောက်ပွဲဟာ တရားမျှတ လွတ်လပ်မယ်ဆိုတဲ့ အနေအထားကို ဘယ်လိုမှ လက်ခံဖို့အကြောင်း မရှိပါဘူးလို့ ရွေးကောက်ပွဲ ၀င် မ၀င်နဲ့ပတ်သက်ပြီး မေးတဲ့အခါမှာ ဖြေကြားခဲ့ပါတယ်။
အပြည်ပြည်ဆိုင်ရာ အလုပ်သမားအဖွဲ့ ILO ကိုယ်စားလှယ်တွေ မြန်မာနိုင်ငံကို လာရောက်ချိန်တုန်းက NLD နဲ့ အဆက်အသွယ် မလုပ်ခဲ့တာဟာ လုပ်ငန်းလုပ်ဆောင်တာတွေ နှောင့်နှေးပြီးတော့ မလိုလားအပ်တဲ့ကိစ္စတွေ ပေါ်လာမှာ စိုးလို့ တိုက်ရိုက်မဆက် သွယ်ခဲ့ဘူးလို့ သိရတဲ့အတွက် ဒါဟာမဖြစ်ထိုက်တဲ့ ကိစ္စဖြစ်ကြောင်း၊ NLD အနေနဲ့ ILO အဖွဲ့နဲ့ တိုက်ရိုက် ဆက်သွယ် ပြောဆိုဖို့ရာဟာလည်း အရေးကြီးတဲ့ကိစ္စဖြစ်တယ်လို့ မစ္စတာကင်တားနားကို ဆွေးနွေး ပြောဆိုခဲ့ ကြောင်း ဦးခင်မောင်ဆွေက ပြန်ပြောပြခဲ့ပါတယ်။
NLD တာဝန်ခံတချို့နဲ့ အမေရိကန် ယာယီသံမှူး တွေ့ဆုံ

24 February 2010
မြန်မာစစ်အစိုးရက ကတိပြုထားတဲ့ ရွေးကောက်ပွဲတွေ ဒီနှစ်ထဲ ကျင်းပဖို့ ရှိနေတာမို့ ဒါကို နိုင်ငံတကာ အသိုင်းအ၀န်းကလည်း စိတ်ဝင်တစား ရှိနေကြပါတယ်။ အနောက်တိုင်း သံတမန်တွေကလည်း ဒီရက်ပိုင်းတွေအတွင်း လေ့လာ အကဲခတ်တဲ့ အနေနဲ့ မြန်မာနိုင်ငံက အဓိက နိုင်ငံရေးပါတီကြီး တခုဖြစ်တဲ့ အမျိုးသားဒီမိုကရေစီ အဖွဲ့ချုပ် (NLD) ပါတီနဲ့ တွေ့ဆုံမှုတွေလည်း ရှိခဲ့ပါတယ်။ အပြည့်အစုံကို ကိုအောင်လွင်ဦးက တင်ပြပေးထားပါတယ်။
ဒီနေ့ဆိုရင်လည်း ၇ နှစ်လောက် ဖမ်းဆီးခံရပြီး ပြန်လည်လွတ်မြောက်လာတဲ့ NLD ဒု-ဥက္ကဋ္ဌ ဦးတင်ဦး အပါအ၀င် ပါတီ တာဝန်ရှိသူ တချို့နဲ့ အမေရိကန်သံရုံး ယာယီတာဝန်ခံနဲ့ အဖွဲ့တို့ တွေ့ဆုံမှုတွေ ရှိခဲ့တဲ့အကြောင်း ဗဟိုကော်မတီဝင် တဦးဖြစ်တဲ့ ဦးခင်မောင်ဆွေက ပြောပြပါတယ်။
“အမေရိကန်သံရုံးက Chargé d’Affaires ပေါ့ မစ္စတာ လယ်ရီ ဒင်းဂါး (Mr. Larry Dinger) နဲ့ First Secretary ဂျနီဖာ အေဟိုက် (Jennifer Harhigh) ပေါ့၊ သူတို့နှစ်ယောက် လာတယ်။ လာပြီး အဖွဲ့ချုပ်မှာရှိတဲ့ ဗဟိုဦးစီးအဖွဲ့ အနေအထားတွေ မေးပါတယ်၊ ပြီးတော့ ဦးတင်ဦးကို လာနှုတ်ဆက်တဲ့ သဘောပါပဲ။ CEC အားလုံးနဲ့တွေ့တာ မဟုတ်ပါဘူး။ ဦးတင်ဦးရယ်၊ ဦးဝင်းတင်ရယ်၊ ကျနော်ရယ်၊ ဦးညွန့်ဝေရယ်၊ ဒါပဲတွေ့တာပါ။ ၄ ယောက်တည်းပါ။
“ဒေါ်အောင်ဆန်းစုကြည်နဲ့ တွေ့ဖို့ ရှိသလားဆိုတော့ ဒေါ်အောင်ဆန်းစုကြည်နဲ့ တွေ့ဖို့ကတော့ ကျနော်တို့ တောင်းထားတာ ရှိတယ်။ ပြီးတော့ အဖွဲ့ချုပ် ဥက္ကဋ္ဌ အနေနဲ့လည်း စာထပ်ပြီး ပို့ထားတာ ရှိတယ်။ အဲဒီတော့ တွေ့ဖို့တော့ မျှော်လင့်နေဆဲပဲလို့ ထပ်ပြောပါတယ်။ ထူးခြားချက်ကတော့ ဒေါ်အောင်ဆန်းစုကြည်နဲ့ တွေ့မှပဲ ရှေ့နိုင်ငံရေးခရီးနဲ့ ပတ်သက်လို့ ကျနော်တို့ သေသေချာချာ ဆွေးနွေးပြီးတော့ ချမှတ်နိုင်မှာ ဖြစ်တယ်။ ဒါကြောင့် သိပ်ကို အရေးကြီးပါတယ်။
“ဒီ့ထက်ပို အရေးကြီးတာကတော့ ဗိုလ်ချုပ်မှူးကြီးသန်းရွှေနဲ့ ဒေါ်အောင်ဆန်းစုကြည် မေတ္တာရပ်ခံထားတဲ့ အတိုင်း တွေ့ဖို့ ရောက်မှသာလျှင် မြန်မာ့နိုင်ငံရေးအတွက် အလွန်အင်မတန် အရေးကြီးတဲ့အကြောင်း၊ ရှေ့နိုင်ငံရေး ခရီးတွေကို သွားဖို့က ဒီအချက် ၂ ချက်ပေါ်မှာ တည်နေတဲ့အကြောင်း အမေရိကန် သံအမတ်ကို ပြောလိုက်ပါတယ်။ ဒီလောက်ပါပဲ။”
မြန်မာ့နိုင်ငံရေး အပြောင်းအလဲတွေ၊ အထူးသဖြင့်ကတော့ စစ်အစိုးရက ကျင်းပပေးဖို့ ရှိနေတဲ့ ရွေးကောက်ပွဲနဲ့ ပတ်သက်ပြီး အနောက်နိုင်ငံ သံတမန် အသိုင်းအ၀န်းက အထူးစိတ်ဝင်စားနေကြတာပါ။ ဒါတွေကိုလည်း တခြား အနောက်တိုင်း သံတမန်တွေက NLD ရုံးချုပ်ကို လာရောက် ဆွေးနွေးမှုတွေ ရှိခဲ့တဲ့အကြောင်း ဦးခင်မောင်ဆွေက ပြောပါတယ်။
“တခြားသံရုံးလည်း လာပါတယ်ဗျ။ ပြီးခဲ့တဲ့ လေးငါးရက်ကဆို ဗြိတိသျှ သံအမတ်ကြီးနဲ့ သူ့လက်ထောက် အမျိုးသမီးတယောက် လာတယ်။ ပြင်သစ်သံအမတ်လည်း လာပါတယ်။ ခဏခဏကြီးတော့ မဟုတ်ပါဘူး။ တလမှာ တကြိမ်လောက်၊ နှစ်လမှာ တခါလောက် အဲလိုလာကြတာတွေ ရှိပါတယ်။
“အနောက်အုပ်စု နိုင်ငံတွေကတော့ မြန်မာ့အရေးပေါ်မှာ စိတ်ဝင်စားတယ်။ ဒီမိုကရေစီ ရစေချင်တယ်။ ရွေးကောက်ပွဲကိုလည်း မှန်မှန်ကန်ကန်နဲ့ အားလုံးပါဝင်တဲ့ ကိစ္စမျိုး၊ နိုင်ငံတကာကလည်း တရားမျှတအောင် စောင့်ကြည့် ထိန်းကြပ်ပေးတဲ့ အဖြစ်မျိုးတွေ ရောက်အောင် ဖြစ်စေချင်တဲ့ ဆန္ဒတွေလည်း ဆွေးနွေးတာတွေ ရှိပါတယ်။ ဆွေးနွေးတဲ့အခါမှာတော့ ဒါတွေ ပါတာပေါ့ဗျာ။ ရွေးကောက်ပွဲအကြောင်း ပြောရင် ဒါတွေ ပါရတော့တာပေါ့။
“ဒါပေမဲ့ NLD က အခုထိ ဘာမှ မဆုံးဖြတ်သေးဘူး ဆိုတဲ့ အကြောင်းကိုလည်း ပြောပါတယ်၊ ကျနော်တို့ဘက်က။ ဒေါ်အောင်ဆန်းစုကြည် ကိုယ်တိုင်လည်း ပြောကြားထားတာ ရှိပါတယ်။ ရွေးကောက်ပွဲ ၀င်ရေး မ၀င်ရေး ပြောဖို့၊ ဆုံးဖြတ်ဖို့ အချိန်မတန်သေးဘူးလို့ ပြောထားတဲ့ စကားအတိုင်းပဲ ရွှေဂုံတိုင် ကြေညာစာတမ်းမှာလည်း ရွေးကောက်ပွဲ ၀င်ဖို့သော် လည်းကောင်း၊ မ၀င်ဖို့သော် လည်းကောင်း ပြောကြားထားခြင်း မရှိပါဘူးလို့။
“၀င်ဖို့လည်း မဟုတ်ဘူး၊ မ၀င်ဖို့လည်း မဟုတ်ဘူး၊ ဒါကို သွားပြီး ဆွေးနွေးမယ်ဆိုရင် ဒါ မမှန်ကန်ပါဘူးလို့။ ၀င်ဖို့ မဆွေးနွေးသလို မ၀င်ဖို့လည်း မဆွေးနွေးဘူးဆိုတဲ့ stand ဟာ အခိုင်အမာ ရှိပြီးသား ဖြစ်ပါတယ်။ အဲဒီ stand ကလည်း မူအနေနဲ့သာ ရှိနေပြီးတော့ ultimatum အနေနဲ့ ရှိနေတာ မဟုတ်ဘူးလို့ ရှင်းပြလိုက်ပါတယ်။ ပြောစရာ စကားတွေကလည်း အဟောင်းပဲရှိတော့ အသစ်မှ ဘာမှ နအဖဘက်က ကမ်းလှမ်းမှုတွေ ဘာတွေ၊ ထုတ်ပြန်မှုတွေ မရှိသေးတော့ နိုင်ငံရေးနဲ့ ပတ်သက်လို့ အသစ် ဆွေးနွေးစရာလည်း မရှိပါဘူး။”
အမျိုးသားဒီမိုကရေစီ အဖွဲ့ချုပ် (NLD) ပါတီနဲ့ အနောက်တိုင်း သံတမန်တွေ ဒီရက်ပိုင်းတွေအတွင်း တွေ့ဆုံဖြစ်တဲ့အကြောင်း ပါတီ ဗဟိုကော်မတီဝင် တဦးဖြစ်တဲ့ ဦခင်မောင်ဆွေ ပြောပြသွားတာ ဖြစ်ပါတယ်။
ဒေါ်စုအမှု ပယ်ချတာကြောင့် ပြန်လည်သင့်မြတ်ရေးကို ထိခိုက်နိုင်

02 March 2010
မြန်မာနိုင်ငံမှာ အတိုက်အခံ ခေါင်းဆောင် ဒေါ်အောင်ဆန်းစုကြည်နဲ့ တခြား ယုံကြည်ချက်ကြောင့် အကျဉ်းကျနေကြသူ အားလုံးကို မြန်မာ့နိုင်ငံရေး ဖြစ်စဉ်ထဲမှာ ပါဝင်ခွင့်ပေးဖို့ EU ဥရောပသမဂ္ဂက ပြောကြားလိုက်ပါတယ်။
ဒေါ်အောင်ဆန်းစုကြည်ကို သူတို့အဆို တရားမမျှတတဲ့ ပြစ်ဒဏ်ချမှုအတွက် ပြင်ဆင်မှု လျှောက်ထားချက်ကို တရားရုံးချုပ်က ပယ်ချခဲ့တဲ့အပေါ် EU က မတ်လ ၁ ရက်နေ့ နေ့စွဲနဲ့ ကြေညာချက် ထုတ်ပြန်ခဲ့တာ ဖြစ်ပါတယ်။
အမျိုးသား ပြန်လည်သင့်မြတ်ရေးနဲ့ ရေရှည် တည်ငြိမ်ရေးအတွက် အရေးပေါ် လိုအပ်နေတဲ့ အစိုးရနဲ့ အတိုက်အခံတွေကြား အာလုံးပါဝင်နိုင်မယ့် တွေ့ဆုံဆွေးနွေးရေး အလားအလာကို ဒေါ်ဆောင်ဆန်းစုကြည်ရဲ့ ပြင်ဆင်မှု လျှောက်ထားချက်ကို ပယ်ချလိုက်တဲ့ ဆုံးဖြတ်ချက်က ထိခိုက်စေတယ်လို့ အဲဒီကြေညာချက်ထဲမှာ ဖော်ပြထားပါတယ်။
ဒေါ်အောင်ဆန်းစုကြည်ဘက်က နောက်ဆုံး အယူခံတင်တဲ့အခါ မြန်မာအာဏာပိုင်တွေ အနေနဲ့ ဒီအခြေအနေတွေကို ပြောင်းလဲအောင်လုပ်လို့ ရပါသေးကြောင်းနဲ့ မြန်မာနိုင်ငံနဲ့ မြန်မာပြည်သူတွေအတွက် ဒီအခွင့်အရေးကို စစ်အာဏာပိုင်တွေက လက်လွတ်မခံဖို့ EU အဆင့်မြင့် ကိုယ်စားလှယ်က အလေးအနက် ပန်ကြားတယ်လို့လည်း ကြေညာချက်ထဲမှာ ဖော်ပြပါတယ်။
မြန်မာ့နိုင်ငံရေး ဒေါ်စု ပါဝင်ခွင့် အမေရိကန် ထပ်မံ တောင်းဆို

10 March 2010
မြန်မာစစ်အစိုးရရဲ့ နိုင်ငံရေးပါတီများ မှတ်ပုံတင်ခြင်း ဥပဒေ အပါအ၀င် ရွေးကောက်ပွဲဆိုင်ရာ ဥပဒေတွေနဲ့ ပတ်သက်ပြီး စိတ်ပျက်မိသလို စိတ်မကောင်းလည်း ဖြစ်မိတယ်လို့ အမေရိကန် နိုင်ငံခြားရေး ၀န်ကြီးဌာန ထိပ်တန်းအရာရှိတွေက ပြောဆိုနေပါတယ်။ ရွေးကောက်ပွဲမှာ ပါဝင်ယှဉ်ပြိုင်ဖို့ ပြင်ဆင်နေတဲ့ နိုင်ငံရေး ပါတီတွေကတော့ မြန်မာစစ်အစိုးရဘက်က အခုလို ဥပဒေတွေ ထုတ်ပြန်ပြီး ရွေးကောက်ပွဲအတွက် ပြင်ဆင်နေတာဟာ အခွင့်အလမ်းကောင်း တခုလို့ သုံးသပ်ပါတယ်။ အကြောင်းစုံကို ကိုသိန်းထိုက်ဦးက တင်ပြပေးထားပါတယ်။


အမေရိကန်
လက်ထောက်နိုင်ငံခြားရေးဝန်ကြီး
ကာ့တ် ကမ်းဘဲလ်။
မတ် ၁၀၊ ၂၀၁၀
မလေးရှားနိုင်ငံကို ရောက်နေတဲ့ အရှေ့အာရှနဲ့ ပစိဖိတ်ရေးရာ အမေရိကန် လက်ထောက် နိုင်ငံခြားရေးဝန်ကြီး ကာ့တ် ကမ်းဘဲလ် (Kurt Campbell) က မြန်မာနိုင်ငံရဲ့ ရွေးကောက်ပွဲ ဥပဒေတွေနဲ့ ပတ်သက်လို့ ဝေဖန်ပြောဆိုရင်း တချိန်တည်းမှာ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို မြန်မာပြည် နိုင်ငံရေးမှာ အဓိက အခန်းကဏ္ဍက ပါဝင်ခွင့်ပေးတာကို တွေ့မြင်လိုတဲ့အကြောင်း ပြောဆိုသွားတာပါ။ အာရှခရီးစဉ်အတွင်း မလေးရှားကို တရက်သွားရောက်တဲ့ အချိန် မြန်မာစစ်အစိုးရရဲ့ ရွေးကောက်ပွဲ ဥပဒေတွေအပေါ် သူ့အနေနဲ့ စိတ်ပျက်မိတဲ့အကြောင်း အခုလို ပြောသွားခဲ့တာ ဖြစ်ပါတယ်။
“ရွေးကောက်ပွဲ လုပ်ငန်းစဉ်အရ စလုပ်ဆောင်နေတဲ့ အခြေအနေ အားလုံးကို ကျနော်တို့ ကြည့်နေပါတယ်။ ၅ ခုထဲက ပထမ ထွက်လာတဲ့ ဥပဒေတွေကို ကြည့်ရင် ကျနော်တို့အနေနဲ့ စိတ်ပျက်မိသလို စိတ်မကောင်း ဖြစ်မိတယ်လို့ပဲ ပြောရပါလိမ့်မယ်။ ရွေးကောက်ပွဲ မကျင်းပခင် ပြည်တွင်းမှာ တွေ့ဆုံဆွေးနွေးရေးတွေ စစ်အစိုးရဘက်က စလုပ်တာကို ကျနော်တို့က မြင်ချင်တာပါ။ ရှင်းရှင်းပြောရရင် ဒီလို တွေ့ဆုံဆွေးနွေးရေးတွေ လုပ်ဖို့ လိုအပ်နေဆဲပဲလို့ ကျနော်တို့ဘက်ကတော့ မြင်ပါတယ်။”
မစ္စတာ ကာ့တ် ကမ်းဘဲလ်ဟာ ပြီးခဲ့တဲ့နှစ်က မြန်မာနိုင်ငံကို သွားရောက်ပြီး ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကိုရော စစ်အစိုးရ ခေါင်းဆောင်တွေကိုပါ တွေ့ဆုံခဲ့ပါတယ်။
အခု စစ်အစိုးရဘက်က ထုတ်ပြန်တဲ့ နိုင်ငံရေးပါတီများ မှတ်ပုံတင်ခြင်း ဥပဒေအရ နိုင်ငံရေးပါတီတွေ အနေနဲ့ ရွေးကောက်ပွဲမှာ အနည်းဆုံး မဲဆန္ဒနယ် ၃ နယ်မှာ ၀င်ရောက် မယှဉ်ပြိုင်ဘူးဆိုရင် ရပ်တည်ခွင့် မရှိပါဘူး။ စစ်အစိုးရရဲ့ နိုင်ငံရေး ပါတီများ မှတ်ပုံတင်ခြင်း ဥပဒေ ပုဒ်မ ၁၀ ပါ စည်းကမ်းချက်နဲ့ မညီတဲ့သူတွေကို ပါတီဝင်အဖြစ်က ထုတ်ပယ်ဖို့ တောင်းဆိုထားပါတယ်။
အဲဒီ ပုဒ်မ ၁၀ အရ ထောင်ဒဏ် ကျခံနေရသူတွေကို ပါတီဝင်အဖြစ်က မထုတ်ပယ်ဘူးဆိုရင် နိုင်ငံရေးပါတီတခု အနေနဲ့ တရားဝင် ပါတီအဖြစ် မသတ်မှတ်ပါဘူး။ ဒီ ထောင်ဒဏ် ကျခံနေရသူတွေလို့ ပြောတဲ့အခါ နိုင်ငံရေးမှုနဲ့ ရာဇ၀တ်မှုကို ခွဲခွဲခြားခြား ဖော်ပြမထားတဲ့အတွက် ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို ထုတ်ပယ်ဖို့ NLD ကို ဖိအားပေးတဲ့ ဥပဒေတရပ် ဖြစ်နိုင်တယ်ဆိုပြီး နိုင်ငံရေး အကဲခတ်တွေက သတ်မှတ်ပါတယ်။ အမေရိကန် လက်ထောက် နိုင်ငံခြားရေးဝန်ကြီး ကာ့တ် ကမ်းဘဲလ်ကတော့ ဒေါ်အောင်ဆန်းစုကြည်နဲ့ ပတ်သက်ပြီး အခုလို ပြောပါတယ်။
“ကျနော်တို့က ဒေါ်ဆောင်ဆန်းစုကြည် မြန်မာပြည်ရဲ့ နိုင်ငံရေး ဖြစ်စဉ်တွေထဲမှာ တက်တက်ကြွကြွ ပါဝင်လုပ်ဆောင်ခွင့် ရရှိတာကို တွေ့မြင်လိုပါတယ်။ အခုလည်း ကျနော်တို့ဘက်က ဒီသဘောထားအတိုင်းပါပဲ။ ဒေါ်အောင်ဆန်းစုကြည်ကို လွှတ်ပေးပြီး နိုင်ငံရေးမှာ ပါဝင်ခွင့် ပေးတာကို မြင်လိုပါတယ်။ ဒါပေမဲ့ အခုအချိန်အထိ တွေ့ရ မြင်ရသမျှကတော့ စိတ်ပျက်စရာပဲလို့ ပြောရပါလိမ့်မယ်။”
အမေရိကန် ပြည်ထောင်စုက ဒီလို ဝေဖန်ပြောဆိုနေတဲ့ အချိန်မှာပဲ ရွေးကောက်ပွဲမှာ ပါဝင်ယှဉ်ပြိုင်မယ့် သူတွေကတော့ အခုလို နိုင်ငံရေးပါတီများ မှတ်ပုံတင်ခွင့် ဥပဒေ ထွက်လာတဲ့အတွက် မှတ်ပုံတင်ဖို့ စတင်ပြင်ဆင်နေပါတယ်။
ဒီမိုကရက်တစ်ပါတီရဲ့ အတွင်းရေးမှူးချုပ်၊ ကွယ်လွန်သူ ၀န်ကြီးချုပ်ဟောင်း ဦးနုရဲ့ သမီး ဒေါ်သန်းသန်းနုကတော့ ရွေးကောက်ပွဲဟာ အခွင့်အရေး လမ်းစတခုလို့ မြင်တဲ့အကြောင်း ဗွီအိုအေကို အခုလို ပြောပါတယ်။
“အဖွဲ့သားတွေ အားလုံးကလည်း တက်တက်ကြွကြွ ရှိပါတယ်။ အဲဒီအတွက်၊ ကျမဆီလည်း ဖုန်းတွေ ဆက်ကြတယ်။ ကျမတို့ အရင်တည်းကတော့ ကိုယ့်အချင်းချင်း တွေ့ဆုံပြီး တွေ့လို့ရသလောက်လေး တွေ့ပြီး ပြင်ဆင်ပါတယ်။ အခုတော့ ဒီနေ့ပဲ အဲဒါထွက်တယ်ဆိုတော့ ကျမတို့ လူကြီးတွေ တွေ့ပြီး၊ လူငယ်တွေနဲ့ပါ ညှိပြီး အကုန်လုံး ပြင်ဆင်ရမှာပေါ့။
“NLD ကတော့ သူ့ ရွှေဂုံတိုင် ကြေညာစာတမ်းနဲ့ ပတ်သက်ပြီး ဘယ်လိုသုံးသပ်မလဲ ဆိုတာတော့ သူတို့ပါတီပေါ်မှာ တည်တယ်လေ။ အဲဒါတော့ ကျမ မသိပါဘူး။ ဒါပေမဲ့ ပြန်ပြီးတော့ မှတ်ပုံတင်ခွင့်တော့ ရှိလိမ့်မယ်လို့ ထင်ပါတယ်။ ဒါပေမဲ့ အခုချိန်ခါမှာ ကျမတို့လည်း တချိန်လုံး ပြောနေတာပါပဲ၊ အားလုံး မျက်နှာစုံညီ ဆွေးနွေးပွဲ လုပ်ဖို့တို့၊ ကျမတို့ ကိုယ်၌ကလည်း လိုလားပါတယ်။ ဒါပေမဲ့ ကျမတို့လည်း အဲဒါကို စောင့်လာတာပေါ့၊ ကျမတို့တင် မဟုတ်ဘူး၊ အားလုံးက ဖြစ်ချင်တယ်၊ လိုလားတယ်။ အဲဒါလည်း ဖြစ်မလာဘူးပေါ့လေ။
“ဖြစ်မလာတော့ အခု လမ်းစလေး ပွင့်နေတာတော့ ဒီမိုကရေစီ ရွေးကောက်ပွဲ လုပ်မယ်ဆိုတဲ့ လမ်းစလေး ပွင့်တော့၊ ဒါကတော့ ဒီမိုကရေစီ လုံးလုံးကြီး ရာနှုန်းပြည့် ရသွားမယ် မဟုတ်ဘူးဆိုတာ သိပေမဲ့ ဒီလမ်းစလေး ပွင့်နေတာကို ကျမတို့ ၀င်တာပါပဲ။ ဒီသဘောပဲ ရှိပါတယ်။”
မနေ့ကလည်း အမေရိကန် နိုင်ငံခြားရေး ၀န်ကြီးဌာနရဲ့ သတင်းစာ ရှင်းလင်းပွဲမှာ မြန်မာစစ်အစိုးရဘက်က အခုလို ဥပဒေတွေ တဖက်သတ် ထုတ်ပြန်နေတာတွေနဲ့ ပတ်သက်လို့ စစ်အစိုးရရဲ့ ရွေးကောက်ပွဲ လူအများ လက်ခံယုံကြည်နိုင်ခြေ အပေါ်မှာ သံသယဖြစ်မိတဲ့အကြောင်း ထည့်သွင်း ပြောဆိုသွားခဲ့ပါတယ်။
ဒေါ်စုနဲ့ နိုင်ငံရေးအကျဉ်းသားတွေ ရွေးကောက်ပွဲမှာ ပါဝင်ခွင့်ပေးဖို့ ဥရောပသမဂ္ဂ တိုက်တွန်း

12 March 2010
မြန်မာစစ်အစိုးရက ထုတ်ပြန်လိုက်တဲ့ ရွေးကောက်ပွဲဥပဒေတွေဟာ မြန်မာနိုင်ငံ ဒီမိုကရေစီရေးအတွက် ဖြစ်မနေဘဲ လွဲမှားတဲ့လမ်းကြောင်းကို ဦးတည်နေတယ်လို့ အီးယူ ဥရောပ ပါလီမန် ဥက္ကဋ္ဌ ဂျာဇီဘူးဇက် (Jerzy Buzek) က ပြောကြားလိုက်ပါတယ်။ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်လို ဒီမိုကရေစီရေး ဆောင်ရွက်နေသူတွေ အတွက် ရည်ရွယ်ပြီး ထုတ်ပြန်တဲ့ ရွေးကောက်ပွဲဥပဒေတွေမို့ ဒါဟာ စိန်ခေါ်မှုတခုအဖြစ်လည်း မြင်ကြပါတယ်။ ဥရောပ ပါလီမန်ရဲ့ မြန်မာစစ်အစိုးရ ရွေးကောက်ပွဲဥပဒေအပေါ် အမြင်သဘောထားကို ဒေါ်ခင်မျိုးသက်က တင်ပြထားပါတယ်။
မြန်မာနိုင်ငံမှာ ကျင်းပဖို့ပြင်နေတဲ့ရွေးကောက်ပွဲအတွက် ထုတ်ပြန်လိုက်တဲ့ဥပဒေတွေဟာ ဒေါ်အောင်ဆန်းစုကြည်လို မြန်မာနိုင်ငံ ဒီမိုကရေစီ ရရှိရေး လုပ်ဆောင်နေသူတွေအတွက် ရည်ရွယ်ပြီးထုတ်ပြန်တာ ထင်ရှားနေတာမို့ ဥရောပ ပါလီမန်ဥက္ကဋ္ဌ ဂျာဇီဘူးဇက် က ကြေညာချက်ထုတ်ပြန်ပြီး ရှုတ်ချလိုက်တယ်လို့ ဥရောပ ပါလီမန်ရုံး ပြောခွင့်ရ မစ္စတာ ရစ်ချက် ဖရိဒ်မန် (Richard Freedman) က ပြောပါတယ်။
"ဥရောပ ပါလီမန် ဥက္ကဋ္ဌအနေနဲ့ ဒီရွေးကောက်ပွဲဥပဒေတွေနဲ့ပတ်သက်လို့ စိတ်မကောင်းဖြစ်ရပါတယ်။ အထူးသဖြင့် ဒေါ်အောင်ဆန်းစုကြည် အပါအ၀င် ဒီမိုကရေစီရေး လှုပ်ရှားသူတွေကို စိန်ခေါ်ရာရောက်ပြီး သူတို့ပေးထားတဲ့ကတိအတိုင်း ဒီနှစ်ကျင်းပပေးမယ်လို့ ဆိုတဲ့ ရွေးကောက်ပွဲတွေကိုလည်း ထိခိုက်ရာရောက်ပါတယ်။ ဒါဟာ မြန်မာနိုင်ငံအတွက် လမ်းမှား ကို ဦးတည်စေတဲ့ခြေလှမ်း ဖြစ်ပြီး လွတ်လပ်ပြီးတရားမျှတတဲ့ ရွေးကောက်ပွဲတွေ မဖြစ်နိုင်လို့ပါပဲ။ ဒီမိုကရေစီရေး လှုပ်ရှားသူတွေ ပါဝင်ခွင့်ရနိုင်မယ့် ရွေးကောက်ပွဲလည်း မဟုတ်ပါဘူး။"
ဒေါ်အောင်ဆန်းစုကြည်ဟာ မြန်မာနိုင်ငံအတွက်သာမက နိုင်ငံတကာ အသိုင်းအ၀ိုင်းအတွက် ဒီမိုကရေစီရေး မျှော်လင့်ချက် မီးရှူးတန်ဆောင်အဖြစ်နဲ့ ရပ်တည်နေတာမို့ ဒေါ်အောင်ဆန်းစုကြည်ကို ပြန်ပြီးလွှတ်ပေးဖို့အတွက် ဥရောပသမဂ္ဂက အကြိမ်ကြိမ် တောင်းဆိုခဲ့တာပါ။ အခုလည်း ဥရောပ သမဂ္ဂရဲ့ ဥက္ကဋ္ဌမစ္စတာ ဘူးဇက် က ဒေါ်အောင်ဆန်းစုကြည်အတွက် သီးသန့်အမှာစကား ပါးလိုက်တယ်လို့ ပြောပါတယ်။
"ဥရောပ ပါလီမန် ဥက္ကဋ္ဌ ကိုယ်တိုင်အနေနဲ့ အာဏာရှင်လက်အောက်မှာ ဖိနှိပ်မှုကို ခံခဲ့ရသူတဦး ဖြစ်တဲ့အတွက် အခု ဒေါ်အောင်ဆန်းစုကြည် ရင်ဆိုင်နေရတဲ့ အကဲစမ်းမှုတွေကို ကိုယ်ချင်းစာပါတယ်။ သူမအနေနဲ့ ခွန်အားနဲ့ ဇွဲလုံ့လမလျော့ဘဲ မြန်မာနိုင်ငံမှာ လွတ်လပ်ရေးနဲ့ ဒီမိုကရေစီရရှိရေးအတွက် ရုန်းကန်မှုကို ဆက်ပြီး လှုပ်ရှားသွားနိုင်လိမ့်မယ်လို့လည်း ဥရောပ ပါလီမန်ဥက္ကဋ္ဌက မျှော်လင့်ထားပါတယ်။"
ဒါ့အပြင် ဒေါ်အောင်ဆန်းစုကြည်ကို ပြန်ပြီးလွတ်ပေးဖို့သာမက တခြား နိုင်ငံရေးအကျဉ်းသားတွေကို လွှတ်ပေးပြီး လွတ်လပ်ပြီး တရားမျှတတဲ့ ရွေးကောက်ပွဲဖြစ်စေဖို့ ဥရောပသမဂ္ဂက တိုက်တွန်းလိုက်ပါတယ်။
"မြန်မာအာဏာပိုင်တွေအနေနဲ့ ဒေါ်အောင်ဆန်းစုကြည်ကို ပြန်လွှတ်ပေးဖို့ ဥရောပ ပါလီမန်က တောင်းဆိုပါတယ်။ မြန်မာနိုင်ငံမှာ နိုင်ငံရေးအကျဉ်းသားတွေ အားလုံးကို ပြန်လွှတ်ပေးဖို့ ဥရောပ ပါလီမန်က ထပ်တလဲလဲ တောင်းဆိုခဲ့ ပြီးပါပြီ။ ဒါ့အပြင် လက်ရှိထုတ်ပြန်ထားတဲ့ ရွေးကောက်ပွဲ ဥပဒေသစ်တွေကို ပြင်ဆင်ပေးဖို့နဲ့ ရွေးကောက်ပွဲတွေကို လွတ်လပ်ပြီး တရားမျှတတဲ့ ရွေးကောက်ပွဲတွေအဖြစ် သက်ဆိုင်သူအားလုံး ပါဝင်ခွင့်ရကြဖို့ အတတ်နိုင်ဆုံး ဆောင်ရွက် သွားဖို့ကိုလည်း ဥက္ကဋ္ဌက တိုက်တွန်းပါတယ်။"
မြန်မာနိုင်ငံ ဒီမိုကရေစီ ရရှိရေးအတွက် ပါဝင်တွန်းအားပေးနေတဲ့ ဥရောပ သမဂ္ဂရုံးစိုက်ရာ ဘရက်ဇဲလ် က ရုံးရှေ့မှာ ဒေါ်အောင်ဆန်းစုကြည်ကို လွှတ်ပေးဖို့တောင်းဆိုတဲ့ စာတမ်းကြီးကို ချိတ်ဆွဲထားပြီး မြန်မာနိုင်ငံ ဒီမိုကရေစီရေးအတွက် ဒေါ်အောင်ဆန်းစုကြည်ရဲ့ တိုက်ပွဲဝင်နေမှုကို အမြဲတမ်းအမှတ်ရနေအောင် လုပ်ဆောင်ထားတယ်လို့လည်း ပြောကြားခဲ့ပါတယ်။