NLD လှုပ်ရှားမှုများ

ဒု-ဥက္ကဋ္ဌ ဦးတင်ဦး မကြာမီလွတ်မည်ဟု NLD မျှော်လင့်

04 February 2010
မေ ၃၀ ဒီပဲယင်း အရေးအခင်း ပြီးကတည်းက ဖမ်းဆီးခံခဲ့ရတဲ့ NLD အမျိုးသားဒီမိုကရေစီ အဖွဲ့ချုပ်ရဲ့ ဒုတိယဥက္ကဋ္ဌ ဗိုလ်ချုပ်ကြီးဟောင်း ဦးတင်ဦးရဲ့ နေအိမ်အကျယ်ချုပ် သက်တမ်း မကြာခင်မှာ ပြည့်တော့မှာမို့ သူ့ကို ပြန်လွှတ်ပေးလိမ့်မယ်လို့ မျှော်လင့်တဲ့အကြောင်း NLD ပါတီနဲ့ မိသားစုဝင်တွေက ပြောပါတယ်။ အပြည့်အစုံကို ဆက်သွယ်စုံစမ်းထားတဲ့ ကိုဇော်ဝင်းလှိုင်က တင်ပြပေးထားပါတယ်။
ဗိုလ်ချုပ်ကြီးဟောင်း ဦးတင်ဦးကို နေအိမ်အကျယ်ချုပ်နဲ့ ထိန်းသိမ်းထားခဲ့တာ လာမယ့် ဖေဖော်ဝါရီလ ၁၃ ရက်နေ့ဆိုရင် ၆ နှစ် ပြည့်တော့မှာ ဖြစ်ပါတယ်။ အာဏာပိုင်တွေ အနေနဲ့ သူ့ကို ထိန်းသိမ်းထားတဲ့ရက် စေ့တဲ့နေ့မှာ ပြန်လွှတ်ပေးလိမ့်မယ်လို့ NLD ပါတီ အနေနဲ့ မျှော်လင့်တဲ့အကြောင်း ပြောခွင့်ရပုဂ္ဂိုလ် ဦးဉာဏ်ဝင်းက ပြောပါတယ်။
“လာမယ့် ၁၃ ရက်နေ့ဆိုရင် ဒီဥပဒေအရ ချုပ်နှောင်ထားတဲ့ ကာလကလည်း ကုန်နေပါပြီ။ လွတ်မြောက်ရမယ်လို့ ကျနော်တို့ မျှော်လင့်ထားပါတယ်။ အန်ကယ် ဦးတင်ဦးက လွတ်လာရင် ပါတီကို ဆက်လက် ဦးဆောင်မယ်။ ကျနော်တို့လည်း ပိုပြီး အားရှိတာပေါ့။”
ဗိုလ်ချုပ်ကြီးဟောင်း ဦးတင်ဦးရဲ့ သားလည်းဖြစ်၊ အမျိုးသားဒီမိုကရေစီ အဖွဲ့ချုပ် လွတ်မြောက်နယ်မြေ (ဂျပန်ဌာနခွဲ) ရဲ့ ဥက္ကဋ္ဌလည်းဖြစ်တဲ့ ဦးသန့်ဇင်ဦးကလည်း ဖခင်ဖြစ်သူကို ဘာပြစ်မှုမှမရှိဘဲ ဖမ်းဆီးထားတာမို့ လွတ်ရက်စေ့တဲ့နေ့မှာ ပြန်လွှတ်ပေးသင့်တယ်လို့ ပြောပါတယ်။
“ကျနော်တို့လည်း မျှော်လင့်ချက် အများကြီး ရှိပါတယ်။ ဘာကြောင့်လဲဆိုတော့ ပုံမှန်အတိုင်းဆို လွတ်ရက်ကလည်း စေ့နေပြီ။ လွတ်ရက်မစေ့တောင် သူ့အနေနဲ့ တခြား ဘာမှ ပြစ်မှုကျူးလွန်ခဲ့တာ မရှိတဲ့အတွက်ကြောင့် ဒီမတိုင်ခင်မှာလည်း ပြန်လွှတ်ဖို့ ကောင်းတယ်၊ ပြန်လွှတ်ပေးသင့်ပြီလို့ ကျနော် ယူဆပါတယ်။ လက်ရှိ အာဏာရှိတဲ့ အစိုးရလက်ထဲမှာ ရှိတော့ လွှတ်မယ်ဆိုလည်း သူတို့သဘော၊ မလွှတ်ဘူးဆိုလည်း သူတို့သဘော၊ ကျနော်တို့ကတော့ လွှတ်ဖို့သင့်ပြီ၊ လွှတ်ပေးလိမ့်မယ်လို့ ယုံလည်း ယုံကြည်တယ်၊ မျှော်လည်း မျှော်လင့်ပါတယ်။”
တကယ်လို့ ဦးတင်ဦး အနေနဲ့ ပြန်လွတ်လာရင် သူ့ရဲ့ လက်ရှိ ပါတီရာထူးဖြစ်တဲ့ ဒုတိယဥက္ကဋ္ဌ ရာထူးကို ဆက်လက် ထမ်းဆောင်သွားမှာ ဖြစ်တယ်လို့ ဦးဉာဏ်ဝင်းက ဆက်ပြောပါတယ်။
“သူကတော့ လက်ရှိ ဒုတိယဥက္ကဋ္ဌလေ၊ ဒီတာဝန်ကို သူ ဆက်လက် ထမ်းဆောင်မှာပါ။ ဒီအတိုင်းပဲ ဖြစ်မှာပါ။”
ဦးတင်ဦးဟာ လောလောဆယ်မှာ ကျန်းမာရေးအရ ဆိုးဆိုးရွားရွားကြီး စိုးရိမ်ရတဲ့ အနေအထားမှာ မရှိလှပေမဲ့ မကြာခင် ရက်ပိုင်းအတွင်းကပဲ နှလုံးခွဲထားရတယ်လို့ ဆိုပါတယ်။
“လောလောဆယ်တော့ ကျနော် နေ့ရက်မသိဘူး၊ အန်ကယ်ဦးတင်ဦးက နှလုံးခွဲထားတယ်လို့ ကျနော် သိရပါတယ်။ ခွဲတယ်ဆိုတာတော့ သိပါတယ်။ သိပ်မကြာသေးပါဘူး၊ တပတ် ဆယ်ရက်ပါ။”
အသက် ၈၃ နှစ်ရှိပြီဖြစ်တဲ့ ဗိုလ်ချုပ်ကြီးဟောင်း ဦးတင်ဦးဟာ အရင်ကလည်း ကျောက်ကပ်မှာ ကျောက်တည်လို့ ခွဲစိပ်ကုသမှု ခံယူခဲ့ရဖူးပါတယ်။ တပ်မတော်မှာ တာဝန်ထမ်းဆောင်စဉ်က သေနတ်မှန်ထားတဲ့ ဒဏ်ရာတွေက ပြန်နာတာ၊ ခြေထောက်မှာ သွေးကြော ပြန်ထုံးတဲ့ရောဂါ စတာတွေ ရှိတယ်လို့ ဆိုပါတယ်။
ဗိုလ်ချုပ်ကြီးဟောင်း ဦးတင်ဦးကို ဒီပဲယင်း အရေးအခင်း အပြီးမှာပဲ ၂၀၀၃ ခုနှစ်က ဒေါ်အောင်ဆန်းစုကြည်တို့နဲ့အတူ ဖမ်းဆီး ထိန်းသိမ်းခဲ့တာပါ။ ဖမ်းဆီးပြီးပြီးချင်းပဲ ဒေါ်အောင်ဆန်းစုကြည်ကို ရန်ကုန် အင်းစိန်ထောင်ကို ပို့ခဲ့ပေမဲ့ ဦးတင်ဦးကိုတော့ ကလေးမြို့ အကျဉ်းထောင်ကိုပို့ပြီး ၉ လလောက် ချုပ်နှောင်ထားခဲ့တာပါ။
အဲဒီနောက်မှာတော့ ပုဒ်မ ၁၀(ခ) နိုင်ငံတော်အား နှောင့်ယှက် ဖျက်ဆီးလိုသူများ၏ ဘေးအန္တရာယ်မှ ကာကွယ်သည့် ဥပဒေနဲ့ အာဏာပိုင်တွေက သူ့ကို ရန်ကုန်က နေအိမ်မှာပဲ အကျယ်ချုပ်နဲ့ ဖမ်းဆီး ချုပ်နှောင်ထားခဲ့တာ ဖြစ်ပါတယ်။
NLD ခေါင်းဆောင်တဦး ပါတီအရေး ရှင်းလင်းပြောဆို

24 February 2010
ဒီတပတ် မြန်မာ့အရေးသုံးသပ်ချက်အစီအစဉ်မှာ ၂၀၁၀ ရွေးကောက်ပွဲ ကျင်းပမယ်လို့ စစ်အစိုးရက ပိုမို ပြောဆိုလာနေ ချိန်မှာ အမျိုးသားဒီမိုကရေစီအဖွဲ့ချုပ်ဘက်က ဘာတွေပြင်ဆင်လုပ်ကိုင်နေပါသလဲ။ ဒီရွေးကောက်ပွဲကို ဘယ်လိုပြင်ဆင် ဖြတ်သန်းမလဲဆိုတာတွေကို သိရှိနိုင်ဖို့ အန်အယ်လ်ဒီ ဗဟိုအလုပ်အမှုဆောင်အဖွဲ့ဝင် နဲ့ ပြန်ကြားရေးအဖွဲ့ တာဝန်ခံ ဦးခင်မောင်ဆွေ ကို ဦးကျော်ဇံသာ ဆက်သွယ်မေးမြန်း ဆွေးနွေးသုံးသပ်တင်ပြထားပါတယ်။

ဦးကျော်ဇံသာ ။ ။ အခုမြန်မာနိုင်ငံမှာ စစ်အစိုးရက ရွေးကောက်ပွဲ ကျင်းပပေးမယ်ဆိုတဲ့အချိန်က ပိုပြီးနီးကပ်လာနေပါပြီ။ တချိန်တည်းမှာဘဲ အမျိုးသားဒီမိုကရေစီအဖွဲ့ချုပ် ကို ပါဝင်ခွင့်ပေးဖို့၊ အမျိုးသားဒီမိုကရေစီအဖွဲ့ချုပ် ခေါင်းဆောင်တွေကို လွှတ်ပေးဖို့ နိုင်ငံတကာက ပြောဆိုလာတာတွေလည်း ကြားနေရပါတယ်။ လွှတ်မယ်၊ လွတ်တော့မယ်ဆိုတဲ့ ကောလာဟလ တွေလည်း ကြားနေရတာရှိပါတယ်။ အဲဒါနဲ့ ပတ်သက်လို့ ဦးခင်မောင်ဆွေ တို့အနေနဲ့ ဒေါ်အောင်ဆန်းစုကြည်၊ ဦးတင်ဦး တို့ လွတ်တော့မယ်ဆိုတဲ့ သတင်းနဲ့ပတ်သက်လို့ အတည်ပြုချက်တွေများ ရပါသလား။ သို့တည်းမဟုတ် ဘယ်လောက်များ ခိုင်ခိုင်မာမာ ကြားသိထားသလဲဆိုတာ သိချင်ပါတယ်။

ဦးခင်မောင်ဆွေ ။ ။ ကျနော်ကတော့ ဦးကျော်ဇံသာတို့ ကြားထားတဲ့အတိုင်းပဲ ပြည်ထဲရေးဝန်ကြီး ပြောသွားတဲ့စကားကို တည်မှီပြီးတော့ သိထားတာပါ။ ဒီထက်ပိုပြီး တရားဝင် ခိုင်ခိုင်မာမာ မသိသေးပါဘူး။

ဦးကျော်ဇံသာ ။ ။ ပြည်ထဲရေးဝန်ကြီး ပြောတယ်ဆိုတဲ့စကားကို ကြည့်မယ်ဆိုရင် အဲဒါက နိုဝင်ဘာမှ လွှတ်မယ်ဆိုတော့ အောက်တိုဘာမှာ ရွေးကောက်ပွဲကျင်းပပြီးမှ လွှတ်မယ်ဆိုတဲ့သဘော ဖြစ်နေပါတယ်။

ဦးခင်မောင်ဆွေ ။ ။ ဟုတ်ကဲ့ အဲဒီလိုပဲ ယူဆရမှာပါ။

ဦးကျော်ဇံသာ ။ ။ အဲဒီလိုဆိုရင် အမျိုးသားဒီမိုကရေစီအဖွဲ့ချုပ်ဟာ ခေါင်းဆောင်ဖြစ်တဲ့ ဒေါ်အောင်ဆန်းစုကြည် မလွတ် မြောက်လာဘဲနဲ့ ရွေးကောက်ပွဲကို ဘယ်လိုရင်ဆိုင်မလဲ။ ရွေးကောက်ပွဲနဲ့ ပတ်သက်ပြီး တစုံတရာ ပြတ်ပြတ်သားသား ဆုံးဖြတ်နိုင်တဲ့ အခြေအနေရှိပါသလား။

ဦးခင်မောင်ဆွေ ။ ။ ဒီမေးခွန်းက တော်တော်လေး အဖြေရခက်တဲ့ မေးခွန်းပဲ။ သို့သော်လည်း ကျနော်တို့က လက်ရှိ နိုင်ငံရေး အနေအထားနဲ့ ချိန်ထိုးပြီးတော့ ဖြေမယ်ဆိုရင် ကျနော်တို့ မဖြေနိုင်စရာ မရှိပါဘူး။ ဘာကြောင့်လဲဆိုတော့ ကျနော်တို့ ရွှေဂုံတိုင် ကြေညာစာတမ်းမှာ ပါတဲ့အတိုင်းပါပဲ။ ကျနော်တို့ဟာ လှေကားသုံးထစ် အလယ်မှာ ရပ်ထားတဲ့ အနေအထားမှာ ရှိပါတယ်။ ရွေးကောက်ပွဲ ၀င်ရေးမ၀င်ရေးဆိုတာဟာ ဒေါ်အောင်ဆန်းစုကြည် နဲ့ ဗဟိုအလုပ်အမှုဆောင် အဖွဲ့နဲ့သော်လည်းကောင်း၊ ရွေးကောက်ပွဲ ဥပဒေသော်လည်းကောင်း၊ ပါတီမှတ်ပုံတင် ဥပဒေသော်လည်းကောင်း မထွက်မချင်း ၀င်ရေးမ၀င်ရေးကိစ္စမှာ ကျနော်တို့မှာ အဖြေမရှိသေးပါဘူး။ မ၀င်ဘူးလို့ မပြောသလို၊ ၀င်မယ်လို့လည်း ပြောထားခြင်း မရှိသေးပါဘူး။ အဲဒါ ရွှေဂုံတိုင်ကြေညာစာတမ်းပါ အချက်အတိုင်းပဲ ရှိနေပါသေးတယ်။

ဦးကျော်ဇံသာ ။ ။ နောက်တခုက ရွေးကောက်ပွဲဥပဒေ ဘယ်တော့ ထွက်လာမလဲလို့ ကြားမိပါသလဲ။ ဘယ်တော့ ထွက်လာ မလဲလို့ ခန့်မှန်းနေပါသလဲ။

ဦးခင်မောင်ဆွေ ။ ။ အများခန့်မှန်းတာတော့ ဖေဖေါ်ဝါရီလကုန် နဲ့ မတ်လထဲမှာ ထွက်လိမ့်မယ်လို့ တော်တော်များများ အသံကျယ်ကျယ်လောင်လောင် ထွက်နေတာ ကြားရပါတယ်။

ဦးကျော်ဇံသာ ။ ။ စစ်အစိုးရကတော့ သူတို့သတ်မှတ်ထားတဲ့ ဥပဒေအတိုင်း ကြေညာပြီးတော့ ဆက်လုပ်မယ်ဆိုတဲ့ သဘော အတိုင်း ပြသနေတယ်လို့ ကျနော်သဘောပေါက် နားလည်းပါတယ်။ အမျိုးသားဒီမိုကရေစီအဖွဲ့ချုပ် ၀င်သည်ဖြစ်စေ၊ မ၀င် သည်ဖြစ်စေ သူတို့ကတော့ ၀င်ချင်တဲ့လူတွေနဲ့ ရွေးကောက်ပွဲလုပ်မယ်၊ တချို့ ကလည်း ၀င်မယ်ဆိုတဲ့ လေသံပြစ်နေတဲ့ အဖွဲ့အစည်းအချို့ လည်း ကြားနေရပါတယ်။ အဲဒီအဖွဲ့တွေနဲ့ ပတ်သက်လို့ အမျိုးသားဒီမိုကရေစီအဖွဲ့ချုပ်ရဲ့  သဘောထား ဘယ်လိုရှိပါသလဲ။

ဦးခင်မောင်ဆွေ ။ ။ ဟုတ်ကဲ့ ဒီကိစ္စကတော့ဗျာ နိုင်ငံရေးကိစ္စမှာတော့ ကိုယ်သန်ရာသန်ရာပေါ့။ အခြေခံဥပဒေကို ပြင်ဖို့တောင်းထားတဲ့ အဖွဲ့ချုပ်အနေနဲ့ကတော့ သူတို့တတွေ ၀င်တဲ့ကိစ္စဟာ အခြေခံဥပဒေကို လက်ခံတဲ့လူတွေရှိသလို၊ လက်မခံတဲ့ အစိတ်အပိုင်းတွေ ရှိနေတယ်ဆိုတာကိုလည်း သိရပါတယ်။ ဒီကိစ္စက နိုင်ငံရေးအဆုံးအဖြတ်က သက်ဆိုင်ရာ ပါတီတွေရဲ့  သဘောထားများသာ ဖြစ်ပါတယ်။

ဦးကျော်ဇံသာ ။ ။ နောက်တခုက အမျိုးသားဒီမိုကရေစီအဖွဲ့ချုပ်ရဲ့  ဒု-ဥက္ကဌဖြစ်တဲ့ ဦးတင်ဦး ကိုလည်း ဒေါ်အောင်ဆန်းစုကြည် ထက် စောပြီးလွှတ်မယ်လို့ သတင်းတွေ ထွက်နေပါတယ်။ အဲဒီကိစ္စကိုလည်း ဘယ်လောက်လောက် မျှော်လင့်ချက်ထားပါသလဲ။

ဦးခင်မောင်ဆွေ ။ ။ အဲဒါကတော့ ဒီခြောက်နှစ်တာကာလကို ဖြတ်သန်းပြီးတဲ့အခါကြတော့ လွှတ်ရက်စေ့တဲ့ အနေအထား မှာရောက်နေတဲ့အတွက် မျှော်လင့်စရာအများကြီးတော့ ရှိပါတယ်။ ဒါကလည်း နောက်ထပ်မဆုတ်ဘူးဆိုရင်ပေါ့။ အဲဒီတော့ ကျနော်တို့က ဥပဒေအတိုင်း ကြည့်မယ်ဆိုရင်တော့ သူလွှတ်ရက်စေ့တဲ့ အချိန်အခါမှာ လွတ်လာဖို့ ရှိတယ်လို့ ကျနော်တို့ မျှော်လင့်လျှက်ရှိပါတယ်။

ဦးကျော်ဇံသာ ။ ။ ဦးတင်ဦး လွတ်လာမယ့်အချိန်အခါဟာ ရွေးကောက်ပွဲမတိုင်ခင် လွတ်လာမယ်လို့ သဘောမျိုး တွေ့ရပါ တယ်။ သူတို့ပြောသလို အောက်တိုဘာမှ လုပ်မယ်ဆိုရင်။ ဦးတင်ဦး လွတ်မြောက်လာခြင်းက အမျိုးသားဒီမိုကရေစီ အဖွဲ့ချုပ်ရဲ့  ရွေးကောက်ပွဲဆုံးဖြတ်ချက်ကို တစုံတရာ ရိုက်ခတ်နိုင်စရာ ရှိပါသလား။

ဦးခင်မောင်ဆွေ ။ ။ ဟုတ်ကဲ့ အဲဒါကလည်း ကျနော်တို့ ခေါင်းဆောင်တွေနဲ့ မတွေ့မချင်းမှာတော့ ပြတ်သားတဲ့ ဆုံးဖြတ်ချက် တခုကို ချဖို့ရာ အင်မတန်ပဲ ခက်ခဲပါတယ်။ အခုနပြောတဲ့အတိုင်း ရွေးကောက်ပွဲ ဥပဒေ၊ ပါတီဥပဒေတွေ ထွက်လာတဲ့ အခါကျရင်လည်း ဒီကိစ္စတွေကို ကျနော်တို့ မလွဲမသွေ ဆုံးဖြတ်ကြရမှာ ဖြစ်ပါတယ်။ အခုနေအခါမှာ ရွေးကောက်ပွဲ ၀င်ရေး မ၀င်ရေး အဖြေ မရှိသေးပါဘူး။ ရွှေဂုံတိုင် ကြေညာစာတမ်းပါအတိုင်း ကျနော်တို့ ရပ်တည်လျှက်ရှိပါတယ်။ ဦးတင်ဦး လွတ်လာလို့ရှိရင် ကျနော်တို့အဖွဲ့ကြီးမှာ ပိုပြီးတော့ ဒီမိုကရေစီအရေးအတွက် ပိုအားရှိလာမှာဖြစ်ပါတယ်။ ဘာကြောင့်လဲ ဆိုတော့ အဖွဲ့ကြီးဟာ ဒု-ဥက္ကဌတယောက် ပြန်ရောက်လာတယ်ဆိုလို့ရှိရင် နိုင်ငံရေးခွန်အားတွေ အခုထက်ပိုပြီးတော့ ရှိ လာမှာ ဖြစ်သလို၊ လုပ်ရကိုင်ရတာလည်း ပိုပြီးတော့ သွက်သွက်လက်လက် ပိုဖြစ်လာမှာရှိလို့ ကျနော်အနေနဲ့တော့ ဒါကို ကြိုဆိုရမှာ ဖြစ်ပါတယ်။

ဦးကျော်ဇံသာ ။ ။ ရွှေဂုံတိုင် ကြေညာစာချက်ဆိုလို့ ရွှေဂုံတိုင် ကြေညာချက်နဲ့ ပတ်သက်လို့လည်း တချို့ ကလည်း ရွှေဂုံတိုင် ကြေညာစာတမ်းကို မဆုပ်ကိုင်ထားတော့ဘူးဆိုတဲ့ ကောလာဟလတွေ ထွက်နေတာကို ကြားမိပါတယ်။ အမျိုးသား ဒီမိုကရေစီအဖွဲ့ချုပ်မှာ ရွှေဂုံတိုင် ကြေညာချက်အပြင် တခြား စဉ်းစားစရာ လိုင်းရှာသင့်တယ်ဆိုပြီး စဉ်းစားချက်မျိုးရော ရှိပါသလား။ အဲဒီ စဉ်းစားတဲ့ အုပ်စုတွေရော ရှိပါသလား။

ဦးခင်မောင်ဆွေ ။ ။ မရှိပါဘူးခင်များ။ ရွှေဂုံတိုင် ကြေညာစာတမ်းကို အသေဆုပ်ကိုင်ရမယ်၊ မဆုပ်ကိုင်လို့ရှိရင် သစ္စာ ဖောက်တယ်။ ရွေဂုံတိုင် ကြေညာစာတမ်းကနေ တရွေးသားမျှ မရွေ့ ရဘူးဆိုတဲ့ အသံတွေထွက်လာတဲ့အခါမှာ ရွှေဂုံတိုင် ကြေညာစာတမ်းဟာဖြင့်ရင် ကျနော်တို့ မည်သို့မည်ပုံပါ ဖြစ်ပါတယ်ဆိုပြီးတော့ ရှင်းလင်းချက်တွေ ထွက်လာရတဲ့အပိုင်းတွေ ရှိနေပါတယ်။ ဘာကြောင့်လဲဆိုတော့ တချို့ သေသေချာချာ လေ့လာပြီး အဆင်သင့်မဖြစ်သေးတဲ့ ပုဂ္ဂိုလ်တွေအဖို့ကတော့ ရွှေဂုံတိုင် ကြေညာစာတမ်းဟာ အမျိုးသားဒီမိုကရေစီအဖွဲ့ချုပ်ရဲ့  ရပ်တည်ချက်သဘောထား ဖြစ်တယ်ဆိုတာကို သူတို့ သဘောပေါက် လွှဲမှားတာလည်း ဖြစ်ကောင်းဖြစ်နိုင်ပါတယ်။ ရပ်တည်ချက် သဘောထားမဟုတ်ဘဲနဲ့ ကျနော်တို့ ရာဇသံ ပေးတယ်ဆိုတဲ့ အဖြစ်မျိုးကို တလွဲထင်သွားပြီးတော့ ဒီဟာကြီးကိုမှ မရတော့ရင် ဘာမှလုပ်မရတော့ဘူးဆိုတဲ့ သဘောမျိုး ကို ရောက်အောင် ဆွဲတွေးတဲ့ သဘောမျိုးတွေ ရှိပါတယ်။ တကယ်လို့ ရွှေဂုံတိုင် ကြေညာစာတမ်းဟာ ရာဇသံဖြစ်တယ် ဆိုလို့ရှိရင် ကျနော်တို့ခေါင်းဆောင် ဒေါ်အောင်ဆန်းစုကြည် ဘာမှလုပ်စရာ မလိုတော့ပါဘူး။ တွေ့ဆုံဆွေးနွေးရေးလည်း လုပ်စရာမလိုတော့ပါဘူး။

ဒီဟာကို ဒီလောက်အထိ သွားပြီး စဉ်းစားလို့မရ၊ စဉ်းစားဖို့ မလိုပါဘူး။ ရွှေဂုံတိုင် ကြေညာစာတမ်းရဲ့  မူလသဘောထားဟာ တွေ့ဆုံဆွေးနွေးရေး တံခါးပေါက်ကို ရောက်ရှိသွားအောင် မူဝါဒသဘောထားအနေနဲ့ ချမှတ်ထားတဲ့ bargaining diplomacy ရဲ့  ရှေ့ ဆောင်လမ်းပြ ဖြစ်ပါတယ်။ တွေ့ဆုံရေး ဆွေးနွေးရေး တံခါးပေါက်ကို ရောက်အောင် ချဉ်းထားတဲ့ တံတား သာဖြစ်ပါတယ်။ ဟိုမှာဘက်မှာ တွေ့ဆုံဆွေးနွေးရေးကို ရောက်သွားတဲ့အခါမှာ ကျနော်တို့ ခေါင်းဆောင်နဲ့ သက်ဆိုင်ရာ နိုင်ငံတော်အကြီးအကဲတွေနဲ့ တွေ့ဆုံတဲ့အခါမှာ ဒီကိစ္စဟာ ဆက်ပြီးတော့ dialogue ဆက်ဖြစ်သွားဖို့ ရည်ရွယ် တာ ဖြစ်တာမို့လို့ ဒီ ရွှေဂုံတိုင် ကြေညာစာတမ်းဟာ တွေ့ဆုံဆွေးနွေးရေးတခါးပေါက် အထိပဲ သက်ရောက်မှုရှိပါတယ်။ အခုအချိန်အခါမှာတော့ ရွှေဂုံတိုင် ကြေညာစာတမ်းကို ပြောင်းခြင်းပြင်ခြင်း ဖျက်ခြင်း ဖြည့်စွက်ခြင်း မရှိပါဘူး။ ကျနော် ကိုယ်တိုင်လည်း ဖြည့်စွက်လို့ မရပါဘူး။ ဒါဟာ တိုင်းနဲ့ပြည်နယ်တွေ လွှတ်တော်ကိုယ်စားလှယ်တွေ အားလုံးက လက်ခံ ထားတဲ့ ရွှေဂုံတိုင် ကြေညာစာတမ်းမို့လို့ ဒါဟာ အခုအထိ တွေ့ဆုံဆွေးနွေးရေး မရောက်ခင်အထိတော့ အတည်ပါ။ ပြောင်းလဲခြင်း မရှိပါဘူး။

ဦးကျော်ဇံသာ ။ ။ အဲဒီတော့ စောစောကပြောတဲ့အထဲမှာ ဒေါ်အောင်ဆန်းစုကြည် က နိုင်ငံတော်အကြီးအကဲနဲ့ တွေ့ဖို့ စာရေးထားတယ်။ ရွှေဂုံတိုင် ကြေညာစာတမ်းဟာ ဒီအတွက် အထောက်အပံ့ဖြစ်ဖို့အတွက် နည်းပရိယာယ် ကြေညာချက် အဖြစ် သုံးတယ်ဆိုကြပါစို့။ တွေ့ဆုံဆွေးနွေးဖို့ အလားအလာရော ဘယ်လိုကြားရပါသလဲ။

ဦးခင်မောင်ဆွေ ။ ။ ဒေါ်အောင်ဆန်းစုကြည် နဲ့ ဗဟိုအလုပ်အမှုဆောင်တွေ တွေ့ပြီးတဲ့နောက်မှ ဒီကိစ္စဖြစ်လာနိုင်မယ်လို့ ကျနော်တို့ မှန်းဆထားပါတယ်။ အခုအခါမှာတော့ ကျနော်တို့ တရားဝင် (ခက်တာက) အဖွဲ့ချုပ်နဲ့ တိုက်ရိုက်ဆက်သွယ်ခွင့် မရှိပါဘူး။ ကျနော်တို့ ခေါင်းဆောင်နဲ့တော့ ဆက်သွယ်မှု ရှိကောင်းရှိမလားလို့ ကျနော်လည်း မသိပါဘူး။ ကျနော်တို့ကို တိုက်ရိုက်ဆက်သွယ်မှု မရှိတော့ ဒီ မေးခွန်းကို ကျနော် မဖြေနိုင်ပါဘူး။

ဦးကျော်ဇံသာ ။ ။ အဖွဲ့ချုပ်ဆိုတာ ဘယ်ဟာကို ဆိုတာလဲခင်များ။

ဦးခင်မောင်ဆွေ ။ ။ အဖွဲ့ချုပ်ဆိုတာ ကျနော်တို့ အန်အယ်လ်ဒီ ကို သက်ဆိုင်ရာ အာဏာပိုင်အဖွဲ့က တွေ့ဆုံဆွေးနွေးရေးနဲ့ ပတ်သက်တဲ့ကိစ္စတွေကို တိုက်ရိုက်ဆက်သွယ် ပြောကြားခြင်း မရှိပါဘူး။ မရှိတော့ ဒီမေးခွန်းကို ကျနော် ဖြေလို့မရပါဘူး။

ဦးကျော်ဇံသာ ။ ။ ဟုတ်ကဲ့၊ ကျနော်နားလည်ပါပြီ။ နောက်တခုက အန်အယ်လ်ဒီ အဖွဲ့ဝင်တချို့ ကို သူတို့ ကိုယ်တိုင် ပြော သလား၊ တဆင့်စကား ကြားသလား၊ သူတို့က ရွေးကောက်ပွဲဝင်မယ် ဆန္ဒရှိတဲ့ လူတချို့ လည်း ရှိနေတယ်လို့ ကြားပါတယ်။ သူတို့ရဲ့  စဉ်းစားပုံ၊ စဉ်းစားနည်း logic ကတော့ အမျိုးသားဒီမိုကရေစီအဖွဲ့ချုပ်ဟာ ဒေါ်အောင်ဆန်းစုကြည် ကိုယ်တိုင်ပါဝင် အရွေးခံသည်ဖြစ်စေ၊ မရွေးခံသည်ဖြစ်စေ ပြည်သူက လေးစားတဲ့၊ ပြည်သူကထောက်ခံတဲ့ ပါတီဖြစ်တယ်။ ၀င်ရင်တော့ နိုင်မှာပဲလို့ ယုံကြည်ချက်ကလည်း လူတော်တော်များများမှာ ရှိနေကြတယ်။ အဲဒါကို ကိုင်စွဲပြီးတော့ ၀င်သင့်တယ်လို့ဆိုတဲ့ လူတချို့ ရှိတယ်လို့ သတင်းတွေ ကြားနေရပါတယ်။ အဲဒါ ဟုတ်ပါသလား၊ သူတို့ရဲ့  နားလည်ချက်ကိုရော ဦးခင်မောင်ဆွေ တို့ ဘယ်လိုပြောလိုပါသလဲ၊ သူတို့ရဲ့  သဘောထားကိုပါ။

ဦးခင်မောင်ဆွေ ။ ။ သဘောက ဥပမာပေးရရင်တော့ ရန်ကုန်တိုင်း စည်းရုံးရေးအဖွဲ့က မကြာသေးခင်က လွန်ခဲ့တဲ့ တပတ် ဆယ်ရက်လောက်က မြို့ နယ် (၄၀) နဲ့ ခေါ်ယူပြီး ဆွေးနွေးပွဲလုပ်ပါတယ်။ လုပ်တဲ့အခါမှာ ကျနော်တို့ မြင်တွေ့နေရတာ ကတော့ (၃) ပုံ (၂) ပုံလောက်ကတော့ ရွေးကောက်ပွဲအပေါ်မှာ ပျော့ပျောင်းတဲ့ သဘောထားတွေ ရှိတာတွေ့ရသလို၊ တချို့  ကလည်း moderate လိုင်းကို ယူထားတာ တွေ့ရပါတယ်။ တချို့ ကြတော့လည်း ကျန်တဲ့ (၃) ပုံ (၁) ပုံ အပိုင်းကတော့ ရွေးကောက်ပွဲအပေါ်မှာ မ၀င်ဘူး မပြောသလို၊ မပြောပေမဲ့လည်း ဆွေးနွေးချက်တွေကတော့ နည်းနည်းလေး ရွှေဂုံတိုင် ကြေညာစာတမ်းကို အသေဆုပ်ကိုင်ရမယ်တို့၊ ရွှေဂုံတိုင် ကြေညာစာတမ်းမှ မရလို့ရှိရင် ဘာမှလုပ်စရာမလိုတော့ဘူးဆိုတဲ့ သဘောမျိုးတွေ ပြောသွားတာရှိပါတယ်။ အများစုဟာ ရွေးကောက်ပွဲလို့ ပြောမယ့်အစား ရှေ့ နိုင်ငံရေးခရီးကို ဆက် လျှောက်တဲ့အခါမှာ ပျော့ပျော့ပျောင်းပျောင်းနဲ့ သွားနိုင်တဲ့လမ်းကြောင်းကို ပိုပြီးတော့ ရွေးချင်တဲ့ သဘောထားတွေ ရှိတယ် လို့ မှန်းဆလို့ရပါတယ်။

ဦးကျော်ဇံသာ ။ ။ ရွေးကောက်ပွဲ ၀င်မယ်မ၀င်ဘူး ဆိုတာထက်။

ဦးခင်မောင်ဆွေ ။ ။ ဟုတ်ကဲ့၊ ဒါလည်း ကျနော်ပြောတဲ့ထဲမှာ ရွေးကောက်ပွဲ ၀င်မယ်မ၀င်ဘူးဆိုတဲ့ သဘောထားတွေ ပါသွားပါပြီ။ အများစုဟာ တည့်တည့်ပြောရင်တော့ ၀င်ချင်တဲ့လူတွေ ဆွေးနွေးချက်တွေမှာပါနေတာကို တွေ့ရပါတယ်။ ၀င်သင့်တယ်ပေါ့။ သို့သော်လည်းပဲ ရာခိုင်နှုန်းကြည့်မယ်ဆိုရင် ၇၀% လောက်ကတော့ နိုင်ငံရေးပါတီတခုက ပြည်သူနဲ့ တသားတည်းနေပြီးတော့ ပြည်သူထံပါးက စွန့်ခွါမသွားရဘူးဆိုတဲ့ လမ်းကြောင်းကို ရွေးတဲ့လူ ပိုများပါတယ်။ ရွှေဂုံတိုင် ကြေညာစာတမ်းမှာပါတဲ့ အနှစ်သာရအတိုင်း ပြောရရင် အဖွဲ့ချုပ်ဟာ မည်သည်အခြေအနေ အချိန်အခါမှ ပြည်သူနဲ့ တသားတည်းနေမှုကို စွန့်ခွါမှာမဟုတ်၊ အဖွဲ့ချုပ်ဟာ ဘယ်သောအခါမှ ဒီမိုကရေစီတိုက်ပွဲမှ စွန့်ခွါသွားမယ်မဟုတ်၊ ရွေးကောက်ပွဲ ဆိုတာ ဖြတ်သန်းရမယ့် မှတ်တိုင်ဖြစ်တယ်၊ ဒါကြောင့်မို့ ရွေးကောက်ပွဲကို ၀င်သည်ဖြစ်စေ မ၀င်သည်ဖြစ်စေ ဖြတ်သန်းရမှာပဲ။ ဖြတ်သန်းတဲ့အခါ ၀င်ခြင်းမ၀င်ခြင်းက ဖြတ်သန်းတဲ့အခါကျမှ စဉ်းစားကြရမယ့် သဘောရှိတယ်လို့ ရွှေဂုံတိုင် ကြေညာစာတမ်းမှာ အနှစ်ချုပ်အနေနဲ့ တင်ပြထားတာ ရှိပါတယ်။ အဲဒါကို မဟာဗျူဟာအနေနဲ့ ယူဆလို့ ရပါတယ်။ အဲဒါကို သဘောကျတဲ့ ပုဂ္ဂိုလ်တွေ အများစုကတော့ ဒီလိုင်းပေါ်မှာ ရှိပြီးတော့ ပြည်သူနဲ့ မကင်းကွာနဲ့ နိုင်ငံရေး လမ်းကြောင်းကို လျှောက်မယ်ဆိုပြီး ပြောတဲ့အပိုင်းတွေကို ကျနော်တို့ ကြားတွေ့နေရပါတယ်။

ဦးကျော်ဇံသာ ။ ။ ကျနော် နောက်တခု သိချင်တာက အဲဒီတော့ အမျိုးသားဒီမိုကရေစီအဖွဲ့ချုပ်က ရွေးကောက်ပွဲ ၀င်သင့် တယ်လို့ ထင်နေတဲ့လူတွေက အမျိုးသားဒီမိုကရေစီအဖွဲ့ချုပ်အလံကို ကိုင်စွဲပြီးတော့ ဖြစ်ဖြစ်၊ သူတို့ ခွဲထွက်တဲ့ ပါတီတခု အနေနဲ့ဖြစ်ဖြစ် သူတို့ ၀င်သွားနိုင်တဲ့ အလားအလာ ရှိပါသလား။ အဲဒီလောက် အခြေအနေ ရှိပါသလား။

ဦးခင်မောင်ဆွေ ။ ။ အဲဒီလောက်ကြီးတော့ တက်ပြီးတော့ ပြောတာတော့ မရှိပါဘူး။ ကျနော်တို့ဟာ ရွေးကောက်ပွဲနဲ့ ကြုံတွေ့တဲ့အခါမှာတော့ ပြည်သူနဲ့ကင်းကွာတဲ့ နိုင်ငံရေးရပ်တည်ချက်မျိုး မသုံးသင့်ဘူးဆိုတဲ့ နိုင်ငံရေးစကားနဲ့ ပြောသွား တာ ရှိပါတယ်။ ရွေးကောက်ပွဲကို ကျနော်တို့ အန်အယ်လ်ဒီ အလံကို ကိုင်ပြီး ၀င်ရမယ်လို့ ပြောတဲ့လူတော့ မရှိသေးပါဘူး။ မကြားမိလိုက်သေးပါဘူး။

ဦးကျော်ဇံသာ ။ ။ ကျနော် နောက်ဆုံးမေးချင်တာက ဦးခင်မောင်ဆွေရဲ့  personal အမြင် ပုဂ္ဂိုလ်ရေးအမြင်အရ အကောင်း မြင်ပါသလား။ အမျိုးသားဒီမိုကရေစီအဖွဲ့ချုပ် မျှော်လင့်သလို ဒီ ရွေးကောက်ပွဲမတိုင်ခင် ဒေါ်အောင်ဆန်းစုကြည် လွတ်လာ မယ်၊ စီအီးစီ တွေနဲ့ တွေ့မယ်၊ နိုင်ငံအကြီးအကဲများနဲ့ တွေ့မယ်။ နောက်ပြီးတော့ ရွေးကောက်ပွဲအတွက် သူတို့ ညှိနှိုင်းမှုတွေ၊ ဖွဲ့စည်းပုံ ဥပဒေကို ပြန်လည်ညှိနှိုင်းမှုတွေ ဖြစ်လာနိုင်မယ်ဆိုပြီးတော့ အကောင်းမြင်ပါသလား။

ဦးခင်မောင်ဆွေ ။ ။ ခက်တာက ဦးကျော်ဇံသာနဲ့ ကျနော် ခဏခဏ ဆုံဘူးပါတယ်။ အကောင်းမြင်တယ်ဆိုတာက သိပ်ပြီး တော့လည်း လွယ်လွယ်ကူကူ စဉ်းစားတဲ့အပိုင်း ဖြစ်နေပါတယ်။ အဆိုးမြင်တယ်ဆိုတာကျတော့လည်း ကျနော်တို့ စဉ်းစား ချင့်ချိန်မှုတွေကို ထည့်မတွက်တော့ဘဲနဲ့ ဖြစ်သမျှ အဆိုးကြီးပဲလို့ မြင်တဲ့အပိုင်း ဖြစ်နေပါတယ်။ ကျနော်တို့ဟာ လက်တွေ့ ကျတဲ့ စဉ်းစားမှုမျိုးနဲ့ပဲ စဉ်းစားပြီးတော့ နိုင်ငံရေးကို လက်တွေ့ကျကျ စဉ်းစားပြီးတော့ ဖြစ်နိုင်ချေ ရှိသလား၊ မရှိဘူးလား ဆိုတာကို တွက်ပြီး စဉ်းစားတာ ပိုမှန်ပါတယ်။ ဥပမာအားဖြင့် အခု ဒေါ်အောင်ဆန်းစုကြည် ကို ရွေးကောက်ပွဲမတိုင်ခင် လွှတ်ပေးဖို့လိုတယ်ဆိုတာကို အာဆီယံနိုင်ငံတွေက တောင်းဆိုနေတာ တနိုင်ငံချင်း တနိုင်ငံ တောင်းဆိုလာတာ တွေ့နေရ ပါတယ်။ အဲဒါတွေ ကြည့်ခြင်းအားဖြင့် အမျိုးသားပြန်လည်သင့်မြတ်ရေးထဲမှာ ဒေါ်အောင်ဆန်းစုကြည် ပါဝင်ခွင့်ရှိတယ်လို့ ကျနော်တို့ ၀န်ကြီးချုပ်က ပြောကြားထားတာ ရှိတော့ အဲဒီလို ပြောကြားထားမှုကို ကျနော်တို့က အကောင်အထည် ဖော်ပြီးတော့ တကယ်တမ်း ဆောင်ရွက်မယ်ဆိုရင် ရွေးကောက်ပွဲမတိုင်ခင်မှာ ဒေါ်အောင်ဆန်းစုကြည်ကို ပြန်လည် လွှတ်ပေးဖို့က အင်မတန် လိုအပ်ပါတယ်။ အဲဒီလို လွှတ်ပေးပြီးမှ တွေ့ဆုံဆွေးနွေးပြီး မြန်မာ့နိုင်ငံရေး ပြဿနာတွေကို တွေ့ဆုံဆွေးနွေးပြီးတော့ သွားနိုင်မယ်ဆိုရင် မြန်မာနိုင်ငံဟာ ဒေသအတွင်းမှာရှိနေတဲ့ အာဆီယံအဖွဲ့ကြီးကိုလည်း ဂုဏ်တက်စရာဖြစ်စေသလို၊ ကျနော်တို့ နိုင်ငံပြည်သူများဟာလည်း ၀မ်းမြောက်ဝမ်းသာ ဖြစ်ပြီးတော့ နိုင်ငံမှာ ကြုံတွေ့နေ ရတဲ့ နိုင်ငံရေးဒုက္ခသုက္ခတွေ၊ လူမှုရေးဒုက္ခတွေ ပြေငြိမ်းသွားလိမ့်မယ်လို့ ကျနော်ယူဆပါတယ်။

ရွေးကောက်ပွဲဝင်ဖို့ ဆုံးဖြတ်ရမယ့်အချိန် မဟုတ်သေးဟု ဒေါ်စု ပြော

10 February 2010
အခုနှစ်အတွင်း ကျင်းပမယ်ဆိုတဲ့ ရွေးကောက်ပွဲမှာ NLD အမျိုးသားဒီမိုကရေစီ အဖွဲ့ချုပ် အနေနဲ့ ၀င်ရောက် ယှဉ်ပြိုင်မယ်၊ မပြိုင်ဘူးဆိုတာ ဆုံးဖြတ်ချက်ချဖို့ စောသေးတယ်လို့ ပါတီခေါင်းဆောင် ဒေါ်အောင်ဆန်းစုကြည်က ပြောခဲ့တဲ့အကြောင်း မနေ့က ဒေါ်အောင်ဆန်းစုကြည်နဲ့ သွားရောက် တွေ့ဆုံခဲ့တဲ့ အကျိုးဆောင်ရှေ့နေက ပြောပါတယ်။ အကြောင်းစုံကို ကိုဇော်ဝင်းလှိုင်က တင်ပြပေးထားပါတယ်။
ရွေးကောက်ပွဲ ၀င်ဖို့၊ မ၀င်ဖို့ ဆုံးဖြတ်ရမယ့် အချိန် မဟုတ်သေးဘူးလို့ ဒေါ်အောင်ဆန်းစုကြည်က ပြောတဲ့အကြောင်း ဒေါ်အောင်ဆန်းစုကြည်ရဲ့ အကျိုးဆောင် ရှေ့နေလည်းဖြစ်၊ NLD ပါတီရဲ့ ပြောခွင့်ရ ပုဂ္ဂိုလ်လည်း ဖြစ်တဲ့ ဦးဉာဏ်ဝင်းက ဗွီအိုအေကို အခုလို ပြောပြပါတယ်။
“ရွေးကောက်ပွဲနဲ့ ပတ်သက်ပြီး ရွေးကောက်ပွဲဆိုတာ အခုနှစ်ထဲမှာ ကျင်းပမယ်လို့ ပြောနေတဲ့ ရွေးကောက်ပွဲနဲ့ သူညွှန်းတာ မဟုတ်ဘူး။ ဘယ်ရွေးကောက်ပွဲမဆို Freedom of Information ရယ်၊ Freedom of Express ရယ်၊ ဒါမရှိရင်တော့ တရားမျှတတဲ့ ရွေးကောက်ပွဲ ဘယ်တော့မှ မဖြစ်ဘူးဆိုတာ ပြောတယ်။ ၂၀၁၀ ရွေးကောက်ပွဲနဲ့ ပတ်သက်ပြီးတော့ ဆုံးဖြတ်ဖို့ဆိုတာ အခုအချိန်မှာ ဆုံးဖြတ်လို့ မရသေးဘူး။ ရွေးကောက်ပွဲဆိုင်ရာ အချက်အလက်တွေ သိဖို့လိုသေးတယ်။ ဘာမှမသိရသေးဘူး၊ ဒါပြောတယ်။”
ဦးဉာဏ်ဝင်း ပြောပြသွားတာ ဖြစ်ပါတယ်။
သတင်းလွတ်လပ်ခွင့်၊ လွတ်လပ်စွာ ပြောဆိုစည်းရုံးခွင့်၊ လွတ်လပ်ပြီး တရားမျှတတဲ့ ရွေးကောက်ပွဲ၊ စတဲ့ အခြေခံအချက်တွေ ရှိဖို့ လိုအပ်တာကြောင့် အဲဒီအချက်တွေ မပြည့်စုံဘဲ ရွေးကောက်ပွဲဝင်မယ်၊ မ၀င်ဘူးဆိုတာ ဆုံးဖြတ်လို့ မရနိုင်ဘူးလို့ ဒေါ်အောင်ဆန်းစုကြည်က ပြောခဲ့တယ်လို့လည်း မနေ့က ဒေါ်အောင်ဆန်းစုကြည်နဲ့ သွားရောက် တွေ့ဆုံခဲ့တဲ့ ဦးဉာဏ်ဝင်းက ပြောပါတယ်။
အမျိုးသား ပြန်လည်သင့်မြတ်ရေး ပြည်ထောင်စုနေ့မှာ အန်အဲယ်လ်ဒီ တိုက်တွန်း

12 February 2010
ဗိုလ်ချုပ်အောင်ဆန်းနဲ့တကွ တိုင်းရင်းသား ခေါင်းဆောင်ကြီးတွေ အမျှော်အမြင် ကြီးမားစွာနဲ့ တည်ဆောက်ခဲ့တဲ့ ပြည်ထောင်စုကြီးဟာ အခုလက်ရှိ စစ်အစိုးရအုပ်ချုပ်မှုအောက်မှာ ပြည်ထောင်စု စိတ်ဓါတ်တွေ ပျက်ပြားနေတယ်လို့ ဒီကနေ့ ကျင်းပတဲ့ ပြည်ထောင်စုနေ့ အခမ်းအနားမှာ အဲန်အယ်လ်ဒီပါတီက ပြောကြားလိုက်ပါတယ်။ ဒါ့အပြင် တိုင်းပြည် ဖွံ့ဖြိုးတိုးတက်ဖို့အတွက် စစ်အစိုးရမှာ တာဝန်ရှိတယ်လို့ ဆိုပါတယ်။ အပြည့်အစုံကိုတော့ ဆက်သွယ် မေးမြန်းထားတဲ့ ကိုဇော်ဝင်းလှိုင်က တင်ပြထားပါတယ်။
ဒီကနေ့ကျရောက်တဲ့ (၆၃) နှစ်မြောက် ပြည်ထောင်စုနေ့ အခမ်းအနားကို ရန်ကုန်မြို့မှာရှိတဲ့ အဲန်အယ်လ်ဒီ အမျိုးသား ဒီမိုကရေစီအဖွဲ့ချုပ် ရုံးချုပ်မှာ ဒီကနေ့ ကျင်းပခဲ့ပါတယ်။ မြန်မာနိုင်ငံအတွင်း အမျိုးသားပြန်လည် သင့်မြတ်ရေးနဲ့ ဖွံ့ဖြိုး တိုးတက်မှုတွေဖြစ်ပေါ်လာဖို့ အတွက် လက်ရှိတိုင်းပြည်ကို အုပ်ချုပ်နေတဲ့ စစ်အစိုးရမှာ တာဝန်ရှိတယ်လို့ ဒီအခမ်းအနား တင်သွင်းခဲ့တဲ့ NLD ပါတီရဲ့ စာတမ်းထဲမှာ ဖော်ပြထားတဲ့အကြောင်း အခမ်းအနား တက်ရောက်ခဲ့တဲ့ NLD ပါတီရဲ့ သတင်းနဲ့ပြန်ကြားရေးအဖွဲ့ဝင် ဒေါက်တာဝင်းနိုင်က ပြောပါတယ်။
"တမျိုးသားလုံးပြန်လည်သင့်မြတ်ရေး၊ အခြေခံအခွင့်အရေးတွေ ရရှိရေး အတွက်က အမျိုးသား ပြန်လည်သင့်မြတ်ရေးက မဖြစ်မနေ တည်ဆောက်ရမယ့် အချိန်ရောက်နေတယ်။ ဒါနဲ့ပတ်သက်လို့လည်း ဒီ အမျိုးသားပြန်လည်သင့်မြတ်ရေးနဲ့ ဒီမိုကရေစီ ပြန်လည်တည်ဆောက်ရေးကို အကောင်အထည် ဖော်တဲ့နေရာမှာ နိုင်ငံတော် အေးချမ်းသာယာရေးနဲ့ ဖွံ့ဖြိုးရေးကောင်စီမှာ အဓိက တာဝန်ရှိတယ်လို့ ကျနော်တို့က ဒီစာတမ်းမှာ ဖော်ပြထားတယ်။ ဒါကြောင့်မိုလို့ အဲဒီလို တည်ဆောက်နိုင်ဖို့အတွက်ကို နိုင်ငံရေး အခြေအနေကောင်းတွေ ဖန်တီးပေးရမယ်။"
အဲဒီနိုင်ငံရေး အခြေအနေကောင်းတွေဆိုတာကတော့ နေအိမ်အကျယ်ချုပ်နဲ့ ဖမ်းဆီးထိန်းသိမ်းခံထားကြရတဲ့ NLD ခေါင်းဆောင် ဒေါ်အောင်ဆန်းစုကြည်နဲ့ ဒုဥက္ကဌ ဦးတင်ဦးတို့ အပါအ၀င် အဖမ်းခံထားရတဲ့ တိုင်းရင်းသားခေါင်းဆောင်တွေ၊ လွှတ်တော်ကိုယ်စားလှယ်တွေ၊ ဆရာတော် သံဃာတော်တွေနဲ့ ၈၈ မျိုးဆက်ကျောင်းသားတွေကို အမြန်ဆုံး ပြန်လွှတ်ပေးဖို့၊ ပိတ်ထားတဲ့ အမျိုးသားဒီမိုကရေစီရုံးတွေ ပြန်ဖွင့်ခွင့်ပေးဖို့နဲ့ လွတ်လွတ်လပ်လပ် စည်းရုံးလှုပ်ရှားခွင့်ပြုဖို့၊ ဖျက်သိမ်းခံထားရတဲ့ တိုင်းရင်းသား နိုင်ငံရေးပါတီတွေကို ပြန်လည် မှတ်ပုံတင်ခွင့်ပေးပြီး စည်းရုံးလုပ်ရှားခွင့်ပေးဖို့တို့ ဖြစ်တယ်လို့ဆိုပါတယ်။
ဗိုလ်ချုပ်အောင်ဆန်းနဲ့တကွ တိုင်းရင်းသားခေါင်းဆောင်ကြီးတွေ အသက်ပေး တည်ဆောက်ခဲ့တဲ့ ပြည်ထောင်စု စိတ်ဓါတ်ဟာလည်း စစ်အစိုးရရဲ့ အုပ်ချုပ်မှုအောက်မှာ ပျက်ပြားနေတယ်လို့ ဒေါက်တာဝင်းနိုင်က ဆက်ပြောပါတယ်။
"လွတ်လပ်ရေး ရရှိဖို့အတွက်ကို တိုင်းရင်းသားတွေ ပင်လုံမှာ သွေးစည်းညီညွတ်တဲ့ ပင်လုံစိတ်ဓါတ်ကို တည်ဆောက် နိုင်ခဲ့တယ်။ ဒါပေမဲ့ အခုအချိန်မှာတော့ ပင်လုံစိတ်ဓါတ် အခြေခံတွေဟာ ပျက်ပြားနေတယ်။ ဗိုလ်ချုပ်အောင်ဆန်းနဲ့တကွ တိုင်းရင်းသား ခေါင်းဆောင်ကြီးတွေက အမြော်အမြင် ကြီးမားစွာနဲ့ တိုင်းပြည်အပေါ် တကယ် ချစ်မြတ်နိုးတယ်။ တဦးကိုတဦး အပြန်အလှန် ယုံကြည်လေးစားတဲ့ စိတ်ဓါတွေနဲ့ ၁၉၄၇ ခုနှစ် ဖေဖော်ဝါရီလ ၁၂ ရက်နေ့မှာ ပင်လုံမှာ ပြည်ထောင်စု စိတ်ဓါတ်ကို မွေးဖွားခဲ့တယ်၊ သန္ဓေတည်ခဲ့တယ်။ အဲဒီစိတ်ဓါတ်အတိုင်းပဲ ဆောင်ရွက်ခဲ့ကြလို့ လွတ်လပ်တဲ့ မြန်မာနိုင်ငံကို တည်ဆောက်နိုင်ခဲ့ကြတယ်ပေါ့။"
စစ်အစိုးရရေးဆွဲထားတဲ့ ၂၀၀၈ ခုနှစ် ဖွဲ့စည်းပုံထဲမှာတော့ အရင် မဆလ မြန်မာ့ဆိုရှယ်လစ် လမ်းစဉ်ပါတီတုန်းကလို တပြည်ထောင်စနစ်နဲ့ မဟုတ်တော့ဘဲ တိုင်းနဲ့ပြည်နယ် ၁၄ ခုအနေနဲ့ ကိုယ်ပိုင်အစိုးရအဖွဲ့တွေ သီးသန့်ဖွဲ့စည်းခွင့် ပေးမယ်ဆိုတဲ့ အချက်ကို ထည့်သွင်း ဖော်ပြထားပါတယ်။ ဒီအထဲမှာ တိုင်းရင်းသားတွေအနေနဲ့ ကိုယ်ပိုင်ပြဌာန်းခွင့် တချို့ရကြမှာဖြစ်တယ်လို့ ဆိုပါတယ်။ ဒါပေမယ့် ပြည်နယ်နဲ့တိုင်းတွေမှာ ဖွဲ့စည်းမယ့်အစိုးရတွေထဲမှာ စစ်တပ်က လေးပုံတပုံ ပါရမယ်ဆိုတဲ့ အချက်ပါနေတာကြောင့် တိုင်းရင်းသားတွေအနေနဲ့ တကယ့်စစ်မှန်တဲ့ လွတ်လပ်ခွင့်တွေ ရရှိမှာမဟုတ်ဘူးလို့ ဝေဖန် ပြောဆိုနေကြတာပါ။
ဒီကနေ့ကျင်းပတဲ့ ပြည်ထောင်စုနေ့အခမ်းအနားကို အမေရိကန်အပါအ၀င် အနောက်နိုင်ငံတွေက သံတမန်တွေ၊ ၀ါရင့်နိုင်ငံရေးသမားကြီးများအဖွဲ့၊ ဖိတ်ကြားထားတဲ့ ဧည့်သည်တွေနဲ့ သတင်းထောက်တွေ စုစုပေါင်း ၁,၀၀၀ လောက် တက်ရောက်ခဲ့ကြတယ်လို့ ဒေါက်တာဝင်းနိုင်က ပြောပါတယ်။
အဲန်အယ်လ်ဒီ ဒုဥက္ကဋ္ဌ ဦးတင်ဦး ပြန်လွတ်လာဖို့ ပါတီမျှော်လင့်

12 February 2010
နေအိမ်အကျယ်ချုပ်နဲ့ ထိန်းသိမ်းခံထားရတဲ့ NLD အမျိုးသားဒီမိုကရေစီအဖွဲ့ချုပ် ဒုတိယဥက္ကဌ ဗိုလ်ချုပ်ကြီးဟောင်း ဦးတင်ဦးကို သူ့ကိုဖမ်းဆီးထားတဲ့ရက် သက်တမ်းစေ့တဲ့နေ့မှာ ပြန်လွှတ်ပေးလိမ့်မယ်လို့ စစ်အစိုးရပိုင်းကလာတဲ့ သတင်းတွေအရရော၊ ဦးတင်ဦးနဲ့နီးစပ်တဲ့ အသိုင်းအ၀ိုင်းကပါ ပြောနေပါတယ်။ အပြည့်အစုံကိုတော့ ကိုဇော်ဝင်းလှိုင်က တင်ပြပေးထားပါတယ်။
ဗိုလ်ချုပ်ကြီးဟောင်း ဦးတင်ဦးရဲ့ နေအိမ်အကျယ်ချုပ် သက်တမ်းပြည့်တဲ့နေ့ ဖေဖော်ဝါရီလ ၁၃ ရက်နေ့မှာ အာဏာပိုင်တွေက သူ့ကို ပြန်လွှတ်ပေးလိမ့်မယ်လို့ အမည်မဖော်လိုတဲ့ စစ်အစိုးရအရာရှိပြောတာကို ကိုးကားပြီး ရန်ကုန်ကလာတဲ့ အေအက်ဖ်ပီ သတင်းမှာ ဖော်ပြထားပါတယ်။
ဗိုလ်ချုပ်ကြီးဟောင်း ဦးတင်ဦးကို နေအိမ်အကျယ် ချုပ်သက်တမ်းပြည့်ရင် ပြန်လွှတ်ပေးမယ်ဆိုတဲ့ သတင်းတွေ လွန်ခဲ့တဲ့ သီတင်းပတ်တွေအတွင်း ထွက်ပေါ်လာနေတဲ့ အချိန်မှာ အခုလို ထပ်မံ ပြောဆိုမှုတွေ ထွက်လာတာဖြစ်ပါတယ်။
ဦးတင်ဦးကိုယ်တိုင်ကလည်း သူ့အနေနဲ့ ပြန်လွှတ်လိမ့်မယ်ဆိုတာကို ယုံကြည်နေတဲ့အကြောင်း ပြောခဲ့တယ်လို့ NLD ပြောခွင့်ရပုဂ္ဂိုလ် ဦးဉာဏ်ဝင်းက ပြောပါတယ်။
"သူက ပြီးခဲ့တဲ့အပတ်တုန်းက သူ့ရဲ့ လက်ထောက်ကို ခေါ်ပြောတယ်။ သူ ဒီမှာ လွတ်မြောက်မယ် ဆိုပြီးတော့ အဲဒီလို ခေါ်ပြောတယ်။ ဒါ သူ ယုံကြည်လို့ ပြောတာပေါ့။ အဲန်ကယ်လ် ဦးတင်ဦး က ယုံကြည်နေတယ်။ အဲန်ကယ်လ် ကလည်း သူကိုယ်တိုင်လည်း အဲဒီလိုပဲ ယုံကြည်နေတယ်ဆိုတာ သိတယ်။ နောက်တခုကတော့ ဒီဥပဒေအရတော့ သက်တမ်းကုန် နေပြီ။ ဥပဒေအရ ဆက်လက်ပြီးတော့ ထားဖို့ အကြောင်းမရှိတော့ဘူးလို့ ကျနော် အဲဒီလို ယူဆတယ်။"
ဦးတင်ဦးသာ ပြန်လွှတ်ခဲ့မယ်ဆိုရင် အဲန်အယ်လ်ဒီ ပါတီအနေနဲ့ ပိုအားရှိမယ်လို့ ဆိုပါတယ်။
"အဲန်ကယ် ဦးတင်ဦးသာ လွတ်လာလို့ရှိရင် ပါတီကို ဆက်လက်ဦးဆောင်မယ်။ ကျနော်တို့လည်း ပိုပြီး အားရှိတာပေါ့။"
ဗိုလ်ချုပ်ကြီးဟောင်း ဦးတင်ဦးဟာ စနေနေ့ သူလွှတ်လာတာနဲ့ ရန်ကုန် အဲန်အယ်လ်ဒီ ရုံးချုပ်ကို ချက်ခြင်းသွားဖို့ စီစဉ်ထားတဲ့အကြောင်းလည်း ဦးတင်ဦးနဲ့ နီးစပ်တဲ့အသိုင်းအ၀ိုင်းက ဗွီအိုအေကို ပြောပါတယ်။
တပ်မတော် ကာကွယ်ရေးဦးစီးချုပ်ဟောင်းလည်းဖြစ်၊ အမျိုးသားဒီမိုကရေစီအဖွဲ့ချုပ်ရဲ့ ဒုတိယ ဥက္ကဌလည်းဖြစ်တဲ့ ဗိုလ်ချုပ်ကြီးဟောင်း ဦးတင်ဦးကို စစ်အစိုးရက ဖမ်းဆီး ထိန်းသိမ်းထားခဲ့တာ ဖေဖော်ဝါရီလ ၁၃ ရက်နေ့မှာ (၆) နှစ် ပြည့်တော့မှာ ဖြစ်ပါတယ်။ အသက် ၈၃ နှစ်ရှိပြီဖြစ်တဲ့ ဦးတင်ဦးဟာ လောလောဆယ် ကျန်းမာရေးအရ စိုးရိမ်ရတဲ့ အနေအထားမှာ မရှိပေမဲ့လည်း မကြာခင်တုန်းကပဲ ခွဲစိပ် ကုသမှု ခံယူခဲ့ရတယ်ဆိုတဲ့ သတင်းတွေ ထွက်ခဲ့ပါတယ်။
NLD ဒု-ဥက္ကဋ္ဌ ဦးတင်ဦး နိုင်ငံရေး အကျဉ်းသား လွှတ်ပေးရေး မျှော်လင့်

14 February 2010


NLD ပါတီ ဒု-ဥက္ကဋ္ဌ ဦးတင်ဦး ရွှေတိဂုံ ဘုရားတွင် ၀တ်ပြုဆုတောင်းနေစဉ်။
ဖေဖော်ဝါရီ ၁၄၊ ၂၀၁၀။
မြန်မာနိုင်ငံက အဓိက နိုင်ငံရေး ပါတီကြီး တခုဖြစ်တဲ့ အမျိုးသားဒီမိုကရေစီ အဖွဲ့ချုပ် (NLD) ပါတီ ဒု-ဥက္ကဋ္ဌ ဦးတင်ဦး ဖမ်းဆီးခံထားရာက လွတ်မြောက်လာပြီး နောက်တနေ့ဖြစ်တဲ့ ဒီကနေ့မှာပဲ ပထမဆုံးအကြိမ်အဖြစ် အများပြည်သူရှေ့မှောက် ထွက်လာခဲ့ပါတယ်။ ရန်ကုန်မြို့က ရွှေတိဂုံဘုရားကို သွားရောက်ပြီး ဖမ်းဆီးခံ ဒေါ်အောင်ဆန်းစုကြည်နဲ့ နိုင်ငံရေး အကျဉ်းသားတွေ အားလုံး လွတ်မြောက်ရေး ဆုတောင်းမှုတွေ လုပ်ခဲ့သလို ပါတီအကြီးတန်း ခေါင်းဆောင်တွေကိုပါ သွားရောက်တွေ့ဆုံခဲ့တာ ဖြစ်ပါတယ်။
ဦးတင်ဦးနဲ့အတူ လိုက်ပါသွားခဲ့ကြတဲ့ NLD ပါတီ လူငယ်တွေထဲက ကိုရာဇာကို ဗွီအိုအေ ၀ိုင်းတော်သား ကိုအောင်လွင်ဦးက ဆက်သွယ်မေးမြန်းတဲ့ အခါမှာတော့ ဒီကနေ့ ခရီးစဉ်ကို သူက အခုလို စပြောပြခဲ့ပါတယ်။
“ဒီနေ့ ကျနော်တို့ အဘအိမ်ကို မနက် ၅ နာရီခွဲ ၆ နာရီလောက် ကတည်းက ရောက်ပါတယ်။ အဖွဲ့ချုပ် အဖွဲ့ဝင်တွေ အကုန်လုံးနီးပါး လာတယ်။ တိုက်ဆိုင်သွားတာက ဒီနေ့ ဦးနု ၁၃ နှစ်ပြည့် ဆွမ်းကျွေးကနေဆိုတော့ ပိုပြီး ဆုံသွားတာပေါ့။ ရန်ကုန်ရောက်နေတဲ့ အဖွဲ့ချုပ် အဖွဲ့ဝင်တွေ၊ နယ်အဖွဲ့ချုပ် အဖွဲ့ဝင်တွေ၊ တိုင်းနဲ့ပြည်နယ် အသီးသီးက အကုန်လာတယ်။ အဲဒီမှာ အဘကို စကားပြောတယ်၊ နှုတ်ဆက်တယ်၊ ကန်တော့ကြတယ်။
“ကန်တော့ပြီး ၉ နာရီခွဲ ကျော်ကျော်မှာ ကျနော်တို့ အိမ်က စထွက်တယ်။ အဘက ရှေ့ကထွက်တယ်။ ကျနော်တို့ လူငယ်တွေက ကားနဲ့ နောက်ကလိုက်တယ်။ အာဏာပိုင်ဘက်ကလည်း မော်တော်ဆိုင်ကယ် ၃ စီးနဲ့ မော်တော်ကားနဲ့ သပ်သပ်လိုက်တာတော့ ရှိတယ်။
“ကျနော်တို့ ဘုရားကိုရောက်ပြီး တက်တော့ အဲဒီမှာရှိတဲ့ လူငယ်တွေက အဘအတွက် လုံခြုံရေးအနေနဲ့ လိုက်လာပေးတယ်၊ အယောက် ၃၀ လောက်ရှိတယ်။ ပြီးတော့ ကျနော်တို့ ဘုရားပေါ်တက်တယ်။ ဘုရားပေါ်တက်ပြီး ပထမဦးဆုံး အဘက သောကြာထောင့်မှာ ပန်းကပ်ပြီး မေတ္တာပို့တယ်။ ပြီးတော့ ဒုတိယမြောက် အနေနဲ့ အင်္ဂါထောင့်ကို သွားတယ်။ ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားများ အားလုံးအတွက်ရော၊ ဗမာပြည်က ၇ ရက်သားသမီးများ အတွက်ရော သူ မေတ္တာပို့တယ်၊ အမျှအတန်း ဝေတယ်။
“ကျနော်တို့ စသွားတော့ လူတွေက သိပ်မသိဘူးဗျ။ ဒါပေမဲ့ အဘ ဦးတင်ဦးဆိုတဲ့ အသံလေးတွေ ကြားတယ်။ ကျနော်တို့ အင်္ဂါထောင့်ကို ရောက်တဲ့အခါကျတော့ အဘွားကြီးတယောက်က ကျနော်တို့ အဖွဲ့ဝင် လူငယ်တယောက်ကို မေးတယ်၊ ဘယ်သူလဲ၊ ဘာညာပေါ့။ ဘာဖြစ်လို့လဲဆိုတော့ ကင်မရာတွေက တဖျပ်ဖျပ် ရိုက်နေတာကိုး။ အဲဒီတော့ ကျနော်တို့က ဒါ ဗိုလ်ချုပ်ကြီးဟောင်း သူရ ဦးတင်ဦးပါလို့ ပြောလိုက်တော့ အဘွားကြီးတယောက်က ထအော်တယ်။ အောင်မယ်လေး၊ သူတော်စင်၊ သူတော်စင်တဲ့၊ ထိုင်ကန်တော့ကြ၊ ထိုင်ကန်တော့ကြဆိုတော့ အဲဒီမှာ ဘုမသိ ဘမသိနဲ့ လူ ၅၀၊ ၁၀၀ လောက် အဘကို ၀ိုင်းကန်တော့ကြတယ်။
“ပြီးတော့မှ အဘရဲ့ မွေးနံဖြစ်တဲ့ စနေထောင့်ကို သွားတယ်။ စနေထောင့်မှာ ပန်းလှူတယ်၊ ရွှေသင်္ကန်းကပ်တယ်။ ပြီးတော့မှ အောင်မြေမှာ မေတ္တာပို့၊ ၀တ်ပြု ဆုတောင်းပြီး ကျနော်တို့ ပြန်ဆင်းလာတယ်။ ပြန်ဆင်းလာတော့ ၁၀ နာရီခွဲ ကျော်ကျော် ဖြစ်နေပြီ။ အားလုံးပေါင်း ရွှေတိဂုံဘုရားမှာ ကြာချိန် ၄၅ မိနစ် ရှိပါတယ်။”
တခြားရော ဘယ်တွေ သွားဖြစ်သေးလဲခင်ဗျ။
“ရွှေတိဂုံဘုရားပြီးတော့ အဘအိမ် ပြန်လာတယ်။ အိမ်မှာစောင့်နေတဲ့ အဖွဲ့ချုပ် အဖွဲ့ဝင်တွေကို နှုတ်ဆက် စကား ပြော တယ်။ ပြီးတော့ ခဏနားတယ်၊ ထမင်းစားတယ်။ ထမင်းစားပြီး ၁ နာရီလောက်မှာ အဘက ဗဟိုအလုပ်အမှုဆောင် ဥက္ကဋ္ဌ ဖြစ်တဲ့ ဦးအောင်ရွှေအိမ်ကို သွားတယ်၊ ဂါရ၀ဖြစ်တယ်။ ဦးအောင်ရွှေအိမ်မှာပဲ အဖွဲ့ချုပ် ဗဟိုအလုပ်အမှုဆောင် အဖွဲ့ဝင် ဦးစိုးမြင့်တို့ ဦးသန်းထွန်းတို့ တွေ့တယ်။ ပြီးတော့ အဲဒီကနေ ဦးလွင်အိမ်ကို သွားတယ်၊ ဂါရ၀ပြုတယ်။ အဖွဲ့ချုပ် CEC ဦးလွန်းတင်အိမ်ကို သွားတယ်၊ ဂါရ၀ပြုတယ်။ ပြီးတော့ မကျန်းမမာဖြစ်နေတဲ့ ရန်ကင်းက သူ့ညီအိမ်ဝင်ပြီး ပြန်လာတယ်။ ၃ နာရီခွဲလောက်မှာ ပြန်ရောက်တယ်။”
အာဏာပိုင်တွေဘက်က အနှောင့်အယှက် တစုံတရာ ပေးတဲ့ လက္ခဏာမျိုးတွေရော တွေ့ရပါသလား။
“အဲလိုမျိုးတော့ မရှိပါဘူး။ ဒါပေမဲ့ သူတို့ ထုံးစံအတိုင်း အနောက်ကနေ ဆိုင်ကယ်မီးထိုး လိုက်နေတာတို့၊ ဓာတ်ပုံ တဖျပ်ဖျပ် ရိုက်နေတာတို့၊ ဒါကတော့ ရှိတာပေါ့ဗျာ။ အဲဒါကိုတော့ ကျနော်တို့ကလည်း ဒီနိုင်ငံရဲ့စံနဲ့ အနှောင့်အယှက်ပေးတာ မရှိဘူး လို့ပဲ ပြောရမှာပေါ့လေ။”
NLD ပါတီ လူငယ်အဖွဲ့ဝင် တဦးဖြစ်တဲ့ ကိုရာဇာကို ကိုအောင်လွင်ဦးက ဆက်သွယ်မေးမြန်းခဲ့တာ ဖြစ်ပါတယ်။
NLD ဒု-ဥက္ကဋ္ဌ ဦးတင်ဦး ဌာနချုပ်မှာ သတင်းစာရှင်းလင်းပွဲ ကျင်းပ

15 February 2010


NLD ဒု-ဥက္ကဋ္ဌ ဦးတင်ဦး သတင်းစာ ရှင်းလင်းပွဲတွင် ပြောကြားနေစဉ်။
ဖေဖော်ဝါရီ ၁၅၊ ၂၀၁၀။
၂၀၀၃ ခုနှစ် မေလ ဒီပဲယင်း အရေးအခင်းအပြီး နေအိမ်အကျယ်ချုပ်နဲ့ ထိန်းသိမ်းခံထားရာက စနေနေ့မှာ ပြန်လည်လွတ်မြောက်လာတဲ့ NLD အမျိုးသားဒီမိုကရေစီ အဖွဲ့ချုပ် ဒု-ဥက္ကဋ္ဌ ဦးတင်ဦးဟာ ဒီနေ့ NLD ဌာနချုပ်မှာ အဖွဲ့ချုပ် အဖွဲ့ဝင်တွေနဲ့ တွေ့ဆုံပြီးနောက် သတင်းစာ ရှင်းလင်းပွဲ ကျင်းပခဲ့ပါတယ်။ NLD တာဝန်တွေကို ဆက်လက် တာဝန် ထမ်းဆောင်သွားမှာ ဖြစ်ကြောင်းနဲ့ သူ အကျဉ်းကျနေစဉ်အတွင်း သူ့ရဲ့ အဖွဲ့ဝင်တွေ နှိပ်စက်ညှဉ်းပန်း ခံရမှုတွေကို ဘာမှ လုပ်မပေးနိုင်တဲ့အတွက် စိတ်မချမ်းသာတဲ့အကြောင်း မအေးအေးမာက စုစည်းပြီး သတင်းပေးပို့ထားပါတယ်။
နေအိမ်အကျယ်ချုပ်ကနေ ပြန်လည် လွတ်မြောက်လာခဲ့တဲ့ အမျိုးသား ဒီမိုကရေစီ အဖွဲ့ချုပ်ရဲ့ ဒုတိယဥက္ကဋ္ဌ ဦးတင်ဦးဟာ ဒီနေ့ အဖွဲ့ချုပ်ရုံးကို လာတဲ့အချိန်မှာပဲ သူဟာ အဖွဲ့ချုပ် တာဝန်တွေကို ဆက်လက် ထမ်းဆောင်သွားမှာ ဖြစ်ကြောင်း အခုလို စတင်ပြောကြားသွားပါတယ်။
“ဒီအဖွဲ့ချုပ်အနေနဲ့ ကျနော် ဒေါ်အောင်ဆန်းစုကြည်နဲ့ လိုက်ပါဆောင်ရွက်သွားတဲ့ အချိန်ကစပြီး အကျဉ်းထောင်နဲ့ အိမ်အကျယ်ချုပ်က လွတ်မြောက်လာပြီမို့ အဖွဲ့ချုပ်မှာ တာဝန်ထမ်းဆောင်ဖို့ သတင်းပို့ကြောင်း၊ အဖွဲ့ချုပ် အလံတော်ကို အလေးပြုပြီး ပြန်လည် ရောက်ရှိလာပြီး တာဝန်ထမ်းဆောင်ပြီ ဖြစ်တဲ့အကြောင်း ကျနော် ကတိပြု ကြေညာပါတယ်။”
ဒီနေ့မှာပဲ နိုင်ငံခြား သတင်းဌာနတွေက သတင်းစာ ဆရာတွေကို ခေါ်ယူပြီး သတင်းစာ ရှင်းလင်းပွဲ လုပ်တဲ့အခါမှာ ဒေါ်အောင်ဆန်းစုကြည်နဲ့ ပတ်သက်ပြီးတော့လည်း အခုလို ပြောသွားပါတယ်။
“ဒေါ်အောင်ဆန်းစုကြည်နဲ့ ကျနော်နဲ့က သမိုင်းရှိတယ်၊ အစဉ်အလာရှိတယ်။ ကျနော်လွတ်ပြီးရင် တလ နှစ်လမှာ သူ လွတ်တယ်။ အခုလည်းပဲ ဗိုလ်သန်းရွှေက ပြောထားတာပဲ၊ သူလျှော့လိုက်လို့ တနှစ်ခွဲ အိမ်မှာ အခု အကျယ်ချုပ်ကျနေတဲ့ ကိစ္စမှာ သူ ကောင်းကောင်းမွန်မွန်နေရင် ဒါကို စဉ်းစားပြီး လွှတ်မယ်ဆိုတဲ့သဘော ပြောထားတဲ့ဟာရှိတယ်။ အဲဒီကတိအတိုင်း တည်ပါ။ ဒေါ်အောင်ဆန်းစုကြည်က ဘာလုပ်လို့လဲ၊ ကောင်းကောင်းမွန်မွန်ပဲ နေတဲ့ သဘော ရှိတဲ့အတွက် ဒီဟာကို ထောက်ထားပြီး မြန်မြန်စဉ်းစားဖို့ ကျနော် ပြောလို့ရတယ်။”
ဒါ့အပြင် သူ နေအိမ်အကျယ်ချုပ်မှာ နေထိုင်နေရစဉ်အတွင်း စိတ်မကောင်းဖြစ်ရတဲ့ အကြောင်းအချက်တွေကိုလည်း ပြောသွားကြောင်း အမျိုးသားဒီမိုကရေစီ အဖွဲ့ချုပ်ရဲ့ လူငယ်အဖွဲ့ဝင် တဦးကလည်း အခုလို ပြောသွားပါတယ်။
“မလွတ်မလပ် နေရတဲ့ ဘ၀မှာ သူ မပျော်ပိုက်ဘူးဆိုတဲ့ ဟာမျိုးပေ့ါ။ နောက် ဒီမှာ သတင်းတွေ ကြားတိုင်း ကြားတိုင်း သူ စိတ်မကောင်းဘူးပေါ့။ ဟိုလူ့ ဖမ်းပြန်ပြီ၊ ဒီလူ့ ချုပ်ပြန်ပြီ၊ ထောင်ချပြန်ပြီဆိုတာ။ စိတ်မကောင်းဘူးပေါ့လေ။ ပြီးတော့ ဟိုလူ့ လိုင်စင်ဖြုတ်တယ်၊ ဒီလူ့ လိုင်စင် ရုပ်တယ်၊ ဟိုလူ့စီးပွားရေး ဒုက္ခပေး၊ ဒီလူ့စီးပွားရေး ဒုက္ခပေးဆိုတာ သူ ကြားသာကြားနေရတယ်၊ လက်တွေ့မှာ ဘာမှ မလုပ်ပေးနိုင်တဲ့အတွက် သူ တော်တော်လေး အချုပ်အနှောင် ခံရတာထက်ကို ပိုပြီး စိတ်မကောင်း ဖြစ်မိတယ်ဆိုတဲ့ အကြောင်းတွေပေ့ါ။
“အခုတော့ သူ ပြန်လွတ်လာပြီ။ ပြန်လွတ်လာတဲ့အတွက် အဖွဲ့ချုပ်ကို ၀ိုင်းရံကြပါပေါ့။ အဖွဲ့ချုပ်ကို သူကလည်း ၀ိုင်းရံမယ်။ သတင်းဌာနတွေ အနေနဲ့သော်လည်းကောင်း၊ ပြည်ပရောက် မိတ်ဆွေများ၊ ပြည်တွင်းမှာ ရှိနေတဲ့ ဒီမိုကရေစီ လိုလားသူများ အားလုံး အဖွဲ့ချုပ်ကို ၀ိုင်းရံကြပါဆိုပြီးတော့ အဲလိုပြောတယ်။”
ဦးတင်ဦး ပြန်လည် လွတ်မြောက်လာတဲ့အတွက် အမျိုးသားဒီမိုကရေစီ အဖွဲ့ချုပ်ရဲ့ ရန်ကုန်တိုင်းက မြို့နယ် ၁၀ မြို့နယ်လောက်က ဦးတင်ဦးကို ဒီနေ့မှာပဲ သွားရောက် ဂါရ၀ ပြုခဲ့ကြပါတယ်။ ဂါရ၀ပြုခဲ့သူ လူငယ်အမျိုးသမီးတဦး ပြောပြတာကတော့ …
“ကျမတို့ လူငယ်တွေ အားလုံးအပေါ်မှာ အားထားစရာကောင်းတဲ့၊ တကယ့် ခေါင်းဆောင်ကောင်း တယောက်ပါ။ အဘလွတ်လာတဲ့အခါ ကျမတို့ လူငယ်တွေအနေနဲ့ အရမ်းအားတက်တယ်။ အဘကိုလည်း အားထားတယ်။ အဘရဲ့ စိတ်ဓာတ်၊ အဘရဲ့ ခံယူချက် အပေါ်မှာလည်း အရမ်းယုံကြည် လေးစားတယ်။ အဲတော့ အဘကို သွားပြီးတော့ အားပေးတဲ့ အနေနဲ့လည်း ပါတယ်။ အဘကို ကြိုဆိုတဲ့ အနေနဲ့လည်း ပါတယ်။ ကျမတို့ လူငယ်တွေ အနေနဲ့က ကြိုဆိုတယ်ဆိုတဲ့ ပုံစံနဲ့ သွားကန်တော့တာပါ။
“အဘက အမြဲတမ်း သူ့ရဲ့စိတ်ဓာတ်က NLD အမျိုးသားဒီမိုကရေစီ အဖွဲ့ချုပ်ရဲ့ သဘောထား အပေါ်မှာရော၊ ပြည်သူလူထုရဲ့ သဘောဆန္ဒ အပေါ်မှာရော အမြဲတမ်း ရပ်တည်နေတယ်ဆိုတာ ထုတ်ပြောတယ်လေ။”
ဦးတင်ဦး အနေနဲ့ အမျိုးသားဒီမိုကရေစီ အဖွဲ့ချုပ်ရဲ့ ရွှေဂုံတိုင် ရပ်တည်ချက် သဘောထား အပေါ်မှာပဲ ဆက်လက်ပြီး ရပ်တည်သွားမယ် ဆိုတဲ့အကြောင်းကိုလည်း ပြောဆိုသွားတယ်လို့ ဆိုပါတယ်။
တဆက်တည်းမှာပဲ သတင်းစာရှင်းလင်းပွဲနဲ့ ပတ်သက်ပြီးတော့ NLD ပြောခွင့်ရပုဂ္ဂိုလ် ဒေါက်တာဝင်းနိုင်ကို ဒေါ်ခင်မျိုးသက်က ဆက်သွယ်မေးမြန်းပြီး တင်ပြပေးထားပါတယ်။
အန်ကယ် ဦးတင်ဦး ဒီနေ့ ရုံးတက်တဲ့ အခြေအနေလေး ဆရာ နည်းနည်းပြောပြလို့ ရမလား။
“အန်ကယ် ဦးတင်ဦးက ရုံးကို ဒီနေ့ ၁၁ နာရီခွဲလောက် ရောက်ပါတယ်။ ရောက်ပြီးတော့ အပေါ်မှာ ခဏနားပြီး လူကြီးတွေကို နှုတ်ဆက်ပါတယ်။ လူကြီးတွေကတော့ အန်ကယ် ဦးလွန်းတင်တို့၊ အန်ကယ် ဦးဝင်းတင်တို့၊ CEC အားလုံးပေါ့၊ သူ နှုတ်ဆက်တယ်။ နှုတ်ဆက်စကား ၁၅ မိနစ်လောက် ပြောပြီး အောက်မှာ အဖွဲ့ချုပ် အဖွဲ့ဝင်တွေ အားလုံးကို နှုတ်ခွန်းဆက်စကား ပြောတယ်။ ပြောပြီးတဲ့အခါ သတင်းစာ ဆရာတွေမေးတဲ့ မေးခွန်းတွေကို သူဖြေတယ်။ ဖြေပြီးတော့ ၁ နာရီခွဲမှာ CEC အစည်းအဝေး လုပ်တယ်။ ပြီးတာနဲ့ ခဏနားပြီး ၃ နာရီလောက်မှာ သူ အိမ်ပြန်သွားပါတယ်။”
CEC ကိစ္စနဲ့ ပတ်သက်ပြီး အန်ကယ် ဦးတင်ဦးဆီက အကြံဉာဏ် ထူးထူးခြားခြား ပေးတာများ ရှိပါသလား။
“လောလောဆယ်တော့ သူ ဒီဟာနဲ့ ပတ်သက်လို့ ဘာမှ မပြောပါဘူး။ CEC တွေ တိုးချဲ့ဖွဲ့စည်းတယ်၊ လူကြီးတွေ အသက်ကြီးသွားတဲ့ အတွက် လုပ်နိုင်ကိုင်နိုင်စွမ်း၊ သူတို့မှာ လှုပ်ရှားနိုင်စွမ်း နည်းတဲ့အချိန်မှာ အခုလို CEC တိုးချဲ့ဖွဲ့စည်းတာကို သူ့အနေနဲ့ ကြိုဆိုတယ်၊ ထောက်လည်း ထောက်ခံတယ်ဆိုတဲ့ အကြောင်းကိုတော့ သူ ပြောပါတယ်။ ကျန်တာတော့ သူ အဖွဲ့ချုပ်နဲ့ ပတ်သက်လို့ တချို့ကိစ္စတွေ သူ သိတာတွေလည်းရှိတယ်။ အဆက်မပြတ်ပါဘူးတဲ့။ သူ နားထောင်နေရတယ်၊ ကြားနေရတယ်။ တချို့ကိစ္စတွေတော့ သူ လေ့လာရဦးမှာပေါ့။
“သူ အဓိကကိုင်တာတော့ ဒီမှာ ဗဟိုလူမှု အထောက်အကူ ဥက္ကဋ္ဌနဲ့ ဗဟိုဥပဒေအဖွဲ့ ဥက္ကဋ္ဌဆိုတော့ ဒီဥစ္စာအတွက် သူ ဆက်ပြီးတော့ ဒီလုပ်ငန်းတွေ ပြန်ပြီး တာဝန်ယူနိုင်ဖို့ အဲဒီက ပုဂ္ဂိုလ်တွေနဲ့ တွေ့ထိပြီး၊ လုပ်ငန်းတွေအကြောင်း လေ့လာပြီး ဆက်ပြီးတော့ ဒီလုပ်ငန်းတွေ သူ ဦးဆောင်သွားမယ် ဆိုတဲ့အကြောင်း ပြောပါတယ်။”
NLD အဖွဲ့ကနေပြီးတော့ ချထားတဲ့လမ်းစဉ်၊ ရွှေဂုံတိုင် ကြေညာစာတမ်းအတိုင်း ဆုပ်ကိုင်သွားမယ်ဆိုတော့ အန်ကယ် ဦးတင်ဦးကလည်း အဲဒီလိုပဲ ပြောခဲ့ပါတယ်။ ဒီ ရှေ့လမ်းစဉ်နဲ့ ပတ်သက်ပြီး အန်ကယ် ဦးတင်ဦး ထူးထူးခြားခြား ပြောသွားတာများ ရှိပါသလား။
“အဲဒီမှာတော့ ရွှေဂုံတိုင် ကြေညာစာတမ်းမှာ ကျနော်တို့က ရွေးကောက်ပွဲ ၀င်မယ်၊ မ၀င်ဘူး၊ စသဖြင့် ဘာမှ ဆုံးဖြတ်ထားတာ မဟုတ်ဘူးလေ။ ကျနော်တို့အနေနဲ့ နအဖနဲ့ တွေ့ဆုံဆွေးနွေးရေးအတွက် တောင်းဆိုထားတာ အဓိကပေါ့။ တကယ်လို့ တွေ့ဆုံဆွေးနွေးရေး၊ ပထမအချက် ရွှေဂုံတိုင်မှာ ပါတဲ့အတိုင်း နိုင်ငံရေး အကျဉ်းသားများ လွတ်မြောက်ရေး၊ တွေ့ဆုံဆွေးနွေးရေး၊ တွေ့ဆုံဆွေးနွေးပွဲမှ တဆင့် ရလဒ်တွေအတိုင်း တိုင်းပြည်ရဲ့ အနာဂတ် လမ်းကြောင်းကို သွားရေး။
“အဲလိုမှ မလုပ်နိုင်ရင်လည်း ရွှေဂုံတိုင်မှာ ပါတဲ့အတိုင်း နိုင်ငံရေး အကျဉ်းသားတွေ လွှတ်ပေးရေး၊ အခြေခံဥပဒေပါ အချက်တွေ ပြင်ဆင်ရေးကို ဆောင်ရွက်ပေးမယ်၊ ပြီးတော့ လွတ်လပ်၊ သန့်ရှင်း၊ တရားမျှတတဲ့ ရွေးကောက်ပွဲကို နိုင်ငံတကာရဲ့ ရှေ့မှောက်မှာ လုပ်ပေးမယ်ဆိုရင် ကျနော်တို့က ပြောထားတာကိုး။ ဒီမှာကတော့ ၀င်ရေး၊ မ၀င်ရေး မပါဘူး။ အဲဒီအချက်ကလည်း ဒေါ်အောင်ဆန်းစုကြည် ပြောထားတာကို သဘောတူပါတယ်တဲ့။ ဒီမှာ နိုင်ငံရေးပါတီများ မှတ်ပုံတင်ခြင်း ဥပဒေတို့၊ ရွေးကောက်ပွဲ ဥပဒေတို့၊ ကော်မရှင် ဥပဒေတို့ မထွက်သေးတဲ့အခါမှာ ဒီဟာကို ကျနော်တို့အနေနဲ့ အဆုံးအဖြတ် ဘယ်လိုမှ မပေးနိုင်ပါဘူးတဲ့။ ဒါကိုလည်း သူ ဒေါ်အောင်ဆန်းစုကြည်ရဲ့ သဘောထား ရပ်တည်ချက် အတိုင်းပါပဲတဲ့။
“ရှေ့မှာ အဓိကကတော့ ကျနော်တို့ ရှေ့ နိုင်ငံရေး လုပ်ငန်းစဉ်တွေကို တိုင်းပြည်နဲ့ လူမျိုးအကျိုးကို ရှေးရှုပြီး ချနိုင်ဖို့ အတွက်ကတော့ ဗဟိုအလုပ်အမှုဆောင် အဖွဲ့ဝင်တွေ စုံစုံညီညီ တွေ့ဖို့က အဓိက ဖြစ်နေတယ်။ ဒီကိစ္စကိုလည်း သူ့အနေနဲ့ ဒေါ်အောင်ဆန်းစုကြည်နဲ့ တွေ့ခွင့်ရဖို့၊ ဗဟိုအလုပ်အမှုဆောင် အဖွဲ့ဝင်တွေ ဒေါ်အောင်ဆန်းစုကြည်နဲ့ စုံညီ တွေ့ခွင့်ရဖို့လည်း နအဖကို မေတ္တာရပ်ခံ တောင်းဆိုမယ့်အကြောင်း၊ အဲဒီကမှတဆင့် ရှေ့လုပ်ငန်းစဉ်တွေ ဆက်သွားမယ့်အကြောင်း ပြောပါတယ်။”
အန်ကယ် ဦးတင်ဦးကို နေအိမ်အကျယ်ချုပ် ချထားတာ ဒီပဲယင်း အရေးအခင်း ပြီးမှဆိုတော့ ဒီဟာနဲ့ ပတ်သက်ပြီးရော အန်ကယ် ဘာတွေ ပြောပါသေးလဲ၊ သတင်းစာ ရှင်းလင်းပွဲမှာ။
“ဒီဟာနဲ့ ပတ်သက်လို့ အန်ကယ် ဘာမှမပြောဘူး။ ဒါနဲ့ ပတ်သက်လို့လည်း သတင်းထောက်များက မေးတာ မြန်းတာ မရှိပါဘူး။ သတင်းထောက်တွေ အနေနဲ့ ဒီနေ့ အဓိက မေးကြတာတွေက ဒေါ်စုနဲ့တွေ့ဖို့ Request လုပ်မယ်လို့ သူပြောတာ ကြားရတယ်၊ အဲဒါ ဘယ်လို ဆက်လုပ်မလဲဆိုတဲ့ ကိစ္စကို မေးပါတယ်။ နောက်တခုကတော့ CEC တွေ စုံညီတွေ့ဖို့ ခွင့်တောင်းထားတာ၊ အဲဒါကိုလည်း ဘယ်လိုဆက်လုပ်မလဲ၊ တွေ့ခွင့်ရမရ အဲဒါတွေကို သူတို့မေးတယ်။ နောက်တခုက ကင်တားနား (Quintana) လာတဲ့ ကိစ္စနဲ့ ပတ်သက်လို့ ဘယ်လိုသဘောထားလဲ။ အဓိက အဲဒါတွေ မေးပါတယ်။”
မစ္စတာကင်တားနား လာတာနဲ့ ပတ်သက်ပြီးတော့ အန်ကယ် ဦးတင်ဦးရဲ့ သဘောထား ဘာပြောသွားပါလဲ။
“ကင်တာနား လာတာနဲ့ ပတ်သက်လို့ ကုလသမဂ္ဂ အဖွဲ့အစည်းတရပ်က လာတာကို ကြိုဆိုရမယ်တဲ့။ ကြိုလည်း ကြိုဆိုပါတယ်တဲ့။ ခဏခဏလာလို့ရှိရင် ပိုကောင်းပါတယ်တဲ့။ အကျိုးရှိပါတယ်တဲ့။ တကယ်ကို ခြေခြေမြစ်မြစ် တွေ့ရမယ့် အဖွဲ့တွေလည်း ဖြစ်ပါတယ်တဲ့။ လောလောဆယ်တော့ သူနဲ့ ဒီနေ့ တွေ့မှာ မဟုတ်ဘူး။ ဘာဖြစ်လို့လဲဆိုတော့ အဓိက သူတောင်းထားတာကတော့ ရှေ့နေ ၄ ယောက်နဲ့ တွေ့ဖို့။ သူ့အနေနဲ့တော့ လောလောဆယ် ဟိုက တွေ့မယ်ဆိုရင်လည်း သူ မတွေ့ဘူးတဲ့။ ဟိုကလည်း တွေ့ဖို့တောင်းထားတာ ရှေ့နေ ၄ ယောက်ဆိုတော့ သူနဲ့တွေ့ဖို့ အကြောင်းမရှိဘူးပေါ့။ အဲလောက်ပဲ သူပြောပါတယ်။”
အန်ကယ် ဦးတင်ဦး အနေနဲ့ ဒေါ်အောင်ဆန်းစုကြည်နဲ့ တွေ့ဖို့ရော တင်ထားတာမျိုး ရှိပါသလား။ ဘာပြောသွားပါလဲ။
“အဲဒါကိုတော့ သူ့အနေနဲ့ သူလွတ်ပြီဖြစ်တဲ့အတွက် သူနဲ့တွေ့ဖို့၊ ဒါမှမဟုတ်လည်း CEC စုံညီတွေ့ဖို့ကို ဥက္ကဋ္ဌကတဆင့် တောင်းဆိုပေးပါမယ်တဲ့။ နအဖ ဥက္ကဋ္ဌဆီကို NLD ဥက္ကဋ္ဌကြီးက နေပြီးတော့ တောင်းဆိုပေးမယ်ဆိုပြီး ပြောပါတယ်။ အဓိကကတော့ သူတို့ မနေ့က အန်ကယ် ဦးအောင်ရွှေနဲ့ တွေ့တဲ့အခါမှာ ဒီကိစ္စကို သူတို့ တိုင်ပင်ပြီးပါပြီ။ သူလွတ်တဲ့အချိန်မှာ သူက တွေ့ဖို့ တောင်းဆိုတယ်။ တောင်းဆိုတာကို ဥက္ကဋ္ဌကြီးကတဆင့် တောင်းဆိုပေးမယ့် သဘောပါပဲ။ ဥက္ကဋ္ဌက လက်မှတ်ထိုးပြီး တောင်းဆိုပေးမယ်။
“ဒေါ်အောင်ဆန်းစုကြည်နဲ့ သူနဲ့က သမိုင်းရှိတယ်တဲ့။ သူလွတ်ပြီး တလနှစ်လကြာရင် ဒေါ်အောင်ဆန်းစုကြည် လွတ်တတ်တယ်တဲ့။ အရင် ၉၅ တုန်းကထင်တယ်၊ အဲဒီတုန်းကလည်း ဒီလိုပဲ၊ သူလွတ်ပြီး သိပ်မကြာခင် ဒေါ်စု လွတ်တယ်ပေါ့။ ဒေါ်စုအနေနဲ့လည်း ကောင်းကောင်းမွန်မွန် နေနေတဲ့အတွက် မကြာခင် ပြန်လွတ်မယ်လို့ သူမျှော်လင့်တယ်တဲ့။”
ဒီကနေ့ NLD ဌာနချုပ်မှာ ကျင်းပတဲ့ ဒု-ဥက္ကဋ္ဌ ဦးတင်ဦးရဲ့ သတင်းစာရှင်းလင်းပွဲနဲ့ ပတ်သက်ပြီး NLD ပြောခွင့်ရပုဂ္ဂိုလ် ဒေါက်တာဝင်းနိုင်ကို ဒေါ်ခင်မျိုးသက်က ဆက်သွယ်မေးမြန်းခဲ့တာ ဖြစ်ပါတယ်။
နော်အုန်းလှကို အလုပ်ကြမ်းနှင့် ထောင်ဒဏ် ၂ နှစ် စီရင်

15 February 2010
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို အကျယ်ချုပ်က ပြန်လွှတ်ပေးဖို့အတွက် ရွှေတိဂုံဘုရားမှာ အပတ်စဉ် အင်္ဂါနေ့တိုင်း သွားရောက် ၀တ်ပြုဆုတောင်းတဲ့ အဖွဲ့မှာ တက်ကြွစွာ ဦးဆောင် ပါဝင် လှုပ်ရှားခဲ့တဲ့ ဒေါ်နော်အုန်းလှနဲ့ တခြား ၃ ဦးတို့ကို ဒီနေ့ အလုပ်ကြမ်းနဲ့ ထောင်ဒဏ် ၂ နှစ် ပြစ်ဒဏ်ချမှတ်လိုက်ပါတယ်။ ဒီအကြောင်းနဲ့ ပတ်သက်လို့ ဒေါ်နော်အုန်းလှတို့ရဲ့ အကျိုးဆောင်ရှေ့နေ ဦးကျော်ဟိုးကို ဗွီအိုအေ ၀ိုင်းတော်သား ကိုဇော်ဝင်းလှိုင်က ဆက်သွယ်မေးမြန်းရာမှာ ဦးကျော်ဟိုးက အခုလို စပြောပါတယ်။
“ဒီနေ့ ၂ နာရီနဲ့ ၂၅ မိနစ်မှာ ရန်ကုန် အရှေ့ပိုင်းခရိုင် တရားရုံးက တရားသူကြီး ဦးအောင်သိန်းက အမိန့်ချလိုက်ပါတယ်။ သူတို့ကို ပြစ်မှု ဥပဒေပုဒ်မ ၅၀၅(ခ) အရ ပြစ်မှုထင်ရှားတယ်ဆိုပြီး အလုပ်ကြမ်းနဲ့ ထောင်ဒဏ် ၂ နှစ်ပေါ့၊ အများဆုံး ပြစ်ဒဏ်ကို ချလိုက်ပါတယ်။”
ဒေါ်နော်အုန်းလှနဲ့အတူ စီရင်ချက် အချခံရတဲ့အထဲမှာ ဘယ်သူတွေ ပါပါသေးလဲ။
“အားလုံးပေါင်း ၄ ယောက်၊ ဒေါ်နော်အုန်းလှရယ်၊ ချိုချိုလွင်ရယ်၊ ချိုချိုအေး ခေါ် မချိုရယ်၊ နောက် စန်းစန်းမြင့်ရယ်။”
အခု စီရင်ချက်ချတာက အင်းစိန်ထောင်ထဲမှာလား၊ အပြင်တရားရုံးမှာလား။
“အင်းစိန်ထောင်ထဲမှာပါ။”
ဒေါ်နော်အုန်းလှတို့ကို သူတို့ ဖမ်းထားတာတော့ ကြာပါပြီ။
“ဟုတ်ကဲ့၊ ၁၀ လပိုင်း ၃ ရက်နေ့ကတည်းက။”
၂၀၀၉ ခုနှစ်၊ ၁၀ လပိုင်းပေါ့နော်။
“ဟုတ်ကဲ့။”
သူတို့ကို စဖမ်းတုန်းက ဘယ်လိုဖမ်းတာလဲခင်ဗျ။ နောက်ကြောင်းလေး နည်းနည်း ပြန်ကောက်ပေးပါလား။
“ဖမ်းတဲ့နေ့က လပြည့်နေ့လေ။ လပြည့်နေ့ဆိုတော့ ဒေါ်နော်အုန်းလှတို့က တောင်ဒဂုံမြို့နယ်မှာ ရှိတဲ့ မကွေး ပရိယတ္တိ စာသင်တိုက်က ကျောင်းထိုင်ဆရာတော် ဦးပါမောက္ခထံမှာ သွားပြီးတော့ ဆွမ်းချိုင့် ကပ်လှူတယ်။ ကပ်လှူပြီး ပြန်ထွက်လာတယ်။ ပြန်ထွက်လာပြီးတော့ တောင်ဒဂုံကနေ သင်္ဃန်းကျွန်းမြို့နယ်က စံပြဈေးကို ပြန်ရောက်တယ်။ စံပြဈေးကနေ ပြန်အထွက်မှာ ရဲတွေက ဖမ်းပြီး ရှာတယ်။ ရှာတဲ့အခါ ကမ္မ၀ါစာတွေ တွေ့တယ်ဆိုပြီး ဖမ်းသွားတယ်။
“ဖမ်းသွားပြီး တရားစွဲတဲ့ အခါကျတော့ မကွေးကျောင်းတိုက်က ကျောင်းထိုင်ဆရာတော် ဦးပါမောက္ခကို ကမ္မ၀ါစာ ၄၂ စောင်ကို ဆွမ်းချိုင့်နဲ့အတူ ကပ်လှူခဲ့တယ်လို့ စွပ်စွဲပြီး တရားစွဲတာပေါ့။ အဲဒီလို တရားစွဲ၊ အမှုစစ်ပြီး အမိန့်ချလိုက်တာပေါ့။ အမိန့်ချတဲ့ နေရာမှာလည်း ဒီဆရာတော်ကို နိုင်ငံတော် ဆန့်ကျင်တဲ့ ကမ္မ၀ါစာ ကပ်လှူတယ်ဆိုတာ ပေါ်ပေါက်တယ်၊ ပြစ်မှု ထင်ရှားတယ် ဆိုပြီးတော့ ပြစ်ဒဏ် ချလိုက်တာပဲ။
“ဒီလို ချလိုက်တဲ့အပေါ်မှာ ကျနော်တို့က မကျေနပ်ဘူး။ မကျေနပ်တဲ့ အကြောင်းက တရားရုံးရဲ့ စီရင်ချက်မှာ ဒီလို ကပ်လှူ တယ် ဆိုတာ မျက်မြင်သက်သေလည်း မတင်ပြနိုင်ဘူး။ ပြီးတော့ ကပ်လှူခဲ့တယ်ဆိုတဲ့ ကမ္မ၀ါစာ ၄၂ စောင်ကိုလည်း တရားရုံးကို သက်သေခံအဖြစ် တင်မပြနိုင်ဘူး။ နောက် ကပ်လှူခြင်းခံရတဲ့ ဆရာတော် ဦးပါမောက္ခကိုလည်း တရားလိုပြ သက်သေအနေနဲ့ တင်ပြနိုင်ခြင်း မရှိဘူး။
“ဒါကြောင့် ဒီလို မျက်မြင်သက်သေ မရှိဘူး၊ စာရွက်စာတမ်း အထောက်အထား မရှိဘူး၊ သက်သေပြရမယ့်လူတွေ မပြဘဲနဲ့ ဒီလိုပြစ်ဒဏ်ချတာဟာ ခိုင်လုံမှု မရှိဘူး။ ဒါကြောင့် ဒါနဲ့ပတ်သက်ပြီး အယူခံတက်ဖို့ စီစဉ်နေပါတယ်။”
ကမ္မ၀ါစာဆိုတာ တကယ်တော့ တရားစာ၊ ဘုရားစာ မဟုတ်ဘူးလားခင်ဗျ။
“ဟုတ်ပါတယ်။ ကျနော်တို့ အမြင်မှာလည်း ဒီလိုပါပဲ။ ကမ္မ၀ါစာကို ဆရာတော်ကို ကပ်တယ်ဆိုတာလည်း ဘာသာရေးအရ ပြစ်မှုမြောက်တယ်လို့ ကျနော်တို့ မယူဆပါဘူး။ ကမ္မ၀ါစာကလည်း ပါဠိလို ရေးထားတာ။ တော်ရုံတန်ရုံ ပါဠိနဲ့ ပတ်သက်လို့ ကျွမ်းကျင်တဲ့လူ မဟုတ်ရင်လည်း နားလည်မှာ မဟုတ်ဘူး။ သူတို့ တရားစွဲတဲ့ သတင်းတပ်ဖွဲ့ ရဲအရာရှိ ကိုယ်တိုင်ကလည်း ဒါဖတ်ပြီး သူတို့လည်း အဓိပ္ပာယ် မသိနိုင်ဘူး။
“ဒါ အများပြည်သူကို လှုံ့ဆော်တယ်၊ တဦးတယောက်ကို လှုံ့ဆော်တယ် ဆိုတာလည်း မဖြစ်နိုင်ဘူးပေါ့လေ။ ဒါ အဓိက မကျပါဘူး။ အဓိက ကျနော်တို့က ဥပဒေကြောင်းအရ စဉ်းစားတာက ဒီလို တကယ်ကပ်တယ်၊ မကပ်ဘူးဆိုတာတောင်မှ သက်သေ အခိုင်အလုံ မပြနိုင်ဘဲနဲ့ အပြစ်ပေးထားတာ ကျနော်တို့အနေနဲ့တော့ လက်မခံနိုင်ဘူးပေါ့လေ။”
ပြည်သူကို အလုပ်အကျွေးပြုတဲ့ တပ်မတော်ဖြစ်ဖို့ သူရ ဦးတင်ဦး တိုက်တွန်း

23 February 2010


ဗိုလ်ချုပ်ကြီးဟောင်း သူရ ဦးတင်ဦး။
ဖေဖော်ဝါရီ ၁၈၊ ၂၀၁၀။
မြန်မာ့တပ်မတော်အနေနဲ့ အစဉ်အလာ ကောင်းတွေကို ထိန်းသိမ်းပြီး ပြည်သူတွေကို အလုပ်အကျွေးပြုတဲ့ တပ်မတော်အဖြစ် ပြောင်းလဲဖို့ မကြာသေးခင်မှာ နေအိမ် အကျယ်ချုပ်က လွတ်မြောက်လာခဲ့တဲ့ NLD ဒု-ဥက္ကဋ္ဌ၊ ကာကွယ်ရေး ဦးစီးချုပ်ဟောင်း ဗိုလ်ချုပ်ကြီးဟောင်း သူရ ဦးတင်ဦးက စစ်တပ်အရာရှိတွေ၊ တပ်မတော်သားတွေကို တိုက်တွန်းလိုက်ပါတယ်။ အဘက်ဘက်က ချို့ယွင်းနေတဲ့ တိုင်းပြည်အခြေအနေကို ပြန်လည်ထူထောင်ဖို့ ယုံကြည်မှု တည်ဆောက်ပြီး သဘောတူညီချက်တွေ ရအောင် ကြိုးစားဖို့ လိုတယ်လို့ ဗွီအိုအေ မြန်မာပိုင်းနဲ့ သီးသန့် ဆက်သွယ်မေးမြန်းခန်းမှာ ပြောဆိုခဲ့တာပါ။ အသေးစိတ်ကို ကိုသိန်းထိုက်ဦးက တင်ပြပေးထားပါတယ်။
ကာကွယ်ရေးဦးစီးချုပ်ဟောင်း၊ NLD အမျိုးသားဒီမိုကရေစီ အဖွဲ့ချုပ်ရဲ့ ဒု-ဥက္ကဋ္ဌ ဗိုလ်ချုပ်ကြီးဟောင်း သူရ ဦးတင်ဦးက သူဟာ ငယ်ရွယ်စဉ် အချိန်ကတည်းက တပ်မတော်မှာ အရာရှိငယ် တယောက်အဖြစ် တာဝန်ယူခဲ့ပြီး နောက်ပိုင်းမှာ ကာကွယ်ရေး ဦးစီးချုပ်အဖြစ် တာဝန်ယူခဲ့တဲ့အကြောင်း၊ တပ်မတော်ဟာ သူ့ရဲ့ အသည်းနှလုံးထဲမှာ ထာဝရ ရှိနေတဲ့ အကြောင်း ဗွီအိုအေ မြန်မာပိုင်းနဲ့ ဆက်သွယ် မေးမြန်းတဲ့အချိန် ပြောဆိုပါတယ်။ သူဟာ တပ်မတော်သားတွေကို ချစ်တဲ့အကြောင်းနဲ့ ဒါပေမဲ့လည်း ပြည်သူတွေကို ပိုချစ်တဲ့အတွက် ဒီမိုကရေစီရေး လှုပ်ရှားမှုတွေမှာ ပါဝင် ဆောင်ရွက် နေတယ်လို့ ဆိုပါတယ်။
လက်ရှိ တပ်မတော်ဟာ ပြည်သူတွေကို အလုပ်အကျွေးပြုတဲ့ တပ်မတော်တရပ် ဖြစ်ဖို့လိုပြီး လွတ်လပ်ရေး ဗိသုကာ၊ အမျိုးသား ခေါင်းဆောင်ကြီး ဗိုလ်ချုပ်အောင်ဆန်း ချမှတ်ခဲ့တဲ့ အစဉ်အလာကောင်းတွေကို ထိန်းသိမ်းဖို့ လိုအပ်တယ်လို့လည်း ပြောပါတယ်။
“ဒီလိုပဲ အစဉ်အလာကောင်းတွေကို ထိန်းစေချင်ပါတယ်။ အကုန်လုံး တာဝန်ရှိနေတဲ့သူတွေ အားလုံး အလိုက်ပေါ့။ ပြည်သူသာလျှင် အမိ၊ ပြည်သူသာလျှင် အဖ၊ ပြည်သူတို့ကိုသာ အလုပ်အကျွေးပြုပါ။ နိုင်ငံကို ဦးဆောင် ခေါင်းရွက်သွားနေ တာ ပြည်သူလူထုပါ။ ပြည်သူလူထုရဲ့ ဦးဆောင်မှုအောက်မှာ တပ်မတော်သည် တကယ့်ကို စံပြကောင်းကောင်းနဲ့ ဖြစ်တဲ့ ၀န်ထမ်းကောင်းကြီးတွေပေါ့၊ ကိုယ့်ရဲ့ လုပ်ငန်းကိစ္စ အ၀၀ကို ကျွမ်းကျင်အောင် လုပ်ပြီးတော့ မိမိရဲ့တာဝန်ဖြစ်တဲ့ နိုင်ငံတော် လုံခြုံရေး၊ ကာကွယ်ရေးကို တရားနည်းလမ်း မှန်ကန်စွာနဲ့ ကျင့်သုံးနိုင်အောင်တော့ ဖြစ်စေချင်တယ်၊ ဒါပါပဲ။”
အဘက်ဘက်က ချွတ်ခြုံကျနေတဲ့ ဒီနေ့ မြန်မာနိုင်ငံရဲ့ အခြေအနေကို ပြန်လည် တည်ဆောက်နိုင်ဖို့အတွက် နိုင်ငံရေးအရ သဘောတူညီမှုတွေကို ရှာနိုင်တဲ့ ယုံကြည်မှု တည်ဆောက်ဖို့ လိုအပ်တဲ့ အကြောင်းကိုလည်း ဦးတင်ဦးက ပြောပါတယ်။ ဒီလို ယုံကြည်မှု တည်ဆောက်နိုင်တဲ့ အနေအထားကို ဖန်တီးဖို့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် ဘက် ကတော့ အဆင်သင့်ရှိတယ်လို့လည်း သူက ပြောပါတယ်။
“တယောက်နဲ့ တယောက်ဟာ ယုံကြည်မှု တည်ဆောက်ကြဖို့ပဲ။ ပြည်သူလူထုတွေဟာ ဒီနေ့အထိ နိုင်ငံရေးအားဖြင့်၊ စီးပွားရေးအားဖြင့်၊ လူမှုရေးအားဖြင့် ချွတ်ခြုံကျနေတာ။ အဲဒါကို ညှိနှိုင်းဆွေးနွေးပြီး တခုနဲ့တခု တွေ့ဆုံဆွေးနွေးပြီးတော့ ယုံကြည်မှု တည်ဆောက်လို့ ရနိုင်မယ့် နေရာတခု၊ The area of agreement ရောက်အောင် လုပ်မယ်ဆိုရင် လုပ်လို့ ရနိုင်ပါတယ်လို့၊ ယုံယုံကြည်ကြည်လုပ်ပါ။ ဒေါ်အောင်ဆန်းစုကြည် ဘက်ကတော့ ဒီလိုကိစ္စနဲ့ ပတ်သက်လို့ တစိုက်မတ်မတ် စွဲကိုင်ထားတဲ့ ၀ါဒပါ။”
မြန်မာပြည် ဒီမိုကရေစီရေး လှုပ်ရှားမှုမှာ နိုင်ငံတကာရဲ့ ထောက်ခံ အားပေးမှုတွေကို ကြိုဆိုတဲ့အကြောင်း၊ ဒါပေမဲ့လည်း တကယ်တမ်း အပြောင်းအလဲတွေ၊ တိုးတက်မှုတွေရှိဖို့ ပြည်တွင်းက အင်အားတွေကသာ ဆောင်ရွက်နိုင်မှာ ဖြစ်တဲ့ အကြောင်းကိုလည်း အခုလို ပြောဆိုသွားပါတယ်။
“ဒါပေမဲ့ တကယ့်အင်အားကတော့ ကိုယ့် ပြည်သူလူထုပဲ။ ကိုယ့်ဟာကို လုပ်ကြပါ။ ကိုယ့်ဟာကိုလုပ်တဲ့ အားကိုပဲ ကိုယ်က ယုံကြည်တာပါ။ အဲတော့ နိုင်ငံတကာက ကူညီနေပြီး ကျနော်တို့အတွက် ပြောကြတယ်၊ ဆိုကြတယ် ဆိုတဲ့ဟာတွေ အပေါ်မှာ၊ အထောက်အပံ့တွေ အပေါ်မှာတော့ ကြိုဆိုတယ်၊ အားရတယ်၊ ဆက်လက်ပြီးတော့လည်း ကြိုဆိုကြပါ၊ ထောက်ခံကြပါ။ သို့သော် တကယ်ဆောင်ရွက်ရမယ့် အင်အားကတော့ ကိုယ့်ပြည်တွင်းက အားပဲ ဖြစ်တဲ့အတွက် ပြည်သူ လူထုတွေက လုပ်ရမယ်လို့ပဲ၊ ကိုယ့်အချင်းချင်း တိုင်းရင်းသားတွေနဲ့ အတူတကွ လုပ်ရမယ်လို့ပဲ ကျနော်တို့က ယုံကြည် တယ်။”
ဗွီအိုအေ မြန်မာပိုင်းက ဆက်သွယ်မေးမြန်းတဲ့အချိန် ဗိုလ်ချုပ်ကြီးဟောင်း သူရ ဦးတင်ဦးက လက်ရှိ မြန်မာနိုင်ငံ အခြေအနေတွေနဲ့ မြန်မာ့တပ်မတော်အပေါ် သူ့ရဲ့ သဘောထားတွေကို ပြောပြခဲ့တာ ဖြစ်ပါတယ်။
မြန်မာ့တပ်မတော် အနေနဲ့ အစဉ်အလာကို ထိန်းသိမ်းဖို့ လိုအပ်သလို အနာဂတ်မှာ တပ်မတော်ရဲ့ သမိုင်းကောင်းအောင် ဆောင်ရွက်ဖို့လည်း လိုအပ်တယ်လို့ ဦးတင်ဦးက ပြောပါတယ်။ မြန်မာပြည် နိုင်ငံရေးမှာ တပ်မတော်အနေနဲ့ သမာသမတ် ရှိတဲ့ ဒိုင်လူကြီး နေရာက ရပ်တည်စေချင်တဲ့အကြောင်း NLD အမျိုးသားဒီမိုကရေစီ အဖွဲ့ချုပ် ဒု-ဥက္ကဋ္ဌ ဦးတင်ဦးက ပြောပြ သွားပါတယ်။
ဦးတင်ဦး NLD အဖွဲ့ချုပ် ပြန်လည်ဦးဆောင်မှု အတွက် ဒေါ်စု ၀မ်းမြောက်

24 February 2010
မကြာသေးခင်ကမှ နေအိမ်အကျယ်ချုပ်က လွတ်မြောက်လာတဲ့ အမျိုးသားဒီမိုကရေစီ အဖွဲ့ချုပ် (NLD) ပါတီ ဒု-ဥက္ကဋ္ဌ ဦးတင်ဦး ပါတီလုပ်ငန်းတွေမှာ ဦးစီးဦးဆောင် ပါဝင်လာတဲ့အတွက် အားရကျေနပ်မိတဲ့အကြောင်း နေအိမ်အကျယ်ချုပ် ဆက်လက် ကျခံနေရဆဲဖြစ်တဲ့ ဒေါ်အောင်ဆန်းစုကြည်က ပြောဆိုလိုက်ပါတယ်။ NLD ပါတီ တိုင်းနဲ့ပြည်နယ်က အလုပ်အမှုဆောင် အဖွဲ့ဝင်တွေ တိုးချဲ့ဖွဲ့စည်းနေတဲ့ လုပ်ငန်းတွေ အပေါ်မှာလည်း ကျေနပ်မှု ရှိတဲ့အကြောင်း ဒီနေ့ပဲ သူနဲ့တွေ့ဆုံခဲ့တဲ့ ဥပဒေအကျိုးဆောင်တွေကို ဒေါ်အောင်ဆန်းစုကြည်က ပြောဆိုခဲ့တာ ဖြစ်ပါတယ်။ အပြည့်အစုံကို ဒေါ်ခင်မျိုးသက်က တင်ပြပေးထားပါတယ်။
ဒေါ်အောင်ဆန်းစုကြည်ရဲ့ ရှေ့နေကြီး ၂ ဦးဖြစ်တဲ့ ဦးကြည်ဝင်းနဲ့ ဦးဉာဏ်ဝင်းတို့ဟာ ဒီနေ့ ဒေါ်အောင်ဆန်းစုကြည်ကို ၂ နာရီကြာ တွေ့ဆုံခွင့် ရခဲ့ပါတယ်။ ဒေါ်အောင်ဆန်းစုကြည် နေအိမ်အကျယ်ချုပ် ဘ၀နဲ့ နေနေရတဲ့ နေအိမ်ဟာ နာဂစ် ဆိုင်ကလုန်းဒဏ်ကြောင့် ပျက်စီးခဲ့ရတာမို့ နေအိမ်ကို ပြန်လည်ပြင်ဆင်ခွင့် တင်ထားခဲ့ပါတယ်။ ပြင်ဆင်ခွင့် ကျပြီးကာမှ အကိုဖြစ်သူ ဦးအောင်ဆန်းဦးရဲ့ တားဆီးမှုကြောင့် တိုင်းတရားရုံးက ယာယီတားဝရမ်း ထုတ်ထားတဲ့ ကိစ္စကို ဒီကနေ့ ဆွေးနွေးခဲ့ကြတယ်လို့ ဒေါ်အောင်ဆန်းစုကြည်ကို သွားရောက်တွေ့ဆုံခဲ့တဲ့ ရှေ့နေကြီး ဦးဉာဏ်ဝင်းက ပြောပါတယ်။
“ကျနော်တို့ ဒီနေ့ ၁ နာရီကနေ ၃ နာရီထိ ဆရာ ဦးကြည်ဝင်းနဲ့ ကျနော်နဲ့ သွားတွေ့ပါတယ်။ ကျနော်တို့ ဒီနေ့တွေ့တဲ့နေရာမှာ တိုင်းတရားရုံးမှာရှိတဲ့ ယာယီတားဝရမ်း လျှောက်တဲ့ကိစ္စ၊ ဒီဟာနဲ့ ပတ်သက်ပြီး ကျနော်တို့ တရားရုံးကို တင်ပြဖို့ လျှောက်လဲချက်ကို ဆွေးနွေးပါတယ်။ ကျနော်တို့ ပြုစုသွားတာကိုလည်း ဒေါ်စု သဘောတူပါတယ်။ ဒီထဲမှာ ထပ်ပြီးတော့ ထည့်ဖို့ ကိစ္စတွေ ဆွေးနွေးတယ်။ ကျနော်တို့က ပြန်ဖြည့်သွင်းပြီး ဆောင်ရွက်ဖို့ပါပဲ။
“ဒီအမှုနဲ့ ပတ်သက်ပြီး ဆောင်ရွက်ဖို့ ကိစ္စတွေကို မူကြမ်းတခုရေးဖို့ ဆရာ ဦးကြည်ဝင်းကို ဒေါ်စုက ပြောပါတယ်။ ဆရာ ဦးကြည်ဝင်းကလည်း သူ ရေးပေးမယ်၊ ပြင်ဆင်ပေးမယ်ပေါ့။ အမှုကိစ္စကတော့ အဲဒါပါပဲ။”
အမေရိကန် နိုင်ငံသား ဂျွန် ယက်တော (John Yettaw) ဒေါ်အောင်ဆန်းစုကြည်ရဲ့ နေအိမ်ဝင်းအတွင်း ၀င်ရောက်မှုနဲ့ ပတ်သက်ပြီး နေအိမ်အကျယ်ချုပ် ၁၈ လ ထပ်မံချထားတဲ့ အမှုအတွက် အမိန့်မချသေးတာမို့ ဒီနေ့လည်း တရားရုံးမှာ သွားရောက် မေးမြန်းခဲ့ပေမဲ့ ထူးခြားမှု မရှိဘူးလို့လည်း ပြောပါတယ်။
ဒေါ်အောင်ဆန်းစုကြည်ဟာ မကြာခင်ကမှ နေအိမ်အကျယ်ချုပ်က လွတ်မြောက်လာတဲ့ အမျိုးသားဒီမိုကရေစီ အဖွဲ့ချုပ် ဒု-ဥက္ကဋ္ဌ ဦးတင်ဦး ပြန်လည်လွတ်မြောက်ပြီး အဖွဲ့ချုပ် ဦးဆောင်နေမှုအပြင် အဖွဲ့ချုပ် ဗဟိုအလုပ်အမှုဆောင်အဖွဲ့ CEC နဲ့ ဗဟိုဦးစီးအဖွဲ့ CC အဖွဲ့တွေ ပြန်လည်ဖွဲ့စည်းရေး ကိစ္စတွေမှာ အဆင်ပြေပြေ ဆောင်ရွက်နိုင်မှုတွေ အတွက်လည်း ၀မ်းမြောက်ကြောင်း ပြောကြားခဲ့တယ်လို့ ဆိုပါတယ်။
“ဒေါ်အောင်ဆန်းစုကြည်က အန်ကယ် ဦးတင်ဦး နေအိမ်အကျယ်ချုပ်က လွတ်လာပြီးတော့ အဖွဲ့ချုပ်မှာ ဦးစီးဦးဆောင် ပြုပြီးတော့ ပါဝင်ဆောင်ရွက်နေတာရယ်၊ နောက် အန်ကယ်ဦးတင်ဦးရဲ့ နိုင်ငံရေးအရ ရပ်တည်ချက် အပေါ်မှာ မူတည်ပြီး ပြောကြားချက်တွေ အားလုံးကို သူ ကျေးဇူးတင်တယ်ဆိုတာ ကိုယ်တိုင်ပြောပါဆိုလို့ ကျနော် ဒီနေ့ အန်ကယ် ဦးတင်ဦးကိုလည်း ပြောပြီးပါပြီ။ အဲဒါတခု။
“နောက်ပြီးတော့ CEC ရွေးချယ်ရေးနဲ့ CC ရွေးချယ်ရေး ကိစ္စတွေမှာ အဆင်ပြေ ချောမွေ့အောင် လုပ်ဆောင်ခဲ့တဲ့ ဟာတွေကိုလည်း သူ ကျေးဇူးတင်ကြောင်း၊ ၀မ်းမြောက်ကြောင်း ပြောပါတယ်။”
ဒေါ်အောင်ဆန်းစုကြည်ရဲ့ ကျန်းမာရေး အခြေအနေ ပြောပြပေးပါဦး။
“ကျန်းမာရေး အခြေအနေ ကောင်းပါတယ်။ ဒီနေ့တောင်မှ ခြံထဲကထွက်တဲ့ ဘူးသီးနဲ့ ဘူးသီးကြော်တွေ ကျွေးလိုက်တယ်။”
ဒေါ်အောင်ဆန်းစုကြည်နဲ့ ဒီနေ့ သွားရောက်တွေ့ဆုံခွင့် ရခဲ့တဲ့ ရှေ့နေကြီး ဦးဉာဏ်ဝင်း ပြောပြခဲ့တာ ဖြစ်ပါတယ်။
ဒေါ်စု အကျယ်ချုပ်အမှု ပြင်ဆင်ချက် ဆုံးဖြတ်ချက် ချတော့မည်

25 February 2010
မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ရဲ့ နေအိမ်အကျယ်ချုပ် အမှုနဲ့ ပတ်သက်ပြီး အကျိုးဆောင် ရှေ့နေတွေဘက်က တင်သွင်းခဲ့တဲ့ ပြစ်မှုဆိုင်ရာ ပြင်ဆင်မှု လျှောက်ထားချက်ကို သောကြာနေ့မှာ အမိန့်ချမှတ်တော့မှာ ဖြစ်ပါတယ်။
၂၀၀၃ ခုနှစ် ဒီပဲယင်း အရေးအခင်း နောက်ပိုင်းမှာ နိုင်ငံတော်ကို နှောင့်ယှက် ဖျက်ဆီးသူများ ရန်က ကာကွယ်ရေး အက်ဥပဒေနဲ့ ဒေါ်အောင်ဆန်းစုကြည်ကို နေအိမ်အကျယ်ချုပ် ချထားရာက တနှစ်ပြီးတနှစ် တိုးလာခဲ့တာဖြစ်ပြီး အခု နောက်ဆုံး အမေရိကန် နိုင်ငံသား ဂျွန် ၀ီလီယံ ယက်တော (John William Yettaw) နေအိမ်ကို ကျူးကျော် ၀င်ရောက်မှု နဲ့ ပတ်သက်ပြီး နေအိမ်အကျယ်ချုပ်ကို ၁၈ လ တိုးပြီး ချမှတ်ခံထားရတာ ဖြစ်ပါတယ်။
အခုတော့ ဒီအမှုအတွက် အမိန့်ချတော့မယ်လို့ ဒေါ်အောင်ဆန်းစုကြည်ရဲ့ အကျိုးဆောင် ရှေ့နေကြီး ဦးဉာဏ်ဝင်းက အခုလို ပြောပြပါတယ်။
“မနက်ဖြန် တရားရုံးချုပ်က အန်ကယ်တို့ တင်ထားတဲ့ ပြင်ဆင်မှု၊ အဲဒါကို အမိန့်ချမယ်။ ဒီဥစ္စာက အန်ကယ်တို့က ဒေါ်အောင်ဆန်းစုကြည်အတွက် တမှု၊ ဒေါ်ခင်ခင်ဝင်းအတွက် တမှု၊ ပြင်ဆင်မှုလို့ ခေါ်တယ်။ အဲဒီဟာကို တင်ထားတယ်။ တပြိုင်နက်တည်းမှာ အစိုးရကလည်း ရန်ကုန်တိုင်း တရားရုံးက ၇၄ ဖွဲ့စည်းပုံ အခြေခံဥပဒေ မရှိတော့ဘူးလို့ သုံးသပ်တဲ့ အချက်ကို သူတို့က ပြင်ဆင်မှု တက်တယ်။ အဲတော့ ပြင်ဆင်မှု ၃ မှု။
“အဲဒါကို အစိုးရဘက်ရော၊ အန်ကယ်တို့ဘက်ရော၊ နှစ်ဘက် လျှောက်လဲချက် လွန်ခဲ့တဲ့လ ၁၈ ရက်နေ့က ပေးပြီးပြီ။ အဲတော့ ဒီအမှုတွေနဲ့ ပတ်သက်ပြီးတော့ အမိန့်ချမယ်။ ဆိုလိုတာက အမိန့်မှာ အန်ကယ်တို့ နိုင်ခဲ့ရင် ဒေါ်အောင်ဆန်းစုကြည် လုံးဝ လွတ်မြောက်မယ်။ အန်ကယ်တို့ ရှုံးခဲ့ရင် အခု နေအိမ်အကျယ်ချုပ်က ဒီအတိုင်းပဲ ဆက်ရှိ မယ်။ အန်ကယ်တို့လည်း ဒီအမိန့် နားထောင်ဖို့ပဲ မနက် သွားရမှာပါ။ ချိန်းထားတာ မနက် ၁၀ နာရီပါ။”
ဒါ့အပြင် ဒေါ်အောင်ဆန်းစုကြည်နဲ့ အမှု တတွဲတည်းဖြစ်တဲ့ အတူနေထိုင်သူ ဒေါ်ခင်ခင်ဝင်းနဲ့ မ၀င်းမမတို့ဟာလည်း မူလအမှုရှင် ဒေါ်အောင်ဆန်းစုကြည် အပေါ် မူတည်နေပြီးတော့ ဒေါ်အောင်ဆန်းစုကြည် ပြန်လွှတ်ရင် သူတို့လည်း လွတ်မြောက်မယ်လို့ ရှေ့နေကြီး ဦးဉာဏ်ဝင်းက ပြောပြခဲ့ပါတယ်။
NLD တိုင်းနဲ့ပြည်နယ် ဗဟိုဦးစီးအဖွဲ့ အောင်မြင်စွာ ဖွဲ့စည်း

25 February 2010
မြန်မာပြည်တ၀န်း တိုင်းနဲ့ပြည်နယ် အသီးသီးက NLD အမျိုးသားဒီမိုကရေစီ အဖွဲ့ချုပ်ကို ဦးဆောင်မှု ပေးနိုင်တဲ့ အရည်အချင်းရှိသူ ဗဟိုဦးစီးအဖွဲ့ဝင် ၁၀၀ ကျော်ကို စိစစ်ရွေးချယ်ခဲ့ပြီး NLD ဌာနချုပ်မှာ ဒီနေ့ ကျင်းပတဲ့ အစည်းအဝေးက အတည်ပြုနိုင်ခဲ့ပါတယ်။ ဒီကိစ္စနဲ့ ပတ်သက်လို့ NLD CEC ဗဟိုအလုပ်အမှုဆောင် အဖွဲ့ဝင် ဦးအုန်းကြိုင်ကို ဒေါ်ခင်မျိုးသက်က ဆက်သွယ်မေးမြန်းပြီး တင်ပြပေးထားပါတယ်။
ဒီကနေ့ NLD ရုံးချုပ်မှာ ဗဟိုဦးစီး အဖွဲ့ဝင်တွေ နာမည်စာရင်း တင်သွင်းထားတာ၊ ဒါနဲ့ပတ်သက်ပြီး အခြေအနေ ဘာထူးလဲဆရာ၊ ပြောပြပေးပါ။
“အောင်အောင်မြင်မြင် ပြီးသွားပါပြီ။ ပြည်နယ်၊ တိုင်းက သူတို့ မူအတိုင်း လျာထားတဲ့ ပုဂ္ဂိုလ်များ၊ ဗဟိုကနေပြီးတော့ ရည်ရွယ်ထားတဲ့၊ သတ်မှတ်ထားတဲ့၊ ဖြစ်သင့်ဖြစ်အပ်တဲ့ ပုဂ္ဂိုလ်များ အကုန်လုံး ရွေးချယ် စိစစ်ပြီးတော့ ဒီနေ့ အောင်အောင်မြင်မြင်ပဲ ရွေးချယ် ပြီးစီးသွားပါပြီ။ အဆင့်ဆင့် တင်ပြတာတွေတော့ ရှိဦးမှာပေါ့။”
ဗဟိုဦးစီးအဖွဲ့ဝင် ဘယ်နှစ်ဦး ရွေးချယ်ပြီးပါပြီလဲ။
“ဗဟိုဦးစီး အဖွဲ့ဝင် ၁၀၀ ရှိပါတယ်။”
ဗဟိုဦးစီးအဖွဲ့ကို CEC အဖွဲ့က ရွေးချယ်တဲ့အခါ ဘယ်လိုမျိုး စံတွေနဲ့ သတ်မှတ်ပြီး ရွေးချယ်ပါလဲ။
“ပြည်နယ်၊ တိုင်းကို ကျနော်တို့က ကိုယ်စားလှယ်လောင်း လျာထားဖို့ ဖိတ်စဉ်အခါကတည်းက အရည်အချင်း ပြည့်မီသူ ဖြစ်ရမယ်၊ ပါတီအပေါ် သစ္စာရှိသူ ဖြစ်ရမယ်၊ နိုင်ငံရေးတာဝန်တွေ၊ အဖွဲ့ချုပ်ရဲ့ လုပ်ငန်းတာဝန်တွေကို စဉ်ဆက်မပြတ်၊ အကျဉ်းကျနေစဉ် ကာလမှ လွဲလို့ပေါ့၊ စဉ်ဆက်မပြတ် တာဝန်ထမ်းဆောင်လာတဲ့လူ ဖြစ်ရမယ်၊ နောက်တခုက အဖွဲ့ချုပ်ရဲ့ ဒီနေ့ သွားနေတဲ့ နိုင်ငံရေး မူဝါဒ လမ်းစဉ်တွေကို လက်ခံ ဆောင်ရွက်နိုင်သူ ဖြစ်ရမယ်၊ နောက် လောလောဆယ် အရေးယူ ခံထားရတဲ့လူ မဖြစ်ရဘူးပေါ့ဗျာ၊ ပါတီစည်းကမ်းအရ အရေးယူထားခြင်း ခံထားရသူ မဖြစ်ရဘူး၊ အဲဒီအချက်တွေ ပါပါတယ်။
“အဲဒီအချက်တွေအပြင် နောက် လူမှုအထောက်အကူ လုပ်ငန်းတွေမှာ၊ လူမှုရေး လုပ်ငန်းတွေမှာ အဖွဲ့ချုပ်ရဲ့ တာဝန် ထမ်းဆောင်ရင်း၊ အဲဒီကဏ္ဍတွေမှာ ရွပ်ရွပ်ချွံချွံ တာဝန်ထမ်းဆောင်နေတဲ့ ပုဂ္ဂိုလ်တွေ ဖြစ်ရမယ်။ အဲဒါမျိုးတွေပေါ့။ ပြီးတော့ နိုင်ငံရေးလှုပ်ရှားမှု ဆောင်ရွက်ရင်း အကျဉ်းကျခံနေရတဲ့ သူတွေလည်း အခွင့်အရေး မဆုံးရှုံးစေရဘူး၊ အဲဒီမူတွေနဲ့ ကျနော်တို့ ရွေးချယ်ကြတာပါပဲ။”
အခု အရွေးချယ်ခံရတဲ့ သူတွေကရော သူတို့ကို ရွေးချယ်လိုက်ကြောင်း သိပြီလား။
“မသိနိုင်သေးပါဘူး။ ထုတ်ပြန်ကြေညာမှ သိမှာပေါ့။”
ဘယ်တော့လောက် ထုတ်ပြန်ကြေညာမယ်လို့ ခန့်မှန်းထားပါသလဲ။
“ကျနော့်အထင်တော့ ဒီအပတ်ထဲမှာတောင် ဖြစ်ကောင်း ဖြစ်နိုင်ပါတယ်။”
ဒေါ်အောင်ဆန်းစုကြည် နေအိမ်အကျယ်ချုပ် လျှောက်လဲချက် ပယ်ချခံရ

26 February 2010
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် အပေါ် နေအိမ်အကျယ်ချုပ် ချမှတ်ထားတဲ့အမှုနဲ့ ပတ်သက်ပြီးတော့ အကျိုးဆောင် ရှေ့နေတွေဘက်က တင်သွင်းခဲ့တဲ့ ပြစ်မှုဆိုင်ရာ ပြင်ဆင်မှု လျှောက်ထားချက်ကို ဒီကနေ့မှာ ဗဟိုတရားရုံးက ပယ်ချလိုက်ပါတယ်။ ဘာကြောင့် အခုလို ပယ်ချခဲ့တာလဲဆိုတာကို ဗဟိုတရားရုံးက ပြောဆိုခြင်း မရှိခဲ့ပါဘူး။ ဒါကြောင့် ဒေါ်အောင်ဆန်းစုကြည်ဘက်က ပြစ်မှုတစုံတရာ ကျူးလွန်မှုမရှိကြောင်းနဲ့ ဒီအမှုအတွက် အထူး အယူခံတင်သွင်းဖို့ ရှိတယ်လို့ ဒေါ်အောင်ဆန်းစုကြည်ရဲ့ အကျိုးဆောင် ရှေ့နေကြီး ဦးဉာဏ်ဝင်းက ပြောပြပါတယ်။ အကြောင်းစုံကို ဒေါ်ခင်မျိုးသက်က တင်ပြထားပါတယ်။
ရန်ကုန်တိုင်း တရားရုံးချုပ်က ပယ်ချခဲ့တဲ့ ဒေါ်အောင်ဆန်းစုကြည် နေအိမ်အကျယ်ချုပ်ချထားမှု အယူခံအတွက် ဒီဇင်ဘာလထဲမှာ တင်သွင်းခဲ့တဲ့ ပြစ်မှုဆိုင်ရာ ပြင်ဆင်မှု တင်သွင်းချက်ကို ဒီကနေ့ ဗဟိုတရားရုံးချုပ်က အကြောင်းပြချက် တစုံတရာမပေးဘဲ ပယ်ချခဲ့တယ်လို့ ဒေါ်အောင်ဆန်းစုကြည်ရဲ့ ရှေ့နေကြီး ဦးဉာဏ်ဝင်းက ပြောပါတယ်။
"မနက်က ၁၀ နာရီကလေ ဒေါ်အောင်ဆန်းစုကြည်တင်တဲ့အမှု၊ ပြင်ဆင်မှုပေါ့၊ နောက်ပြီးတော့ ခင်ခင်ဝင်း တို့တင်တဲ့အမှု၊ နှစ်မှုစလုံးကို ပယ်လိုက်ပါတယ်။ ဆက်လက်ပြီးတော့ အထူး အယူခံတင်ဖို့ လုပ်ပါမယ်။"
အထူးအယူခံ တင်ရင်ရော ထူးခြားမှုရှိမယ်လို့ ထင်ပါသလား အဲန်ကယ်လ်၊ -
"ဟုတ်ကဲ့။ ဥပဒေလမ်းကြောင်းဆုံးအောင် ကျနော်တို့ လုပ်ပါမယ်။ ကိုယ်လုပ်ရမယ့် ၀တ္တရားက ဥပဒေလမ်းကြောင်း ဆုံးအောင် လုပ်ဖို့ပါ။"
ဒေါ်အောင်ဆန်းစုကြည်ရဲ့ အမှုကို ဒီလိုမျိုး ပယ်ချမယ်လို့ အဲန်ကယ်လ်တို့အနေနဲ့ မျှော်မှန်းထားပါသလားအဲန်ကယ်လ်၊ -
"ကျနော် မမျှော်မှန်းဘူး။ ဘာဖြစ်လို့လဲဆိုတော့ ဒေါ်စုက ဘာအပြစ်မှ မကျူးလွန်လို့ လွတ်မြောက်ရမယ်လို့ ကျနော် ဒီအတိုင်း ယုံကြည်တယ်။"
ဗိုလ်ချုပ်မှူးကြီး သန်းရွှေက ပြောထားတာရှိပါတယ်။ ဒေါ်အောင်ဆန်းစုကြည်က တကယ်လို့ နေအိမ်အကျယ်ချုပ်မှာ ကောင်းကောင်းမွန်မွန် နေထိုင်မယ်ဆိုရင် သူ ပြန်ပြီးတော့ လွှတ်ပေးမယ်လို့ ပြောထားတဲ့စကားရှိတော့လေ။ အဲန်ကယ်လ်တို့အနေနဲ့ သွားသွားပြီးတော့ တွေ့နေရတဲ့လူတွေအနေနဲ့ ဒေါ်အောင်ဆန်းစုကြည်ရဲ့ နေအိမ်အကျယ်ချုပ်နဲ့ ပတ်သက်ပြီးတော့…….
"ကျနော်တို့ကို သူက as a joke (ဟာသတခုအနေနဲ့) ပြောတယ်။ သူနေထိုင်တာ စည်းကမ်းနဲ့နေတာ၊ ဆိုတော့ ကျနော်ကလည်း ဟာ. နေတာပေါ့ စည်းကမ်းနဲ့နေတာ၊ စည်းကမ်းအပြင်ကို တခုမှမလုပ်ဘူးလို့ ဒါက ကျနော် ပြောခဲ့တာ။ ဒါ ဟာသတခုသဘောလည်း ပါပါတယ်။"
ဒေါ်အောင်ဆန်းစုကြည်ဟာ ၂၀၀၃ ခုနှစ် ဒီပဲယင်း အရေးအခင်းနောက်ပိုင်း နိုင်ငံတော် နှောက်ယှက်ဖျက်ဆီးသူများရန်က ကာကွယ်ရေး ဥပဒေနဲ့ နေအိမ်အကျယ်ချုပ် ကျခံနေရတာကနေ ပြီးခဲ့တဲ့နှစ် လွတ်ရက်စေ့ခါနီးမှာ နေအိမ်ဝန်းအတွင်း အမေရိကန်နိုင်ငံသား ဂျွန် ၀ီလီလျံယက်တော တိတ်တဆိတ်ခိုးဝင်မှုနဲ့ နေအိမ်အကျယ်ချုပ် ၁၈ လ ထပ်မံချထားတာကို ခံခဲ့ရတာပါ။
ဗိုလ်ချုပ်မှူးကြီးသန်းရွှေ လက်မှတ်ရေးထိုး အတည်ပြုလိုက်တဲ့ ၂၀၀၈ ခုနှစ် ဖွဲ့စည်းပုံ အခြေခံဥပဒေအရ ၁၉၇၄ ခုနှစ် အခြေခံဥပဒေ ရပ်ဆိုင်းသွားတာမို့ သုံးစွဲခွင့်မရှိတဲ့အပေါ်မှာ ဒေါ်အောင်ဆန်းစုကြည်ဘက်က ရှေ့နေတွေက လျှောက်လဲ ခဲ့ကြပါတယ်။ အစိုးရရှေ့နေတွေဘက်ကတော့ ၁၉၇၄ ခုနှစ် ဖွဲ့စည်းပုံ အခြေခံဥပဒေကို တရားဝင် ဖျက်သိမ်းကြောင်း မကြေညာသေးတဲ့အတွက် သုံးစွဲခွင့်ရှိတယ်လို့ လျှောက်လဲခဲ့ကြတာပါ။ ဒေါ်အောင်ဆန်းစုကြည် ကိုယ်တိုင် ကတော့ အယူခံအမှုတွေကို ကိုယ်တိုင် တက်ရောက်ခွင့်မရခဲ့ပါဘူး။
ဒေါ်အောင်ဆန်းစုကြည်နဲ့အတူ ဒေါ်ခင်ခင်ဝင်း နဲ့ မ၀င်းမမ တို့ရဲ့အမှုတွဲတွေကိုလည်း ရန်ကုန်တိုင်းတရားရုံးက ပယ်ချခဲ့ သလို ဒီကနေ့ ဗဟိုတရားရုံးကလည်း ပယ်ချခဲ့တာမို့ အကျိုးဆောင်ရှေ့နေကြီး လေးဦးဘက်က အထူး အယူခံ တင်သွင်းဖို့ အတွက် ဆက်လက်လုပ်ဆောင်မှာ ဖြစ်ပါတယ်။
NLD ဗဟိုဦးစီး အဖွဲ့ဝင် ၁၀၀ နဲ့ အရန် ၈ ဦးစာရင်း မကြာမီ ထုတ်ပြန်မည်

01 March 2010
အမျိုးသားဒီမိုကရေစီ အဖွဲ့ချုပ် (NLD) က ပြည်နယ်နဲ့တိုင်း အသီးသီးအတွက် တာဝန်ယူ ဆောင်ရွက်နိုင်မယ့် ဗဟိုဦးစီးအဖွဲ့ဝင် ၁၀၀ နဲ့ အရန် ၈ ဦးရဲ့ အမည်စာရင်းကို ဒီရက်ပိုင်းအတွင်းမှာပဲ ထုတ်ပြန် ကြေညာတော့မယ်လို့ NLD ဗဟိုအလုပ်အမှုဆောင် အဖွဲ့က ပြောပါတယ်။ ဒီအကြောင်းနဲ့ ပတ်သက်ပြီး NLD ပြောခွင့်ရ CEC အဖွဲ့က ဦးခင်မောင်ဆွေကို ဒေါ်ခင်မျိုးသက်က ဆက်သွယ်မေးမြန်းတဲ့အခါ ဦးခင်မောင်ဆွေက အခုလို စပြောပြပါတယ်။
“တနင်္လာနေ့ အစည်းအဝေးမှာ CEC တွေက နောက်ဆုံး CC တွေရဲ့ ရွေးချယ်မှု အဆုံးသတ် Finalize လုပ်ပြီး အတည်ပြုလိုက်ပါပြီ။ CC ဦးရေ ၁၀၀ ရှိပါတယ်။ အရန်အဖြစ်နဲ့ ၈ ဦးကို ထပ်ပြီး အတည်ပြုပါတယ်။ အရန်တွေကလည်း Candidate CC ပေါ့။ နောင်အခါမှာ သူတို့ဟာ CC တွေဖြစ်ဖို့ တရားဝင် ဖြစ်သွားပါပြီ။
“CC ဖွဲ့တဲ့အခါမှာ အခက်အခဲ မရှိပါဘူး။ ၉၀% လောက်ကတော့ အဆင်ပြေပြေနဲ့ ဖြစ်သွားတယ်။ ကျန်တဲ့ ၁၀% လောက်ကတော့ အချို့ကိစ္စလေးတွေမှာ၊ သိကြတဲ့အတိုင်း ပဲခူးတိုင်းတို့၊ မကွေးတိုင်းတို့တွေမှာ တော်တော်လေး ညှိရတဲ့အပိုင်းရှိတော့ ၁၀% လောက်ကတော့ ညှိနှိုင်းတဲ့ ခွင်ထဲမှာပဲရှိပြီးတော့ လုပ်ခဲ့ရတယ် ဆိုတဲ့အကြောင်းကို သေသေချာချာ သိအောင်လို့ ပြောပြတာပါ။
“အခုအခါ ၁၀၀ ပဲ ရွေးရမယ်ဆိုတဲ့ ဖွဲ့စည်းပုံပါ စည်းကမ်းအရ ၁၀၀ ပဲရွေးပြီး နိုင်ငံရေးအရ တာဝန်ပေးအပ်ဖို့ ပုဂ္ဂိုလ် ၈ ဦးကိုလည်း စာရင်းတို့ပြီး အရန် CC တွေ အနေနဲ့ မှတ်တမ်းတင်ပြီး အတည်ပြုလိုက်ပါပြီ။ ထုတ်ပြန်တာကတော့ ဒီနေ့ အချိန်လည်း မရှိတော့ဘူး။ မနက်ဖြန်လည်း ရုံးပိတ်ရက်ဆိုတော့ ၃ ရက်နေ့၊ သို့မဟုတ် ၄ ရက်နေ့မှ ထုတ်ပြန်နိုင်လိမ့်မယ်လို့ ယူဆပါတယ်။”
CEC အဖွဲ့နဲ့ CC အဖွဲ့နဲ့ ဘယ်တော့တွေ့ဆုံဖို့ ရှိပါလဲ။
“CC တွေကို ထုတ်ပြန်ပြီးတဲ့အခါ တိုင်းနဲ့ပြည်နယ်တွေကို အကြောင်းကြားမှာပါ။ ဒီလထဲမှာတော့ မဖြစ်နိုင်တော့ပါဘူး။ နောင် အဆင်ပြေတဲ့အချိန် သင်္ကြန်မတိုင်ခင်လောက်ပဲ ဖြစ်မလား၊ သင်္ကြန်ပြီးမှပဲ ဖြစ်မလားတော့ မသိဘူး။ ဘာဖြစ်လို့လဲဆိုတော့ ဒီမှာလည်း ဆက်သွယ်ရေး အခက်အခဲတွေ၊ သွားရေးလာရေး အခက်အခဲတွေ ရှိတော့၊ သင်္ကြန်ကာလလည်း ပိတ်ဦးမယ်ဆိုတော့ ခန့်မှန်းလို့တော့ မရသေးဘူး။ ၂ လအတွင်းမှာတော့ ခေါ်ဖို့အကြောင်း ရှိပါလိမ့်မယ်။”
CEC အဖွဲ့အနေနဲ့ ဗဟိုဦးစီး အဖွဲ့ဝင်တွေ CC တွေကို အထူးတလည် တာဝန်သတ်မှန်ပြီး ပေးထားတာ ရှိပါပြီလား။
“မရှိပါဘူး။ ဖွဲ့စည်းရေး လမ်းညွှန်မှာလည်း CC တွေ ဘယ်လိုတာဝန်ထမ်းရမယ် ဆိုတာကို အတိအကျ သတ်မှတ်ထားတာ မရှိပါဘူး။ ရွေးပြီးတော့ CC အစည်းအဝေး ခေါ်ပြီးတဲ့အခါမှာ တိုင်းနဲ့ပြည်နယ်အလိုက် တင်ပြလာတဲ့ လိုအပ်ချက်တွေကို ကြည့်ပြီးတော့ နိုင်ငံရေး၊ စီးပွားရေး၊ လူမှုရေး ကိစ္စတွေကို ခွဲဝေ တာဝန်ပေးဖို့ ဖြစ်လာမှာပါ။ အဲဒီအခါမှာ ညှိနှိုင်းပြီးတော့မှ ဘယ်လိုပုံသဏ္ဌာန်နဲ့ သွားမယ်ဆိုတာကို မူတခုချပြီးတော့ ပေးသွားဖို့အကြောင်း ရှိလာပါလိမ့်မယ်။ အဲဒါကလည်း CC တွေနဲ့ တွေ့ဆုံပြီးတဲ့အခါမှာ ညှိနှိုင်းဆွေးနွေးပြီးမှ ဆုံးဖြတ်ချက်အရ တာဝန်ပေးအပ်ရမှာ ဖြစ်ပါတယ်။”
ဗဟိုဦးစီးအဖွဲ့ဝင် ၁၀၀ ကျော် အခု ရွေးချယ်ပြီးပြီဆိုတော့ ရှေ့ဆက်ပြီး NLD ရဲ့ လုပ်ကိုင်ဆောင်ရွက်နိုင်တဲ့ အလားအလာကို နည်းနည်း ပြောပြပေးပါ။
“ရွေးတာကတော့ ၁၀၀ ရွေးလိုက်တာပါပဲ၊ ဒါပေမဲ့ အရန်က ၈ ဦး ပါပါသေးတယ်။ ၈ ဦးကလည်း စာရင်းဝင်ပါပဲ။ သူတို့ဟာ နောင်အခါမှာ CC ထဲကို ထည့်ဖို့အတွက် လျာထားပြီး ကြိုပြီးရွေးထားတဲ့ Waiting List ပေါ့လေ။ ဒါပေမဲ့ သူတို့က အစည်းအဝေးတွေမှာ မဲပေးနိုင်ခွင့်သာ မရှိတာ၊ အဆိုပြုခြင်း၊ ဆုံးဖြတ်ခြင်းတွေထိတော့ ဆောင်ရွက်နိုင်တဲ့ ပုဂ္ဂိုလ်တွေပါ။ ဒီဟာကို ရှေ့လျှောက်ပြီး အခြေခံ မြို့နယ်၊ တိုင်းတွေ၊ ပြည်နယ်တွေမှာရှိတဲ့ နိုင်ငံရေးနဲ့ ပတ်သက်တဲ့ ကိစ္စတွေ၊ စီးပွားရေးနဲ့ ပတ်သက်တဲ့ ကိစ္စတွေကို အဖွဲ့ဝင်တွေ အတွက်ရော ပြည်သူတွေအထိပါ နိုင်ငံရေး သက်ရောက်မှုတွေကို ဆောင်ရွက်ပေးမှာပါ၊ CC တွေက တဆင့်ပေါ့လေ။
“CC ဆိုတာက ဗဟိုနဲ့ အခြေခံ အဖွဲ့တွေနဲ့ တိုက်ရိုက်ဆက်သွယ်နိုင်မယ့် အခွင့်အရေး ရနိုင်တဲ့ ပုဂ္ဂိုလ်တွေ ဖြစ်တာမို့ တိုင်းနဲ့ပြည်နယ် အဖွဲ့အစည်းတွေရဲ့ တင်ပြချက်တွေ စောင့်စရာ မလိုပါဘူး။ ချက်ချင်းလက်ငင်း အကျိုးသက်ရောက်မှု ရှိမှာမို့ CC တွေ အသစ်ဖွဲ့စည်းလိုက်တဲ့ဟာက အမျိုးသားဒီမိုကရေစီ အဖွဲ့ချုပ်အတွက် အင်မတန်မှ အင်အားတရပ် ဖြစ်လိမ့်မယ်လို့ ကျနော် ယုံကြည်ပါတယ်။”
တောင်သူလယ်သမား ကိုယ်စားပြု အဖွဲ့အစည်းတွေ လိုအပ် - NLD ဒု-ဥက္ကဋ္ဌ ဦးတင်ဦး

02 March 2010
ဒီနေ့ကျရောက်တဲ့ တောင်သူလယ်သမားနေ့ အတွက် နိုင်ငံတော် စစ်ခေါင်းဆောင် ဗိုလ်ချုပ်မှူးကြီးသန်းရွှေက တောင်သူလယ်သမားတွေကို သ၀ဏ်လွှာ ပေးပို့ပြီး စစ်အစိုးရရဲ့ အင်တိုက်အားတိုက် ဆောင်ရွက်မှုတွေကြောင့် လယ်ယာစိုက်ပျိုးရေးကဏ္ဍ တိုးတက်မှုတွေ ရှိနေတယ်လို့ တင်ပြခဲ့ပါတယ်။ အမျိုးသားဒီမိုကရေစီ အဖွဲ့ချုပ်ကတော့ တောင်သူလယ်သမားတွေ အနေနဲ့ အခုအခါမှာ သူတို့ဘက်က ရပ်တည်ပေးနိုင်မယ့် အဖွဲ့အစည်းမျိုး မရှိတဲ့အတွက် နစ်နာမှုတွေ ရှိနေတယ်လို့ ဆိုပါတယ်။ အပြည့်အစုံကို ဒေါ်ခင်မျိုးသက်က တင်ပြပေးထားပါတယ်။
ဗိုလ်ချုပ်မှူးကြီးသန်းရွှေက တောင်သူလယ်သမားတွေဟာ မြန်မာနိုင်ငံအတွက် အဓိကကဏ္ဍကနေ ပါဝင်လှုပ်ရှားနေတာမို့ လယ်ယာကဏ္ဍ တိုးတက်ဖွံ့ဖြိုးရေးအတွက် အင်တိုက်အားတိုက် ဆောင်ရွက်နေတယ်လို့ ပြောကြားခဲ့ပေမဲ့ လက်တွေ့မှာတော့ တကယ်ထိရောက်တဲ့ တိုးတက်မှုတွေ ရှိတာကို မတွေ့ရဘူးလို့ အမျိုးသားဒီမိုကရေစီ အဖွဲ့ချုပ်က မြင်ပါတယ်။ ဒါ့အပြင် ဒီကနေ့ ကျင်းပနေတဲ့ တောင်သူလယ်သမားနေ့ဟာ ဦးနေ၀င်း လက်ထက်ကမှ စတင်ခဲ့တဲ့ နေ့တနေ့ဖြစ်ပြီး အဲဒီအချိန်ကတည်းက အခုအချိန်ထိ တောင်သူလယ်သမားတွေနဲ့ ပတ်သက်ပြီး ထိရောက်တဲ့ ရေရှည်အကျိုးစီးပွားကို ချမှတ်နိုင်ခဲ့တာမျိုး မရှိဘူးလို့ အမျိုးသားဒီမိုကရေစီ အဖွဲ့ချုပ် ဒု-ဥက္ကဋ္ဌ ဦးတင်ဦးက ပြောပါတယ်။


NLD ဒု-ဥက္ကဋ္ဌ ဦးတင်ဦး။
ဖေဖော်ဝါရီ ၁၈၊ ၂၀၁၀။
“ဒီတောင်သူလယ်သမားနေ့ ဖြစ်လာတာကလည်းပဲ ၁၉၆၂ ခုနှစ်တုန်းက ဦးနေ၀င်းက စစ်တပ်နဲ့ အာဏာသိမ်းပြီးတဲ့နေ့ကို သတ်မှတ်ပြီးတော့ ဒါကို တောင်သူလယ်သမားနေ့လို့ ပြုလိုက်တာပါ။ ဟိုးအရင် ပါလီမန် ဒီမိုကရေစီ ခေတ်တုန်းကတော့ တောင်သူလယ်သမားနေ့က နှစ်ဆန်း ၁ ရက်နေ့၊ ဇန်န၀ါရီလဆန်း ၁ ရက်နေ့ပေါ့။ အဲဒါကို ပြောင်းပြီးတော့ မတ်လ ၂ ရက်နေ့ လုပ်တာပါ။
“တကယ်တမ်း ပြောရရင်တော့ ပြောကြတာ၊ ဆိုကြတာ၊ လုပ်ကြတာ၊ ကိုင်ကြတာတွေသာ ဖြစ်ခဲ့တာ၊ တောင်သူလယ်သမားနဲ့ ပတ်သက်လို့ ထိထိရောက်ရောက် မဖြစ်ခဲ့ကြပါဘူး။ အခုလည်းပဲ တောင်သူလယ်သမားနေ့သာ ဆိုတယ်၊ တောင်သူလယ်သမားနဲ့ ပတ်သက်လို့ ရှိနေတဲ့ လက်ရှိအစိုးရ အနေနဲ့တော့ ဘာမှ ထူးထူးခြားခြားလုပ်တာ မရှိပါဘူး။”
တောင်သူလယ်သမားတွေ အနေနဲ့ အခုအခါမှာ သူတို့ဘက်က ရပ်တည်ပေးနိုင်မယ့် အဖွဲ့အစည်းမျိုး မရှိတဲ့အတွက် လယ်မြေ အသိမ်းခံရမှုတွေလို နစ်နာမှုတွေနဲ့ ကြုံတွေ့နေရတယ်လို့လည်း ပြောပါတယ်။ NLD အဖွဲ့ အနေနဲ့ တောင်သူလယ်သမားတွေရဲ့ အရေးကိစ္စနဲ့ ပတ်သက်ပြီး အဖွဲ့အစည်းငယ်တွေ ဖွဲ့ပြီး ဆောင်ရွက်ပေးနေတာမျိုး ရှိတယ်လို့လည်း ပြောပါတယ်။
“အဖွဲ့ချုပ်အနေနဲ့ကတော့ CRPP ပေါ့ဗျာ၊ ပြည်သူ့လွှတ်တော် ကိုယ်စားပြုအဖွဲ့ပေါ့၊ တောင်သူလယ်သမားတွေနဲ့ ပတ်သက်ပြီးတော့ ကျနော်တို့ ဘယ်လိုသဘောထားရှိမယ် ဆိုတာကို ဟိုတုန်းက ထုတ်ပြန်ခဲ့တာတွေ ရှိပါတယ်။ ကျနော်တို့ ဟိုတုန်းက လုပ်ကိုင်သလို အခုလည်းပဲ အဖွဲ့အစည်းတွေ ပြန်ပြီး ဖွဲ့ထားတဲ့အတိုင်း လယ်သမားတွေနဲ့ ပတ်သက်တဲ့ ကိစ္စအ၀၀ကို ပြန်လည်ပြီး လုပ်ကိုင်ပေးမယ်ဆိုတဲ့ သဘောထားတော့ ရှိပါတယ်။
“အခုအခါမှာတော့ တောင်သူလယ်သမားဘက်က ရပ်တည်ပေးနိုင်တဲ့ အဖွဲ့အစည်းတွေ မရှိတဲ့အတွက်ကြောင့် တောင်သူလယ်သမားတွေဟာ တော်တော်လေး နစ်နာနေတဲ့၊ ခံစားနေရတဲ့ သဘောတော့ ရှိတာပေါ့ဗျာ။ တောင်သူလယ်သမားတွေက သူတို့ရဲ့ လယ်မြေကို ကိုယ်ပိုင် အာမခံပေးပြီး ပိုင်ပိုင်နိုင်နိုင် လုပ်နိုင်တဲ့ စနစ်မျိုး၊ ထိရောက်အောင် လုပ်ပေးနိုင်တဲ့ အဖွဲ့အစည်းမျိုး၊ အစိုးရမျိုး ဖြစ်လာရင်တော့ တောင်သူလယ်သမားတွေနဲ့ ပတ်သက်လို့ အကာအကွယ်၊ အစောင့်အရှောက် ရကြမှာပေါ့ဗျာ။”
မြန်မာစစ်ခေါင်းဆောင် ဗိုလ်ချုပ်မှူးကြီးသန်းရွှေကတော့ ဒီနေ့ကျရောက်တဲ့ တောင်သူလယ်သမားနေ့အတွက် တောင်သူလယ်သမားတွေကို လွှတ်တော်ကိုယ်စားလှယ်တွေကို ရွေးချယ်ကြဖို့နဲ့ ပြည်ပ ကျောထောက်နောက်ခံနဲ့ နိုင်ငံတော် ဆူပူအောင် လုပ်မယ့်သူတွေကို ဖယ်ရှားဖို့အတွက် ပန်ကြားလိုက်ပါတယ်။ ဒါ့အပြင် စစ်အစိုးရဘက်က အင်တိုက်အားတိုက် ဆောင်ရွက်မှုတွေကြောင့် ဆည်မြောင်း တာတမံ၊ မြေအောက်ရေနဲ့ ရေလှောင်ကန်တွေ အမြောက်အမြား ပေါ်ထွက်လာပြီး စိုက်ပျိုးရေးကဏ္ဍ တိုးတက်လာတယ်လို့ တင်ပြထားပါတယ်။
အမျိုးသားဒီမိုကရေစီ အဖွဲ့ချုပ် အနေနဲ့တော့ လက်တွေ့မှာ တောင်သူလယ်သမားတွေအတွက် လွတ်လွတ်လပ်လပ် လုပ်ပိုင်ခွင့် ရဖို့က အဓိက အရေးကြီးတယ်လို့ မြင်ပါတယ်။
“လယ်ယာကိုင်းကျွန်း ချောင်းမြောင်း ဒါတွေလုပ်တာတွေကတော့ တိုင်းပြည်အတွက် အကျိုးပြုလုပ်ငန်းတွေ ဖြစ်တာပေါ့၊ ကျနော်တော့ အငြင်းမပွားပါဘူး။ သို့သော်လည်း လယ်သမားတွေနဲ့ ပတ်သက်လို့ သူတို့ လွတ်လွတ်လပ်လပ် လုပ်နိုင်ခွင့် ရနိုင်ဖို့က အရေးကြီးတယ်။ ကျနော်တို့ တပ်မှူးငယ် ဘ၀တုန်းက မြန်မာနိုင်ငံတော်ကို ဘယ်လို ထူထောင်မလဲလို့ စဉ်းစားတဲ့အခါမှာ နိုင်ငံတချို့က လွတ်လပ်တာနဲ့ ပတ်သက်ပြီးတော့ အဓိက သိပ်ပြောပြီးတော့ ပြောတာလွတ်လပ်၊ နေတာလွတ်လပ်၊ စားတာလွတ်လပ်၊ သေတာလည်း လွတ်လပ်၊ ငတ်တာလည်း လွတ်လပ်၊ ဖြစ်ချင်သလိုဖြစ်ပြီး လွတ်လွတ်လပ်လပ်နေ ဆိုတဲ့သဘောမျိုးရှိတဲ့ နိုင်ငံမျိုးတွေလည်း ရှိတယ်တဲ့။
“နောက်နိုင်ငံတမျိုးကတော့ တိုင်းပြည်နဲ့ ပတ်သက်လို့ ဟိုဟာတွေ လုပ်ကိုင်ပေးတယ်၊ ဒီဟာတွေ လုပ်ကိုင်ပေးတယ်၊ ဟိုဟာ တည်ဆောက်ပေးတယ်၊ ဒီဟာ တည်ဆောက်ပေးတယ်၊ ပြောပါတယ်တဲ့။ ဒါပေမဲ့ အဲဒီထဲမှာရှိတဲ့ ပြည်သူလူထုတွေ အနေနဲ့တော့ တို့ကျွေးတာပဲ စားကြ၊ တို့ပေးတာပဲ ယူ၊ မင်းတို့ နေတာ အားလုံးတော့ အကာအရံထဲမှာ၊ အနှောင်အဖွဲ့ထဲမှာ ဟောဒီလိုနေကြ ဆိုတဲ့ နိုင်ငံတွေလည်း ရှိတယ်တဲ့။
“အဲဒီလိုရှိတဲ့ ကြားထဲမှာ ဘယ်လိုနိုင်ငံမျိုးကို တည်ထောင်မလဲဆိုတာ မြန်မာနိုင်ငံသူ၊ နိုင်ငံသား အားလုံးကတော့ အများစု စိတ်ချမ်းသာနိုင်မယ့် နိုင်ငံတခု ထူထောင်နိုင်ဖို့အတွက် လုံးပန်းကြပါစို့ ဆိုတာကိုတော့ ဒီလိုပဲ သြ၀ါဒ ရဖူးတယ်။ အခုအနေအထား အတိုင်းမှာတော့ ဘယ်လိုပုံစံနဲ့ ဆိုတာတော့လည်း နည်းနည်း ဆင်ခြင်သုံးသပ်ကြည့်ဖို့ လိုပါတယ်ဗျာ။
“ဘယ်သူကမှ ဒီနေ့ ရှေ့ဆက်ပြီး နိုင်ငံတော် ပူချင်အောင်၊ ဆူချင်အောင် မလုပ်ချင်ကြပါဘူး။ မလုပ်လည်း မလုပ်ပါဘူး။ ကျနော်တို့ရဲ့ အမျိုးသားဒီမိုကရေစီ အဖွဲ့ချုပ်ကိုက ဒီလို ဆူတာ၊ ပူတာ၊ လှုံ့ဆော်တာတွေနဲ့ ပတ်သက်လို့ မူဝါဒ သဘောထားကို တည်ထောင်စဉ် ကာလကတည်းက မရှိပါဘူး။
“အခုကြည့်ပါ၊ ခင်ဗျားတို့ မြင်တဲ့အတိုင်းပဲ၊ ကျနော်တို့ လမ်းမှာ အေးချမ်းသာယာစွာနဲ့ သွားရောက်ပြီးတော့ ပြည်သူလူထုကို စည်းရုံး လှုပ်ရှားနေတာကိုပင်လျှင် ကျနော်တို့ ခံရစေဦးတော့၊ ကျနော်တို့ရဲ့ ခေါင်းဆောင် ဒေါ်အောင်ဆန်းစုကြည် အနေနဲ့ ဒီအပေါ်မှာ ပြေလည်ရာ ပြေလည်ကြောင်း၊ သဟဇာတ ဖြစ်ရာဖြစ်ကြောင်း အများကြီး မူထားပြီးတော့ ပြောနေတာ ရှိပါတယ်။ ဒီလိုဟာမျိုး မရှိပါဘူးဆိုတဲ့ သဘောပဲ ကျနော်တို့က ရပ်တည်နေတာပါ။”
အမျိုးသားဒီမိုကရေစီ အဖွဲ့ချုပ် ဒု-ဥက္ကဋ္ဌ ဦးတင်ဦး ပြောသွားတာ ဖြစ်ပါတယ်။
NLD ဗဟိုဥပဒေပြု အထောက်အကူပြု အဖွဲ့ နှစ်ပတ်လည် အစီရင်ခံစာ ထုတ်ပြန်ရေး ဆွေးနွေး

03 March 2010
မြန်မာနိုင်ငံက အဓိက အတိုက်အခံ နိုင်ငံရေးပါတီကြီး တခုဖြစ်တဲ့ အမျိုးသားဒီမိုကရေစီ အဖွဲ့ချုပ် (NLD) ပါတီက ဒီနေ့ ဗဟိုဥပဒေပြု အထောက်အကူပြု အဖွဲ့ အစည်းအဝေး ကျင်းပတဲ့နေရာမှာ မကြာသေးခင်ကမှ အကျဉ်းကျခံနေရာက ပြန်လည် လွတ်မြောက်လာခဲ့တဲ့ ပါတီ ဒု-ဥက္ကဋ္ဌလည်းဖြစ်၊ ဗဟိုဥပဒေပြု အထောက်အကူပြု အဖွဲ့ရဲ့ ဥက္ကဋ္ဌလည်းဖြစ်တဲ့ ဦးတင်ဦး ပထမဆုံးအကြိမ် ပါဝင် တက်ရောက်လာပါတယ်။ လွတ်မြောက်လာတဲ့ ပါတီ ထိပ်တန်း ခေါင်းဆောင်တဦးပါ ပါဝင်ပြီး ဆွေးနွေးမှုတွေ လုပ်ခဲ့တာနဲ့ ပတ်သက်လို့ ဗဟို ဥပဒေပြု အထောက်အကူပြု အဖွဲ့ရဲ့ ဒု-ဥက္ကဋ္ဌ တဦးဖြစ်တဲ့ ရှေ့နေ ဦးဉာဏ်ဝင်းကို ဒေါ်ခင်မျိုးသက်က ဆက်သွယ်မေးမြန်းတော့ သူက အခုလို စပြီး ပြောပြပါတယ်။
“ဗဟို ဥပဒေပြု အထောက်အကူပြု အဖွဲ့ရဲ့ ပုံမှန် အစည်းအဝေးပါ။ အန်ကယ် ဦးတင်ဦးကတော့ နေအိမ်အကျယ်ချုပ်က လွတ်မြောက်လာပြီးတော့ ဒါ ပထမဦးဆုံး ကိုယ်တိုင် တက်ရောက်တဲ့ အစည်းအဝေးပါ။ အန်ကယ် ဦးတင်ဦးက နဂိုကတည်းက ဗဟို ဥပဒေပြု အထောက်အကူပြု အဖွဲ့ရဲ့ ဥက္ကဋ္ဌ ဖြစ်ပါတယ်။
“ကျနော်တို့ အဓိကကတော့ အစီရင်ခံစာ တင်ဖို့ပေါ့။ ၂၀၀၉ ခုနှစ်အတွက် နှစ်ချုပ်အစီရင်ခံစာကို ဒီနေ့ အတည်ပြုကြတယ်။ ပြီးတော့ လက်ရှိအားဖြင့် နိုင်ငံရေးနဲ့ ဆက်နွယ်တဲ့ အမှုတွေဟာ ပိုပြီးတော့ များနေတယ်။ ရှေ့နေအင်အား အနေနဲ့လည်း မလုံမလောက် ဖြစ်နေတယ်။ အဲဒါကြောင့် ဒါတွေကို လိုက်ပါ ဆောင်ရွက်လိုတဲ့ ရှေ့နေများကို စည်းရုံးဖို့၊ ရှာဖွေဖို့၊ အဲဒါတွေကို ဆွေးနွေးကြတာပါ။”
NLD က လိုက်ပါဆောင်ရွက်တဲ့ အမှုတွေနဲ့ ပတ်သက်ပြီး ရှေ့နေတွေလည်း ဖိအားပေးမှု အမျိုးမျိုး ခံရတယ်လို့ သိရပါတယ်။ အဲဒီတော့ အန်ကယ်တို့အဖွဲ့ထဲကို ၀င်ပြီး လိုက်ပါဆောင်ရွက်ချင်တဲ့ ရှေ့နေတွေရော ရှာလို့ ရနိုင်ပါ့မလား။
“ရပါတယ်။ အခုကိုပဲ NLD အဖွဲ့ဝင် မဟုတ်သော ရှေ့နေ တော်တော်များပါတယ်၊ ကျနော်တို့ ဒီအမှုတွေကို လိုက်ပါပေးနေတာ။ အဲတော့ ခုနပြောသလို ဖိအားပေးမှုကို စိုးရွံ့တဲ့လူလည်း ရှိပါတယ်။ မှန်တာကို လုပ်မယ်၊ ကိုယ့်အလုပ်က စေတနာနဲ့ အလုပ်ဆိုပြီး ဒီလို ရဲရဲတင်းတင်းလုပ်တဲ့ ရှေ့နေတွေလည်း ရှိပါတယ်။ ကျနော်တို့ကတော့ ရှေ့နေလောကထဲ ထပ်ပြီး ထိတွေ့ပြီးတော့ အင်အားတွေရှိအောင် ကြိုးစားကြဖို့ ဆွေးနွေးကြတာပါ။”
အခု နှစ်ချုပ်အစီရင်ခံစာဆိုတော့ ထူးထူးခြားခြား ဘာများရှိပါလဲ။
“နှစ်ချုပ်အစီရင်ခံစာမှာ လက်ရှိ တရားစီရင်ရေး စနစ်အောက်မှာ ဥပဒေနဲ့ မညီတဲ့၊ စွပ်စွဲခံရသူတွေအတွက် နစ်နာနေတဲ့ လုပ်ထုံးလုပ်နည်းတွေကို ကျနော်တို့ သုံးသပ်ချက်နဲ့တကွ တင်ပြဖို့ စီစဉ်ထားပါတယ်။”
ဗဟို ဥပဒေပြု အထောက်အကူပြု အဖွဲ့ထဲမှာ အဖွဲ့ဝင် ဘယ်နှစ်ဦး ရှိပါသလဲ။
“၁၀ ဦးပါ။ ဒုတိယ ဥက္ကဋ္ဌက ဦးကြည်ဝင်းနဲ့ ကျနော်ပါ။ နောက် အဖွဲ့ဝင်တွေက ဦးဝင်းမြင့်၊ ဦးထွန်းထွန်းဟိန်၊ ဦးအောင်သိန်း၊ ဒေါ်ခင်ဌေးကြွယ်၊ ဦးသိန်းညွန့်၊ ၁၀ ဦးပါ။”
အန်တီစု အမှုနဲ့ ပတ်သက်ပြီးတော့ရော ထူးထူးခြားခြား ဘာများ သိရပါသေးလဲ။
“အန်တီစု အမှုနဲ့ ပတ်သက်ရင်တော့ ကျနော်တို့က တရားရုံးစီရင်ချက် မိတ္တူ စောင့်နေပါတယ်။ ကျနော်တို့ အဲဒီမိတ္တူရမှ ပယ်လိုက်တာက ဘာ Reason လဲ၊ အဲဒီ Reason က ဥပဒေအရရော၊ တရားမျှတမှု အရရော ဘယ်လောက်ရှိသလဲ၊ ကျနော်တို့ အဲဒီတော့မှ သုံးသပ်လို့ရမှာပါ။ အဲဒီမိတ္တူတွေ ကူးတာကို ကျနော်တို့ တင်ထားပြီးပါပြီ။ လာမယ့် ၁၂ ရက်နေ့မှ ရပါမယ်။”
၂၀၁၀ ရွေးကောက်ပွဲ စစ်တပ်က ဒိုင်လူကြီး မဖြစ်နိုင်

09 March 2010
မြန်မာစစ်အစိုးရက ၂၀၁၀ ခုနှစ် ရွေးကောက်ပွဲ ဥပဒေကို ပြဋ္ဌာန်းလိုက်ပြီ ဖြစ်ပါတယ်။ ဒါပေမဲ့ အခုတခါ ကျင်းပမယ့် ၂၀၁၀ ရွေးကောက်ပွဲဟာ လက်ရှိ စစ်အစိုးရအတွင်း ပါဝင်နေတဲ့ တာဝန်ရှိသူတွေလည်း ရွေးကောက်ပွဲဝင်မယ်လို့ သတင်းတွေ ထွက်ပေါ်နေတာကြောင့် ၁၉၉၀ ရွေးကောက်ပွဲနဲ့ မတူကွဲပြားတာတွေ ရှိနေတယ်လို့ အမျိုးသားဒီမိုကရေစီ အဖွဲ့ချုပ် ထိပ်တန်းခေါင်းဆောင် တဦးက သုံးသပ်ပါတယ်။ ဒီအကြောင်းနဲ့ ပတ်သက်ပြီး အပြည့်အစုံကို ကိုရန်နိုင်က တင်ပြပေးထားပါတယ်။
ကုလသမဂ္ဂ အပါအ၀င် နိုင်ငံတကာ အသိုင်းအ၀န်းက ၂၀၁၀ ရွေးကောက်ပွဲကို ဒေါ်အောင်ဆန်းစုကြည် အပါအ၀င် အားလုံး ပါဝင်နိုင်ရေးအတွက် တောင်းဆိုနေတဲ့ တချိန်တည်းမှာပဲ မြန်မာစစ်အစိုးရက ၂၀၁၀ ရွေးကောက်ပွဲဆိုင်ရာ ဥပဒေတွေကို ထုတ်ပြန်လိုက်ပြီ ဖြစ်ပါတယ်။ ဒါပေမဲ့ ရွေးကောက်ပွဲကို ဘယ်နေ့ ဘယ်ရက်မှာ ကျင်းပမယ်ဆိုတာကို ထုတ်ပြန်ပြောဆို မသွားခဲ့ပါဘူး။ အခု ကျင်းပမယ်ဆိုတဲ့ ၂၀၁၀ ရွေးကောက်ပွဲဟာ ၁၉၉၀ ခုနှစ် ရွေးကောက်ပွဲ ပြီးကတည်းက နှစ်ပေါင်း ၂၀ အတွင်း ပထမဆုံးအကြိမ် ကျင်းပတဲ့ ရွေးကောက်ပွဲ ဖြစ်ပါတယ်။
အခုတကြိမ် ကျင်းပမယ့် ရွေးကောက်ပွဲနဲ့ ၁၉၉၀ ခုနှစ် ရွေးကောက်ပွဲ ကွခြားချက်နဲ့ ပတ်သက်ပြီးတော့ အမျိုးသားဒီမိုကရေစီ အဖွဲ့ချုပ် ဗဟိုအလုပ်အမှုဆောင် အဖွဲ့ဝင် တဦးဖြစ်တဲ့ ဦးခင်မောင်ဆွေက အခုလို သုံးသပ်ပါတယ်။
“၉၀ ခုနှစ် ရွေးကောက်ပွဲတုန်းက တပ်မတော် အစိုးရကနေပြီးတော့ တရားမျှတ လွတ်လပ်အောင် ကျင်းပပေးမယ် ဆိုပြီးတော့ ကြေညာပြီးမှ လုပ်တာပါ။ အဲဒီ အချိန်အခါတုန်းက တပ်မတော်ဟာ သူတို့ ကြေညာထားတဲ့အတိုင်း ဒိုင်လူကြီးအဖြစ် ရပ်ပြီး ရွေးကောက်ပွဲတခုကို ကျင်းပပေးခဲ့တယ်။ ကျင်းပပေးခဲ့တဲ့ အတိုင်းလည်း တရားမျှတ လွတ်လပ်တဲ့ ရွေးကောက်ပွဲကြီးတခု ဖြစ်လာခဲ့တာ အားလုံးအသိပါပဲ။
“ဒါပေမဲ့ ၂၀၁၀ နဲ့ သွားနှိုင်းယှဉ်မယ် ဆိုရင်တော့ ၁၉၉၀ ခုနှစ် ရွေးကောက်ပွဲလောက်တော့ သိပ်မျှော်မှန်းချက် ထားလို့ရမယ် မဟုတ်ဘူးလို့ပဲ ပြောချင်ပါတယ်။ ဘာကြောင့်လဲဆိုတော့ အခုလက်ရှိ ၀န်ကြီးတွေက အရပ်ဝတ် လဲပြီးသော်လည်းကောင်း၊ လက်ရှိရာထူးနဲ့သော်လည်းကောင်း ရွေးကောက်ပွဲ ၀င်ပြိုင်မယ်ဆိုတဲ့ အသံတွေကလည်း တိုင်းသိပြည်သိ ကြားနေရတော့ တပ်မတော်ရဲ့ ပါနေတဲ့ အပိုင်းအစတွေဟာ ဒိုင်လူကြီး မဟုတ်တော့ဘဲ သူတို့ပါ ပါဝင် ရွေးကောက်မယ် ဆိုတော့ ဘက်လိုက်မှု ကင်းဖို့ဆိုတာ အင်မတန် အရေးကြီးပါတယ်။”
၂၀၁၀ ရွေးကောက်ပွဲ ကျင်းပဖို့ကို အတည်ပြုပေးခဲ့တဲ့ ၂၀၀၈ ခုနှစ် အခြေခံဥပဒေ ဆန္ဒခံယူပွဲကို နိုင်ငံတကာက စောင့်ကြည့်သူတွေကို ထားရှိဖို့အတွက် တောင်းဆိုခဲ့ပေမဲ့လည်း မြန်မာစစ်အစိုးရဘက်က ၀င်ခွင့်မပေးခဲ့ပါဘူး။ အခုတခါ ၂၀၁၀ ရွေးကောက်ပွဲကို နိုင်ငံတကာ အပါအ၀င် အများက လက်ခံပြီး လွတ်လပ်၊ တရားမျှတတဲ့ ရွေးကောက်ပွဲ ကျင်းပနိုင်ဖို့အတွက် ရွေးကောက်ပွဲ လေ့လာစောင့်ကြည့်တဲ့ သူတွေကို ခွင့်ပြုသင့်တယ်လို့ ဦးခင်မောင်ဆွေက ပြောပါတယ်။
“၂၀၁၀ ရွေးကောက်ပွဲ ကျင်းပတဲ့အခါမှာ နိုင်ငံတကာ မျက်နှာစာမှာ မြန်မာနိုင်ငံရဲ့ ဂုဏ်သိက္ခာရှိရှိနဲ့ ရွေးကောက်ပွဲ ကျင်းပတယ်ဆိုတဲ့ အဖြစ်ကို ရောက်အောင် မှန်ကန်တဲ့ ရွေးကောက်ပွဲ စနစ်တခုကို တကယ်ပဲ ကျင်းပတယ်ဆိုတာ နိုင်ငံတကာကို ပြဖို့နဲ့ ပြည်သူလူထုကြီးကိုလည်း လိမ်လည်လှည့်ဖျားခြင်း မရှိဘဲနဲ့ ကျင်းပနိုင်အောင် နိုင်ငံတကာ ကျွမ်းကျင်အဆင့် ရှိတဲ့ ရွေးကောက်ပွဲ စောင့်ကြပ် ကြည့်ရှုတဲ့ အဖွဲ့တွေကိုတော့ ၀င်ခွင့်ပေးဖို့ အင်မတန် လိုအပ်ပါတယ်။
“အဲဒီလို နိုင်ငံတကာက တောင်းဆိုထားတဲ့ စေတနာ့ဝန်ထမ်း အဖွဲ့တွေက လာပြီးတော့ စောင့်ကြပ် ကြည့်ရှုပေးမယ့်ဟာကိုမှ ငြင်းပယ်မယ် ဆိုရင်တော့ ရွေးကောက်ပွဲ တရားမျှတမှုကို အင်မတန်မှ သွားပြီးတော့ ထိခိုက်လိမ့်မယ်လို့ ကျနော်တို့ ယုံကြည်ပါတယ်။ ဒါကြောင့် ၂၀၁၀ ရွေးကောက်ပွဲကို တရားမျှတ လွတ်လပ်စေချင်တယ်ဆိုရင် နိုင်ငံတကာက စောင့်ကြပ် လေ့လာတဲ့ ပုဂ္ဂိုလ်တွေကို ၀င်ခွင့်ပေးဖို့ လိုအပ်တယ်လို့ ဒီနေရာမှာ ကျနော် ပြတ်ပြတ်သားသားပဲ ပြောချင်ပါတယ်။”
၁၉၉၀ ခုနှစ် ရွေးကောက်ပွဲတုန်းက NLD အမျိုးသားဒီမိုကရေစီ အဖွဲ့ချုပ်က အမတ်နေရာ ၈၀% ကျော်နဲ့ မဲအပြတ်အသတ် အနိုင်ရခဲ့ပြီးတော့ မြန်မာစစ်အစိုးရကလည်း ရွေးကောက်ပွဲဟာ လွတ်လပ်ပြီး တရားမျှတတဲ့ ရွေးကောက်ပွဲ ဖြစ်ကြောင်း၊ အနိုင်ရတဲ့ ပါတီကိုလည်း တိုင်းပြည်ရဲ့ အာဏာကို လွှဲပြောင်းပေးသွားမှာ ဖြစ်တယ်လို့ အဲဒီအချိန်တုန်းက မြန်မာစစ်အစိုးရရဲ့ အကြီးအကဲဖြစ်တဲ့ ဗိုလ်ချုပ်မှူးကြီး စောမောင်က ပြောကြားခဲ့ပါတယ်။
ဒါပေမဲ့ ပြည်သူလူထုရဲ့ တခဲနက် ထောက်ခံမှုနဲ့ ရွေးကောက်ပွဲမှာ မဲအပြတ်အသတ်နဲ့ အနိုင်ရရှိခဲ့တဲ့ အမျိုးသားဒီမိုကရေစီ အဖွဲ့ချုပ်ကို နိုင်ငံတော်အာဏာကို လွှဲပြောင်းပေးခဲ့ခြင်း မရှိခဲ့သလို မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် အပါအ၀င် အတိုက်အခံ နိုင်ငံရေး လှုပ်ရှားသူတွေကို မတရား ဖမ်းဆီး ဖိနှိပ်တာတွေကို လုပ်ခဲ့ပါတယ်။
အခုလို ရွေးကောက်ပွဲ ဥပဒေကို ထုတ်ပြန်လိုက်ပေမဲ့လည်း လက်ရှိ အတိုက်အခံတွေအပေါ် ဖမ်းဆီးဖိနှိပ်နေတဲ့ အခြေအနေတွေအရ လွတ်လပ်ပြီး တရားမျှတတဲ့ ရွေးကောက်ပွဲ ဖြစ်လာဖို့ အတွက်ကတော့ မေးခွန်းထုတ်စရာ ဖြစ်နေတုန်းပဲလို့ ဦးခင်မောင်ဆွေက အခုလို ပြောပါတယ်။
“ကျနော်တို့လို တရားဝင်ပါတီဟာ ရွေးကောက်ပွဲ မပြောနဲ့ စည်းရုံးရေးဆင်းဖို့တောင် အခက်အခဲ ရှိနေပြီးတော့ မြို့နယ်အဖွဲ့တွေ၊ တိုင်းအဖွဲ့တွေကို ဖွင့်ပေးဖို့ တောင်းဆိုတာလည်း ကြိမ်ဖန်များစွာ ရှိနေပြီ။ ဒါ့အပြင် ရန်ကုန်တိုင်းကို ဖွင့်ပေးဖို့ တောင်းဆိုတဲ့အခါ သက်ဆိုင်ရာ အာဏာပိုင်တွေက ခေါ်ယူတွေ့ဆုံပြီး ဖွင့်ပေးတော့မလိုအထိ ဖြစ်သွားပြီးမှ အခုထိ ဘာမှ အကြောင်းမကြားတာ ဖြစ်နေပါတယ်။
“သို့သော်လည်း နယ်တွေမှာ တရားဝင် ဖွဲ့ထားတဲ့ နိုင်ငံရေးပါတီတွေ ပါသလို တရားဝင် မဖွဲ့သေးတဲ့၊ ပါတီအဖြစ် မရောက်သေးတဲ့ နိုင်ငံရေးအုပ်စုတွေက ရွေးကောက်ပွဲအတွက် ဆိုပြီးတော့ နယ်လှည့် စည်းရုံးရေး ဆင်းနေတာတွေကို ကြားသိနေရပါတယ်။ ဒါတွေဟာ Free and Fair Election ကို ဖြစ်မယ်ဆိုရင် လွတ်လပ် တရားမျှတတဲ့ ရွေးကောက်ပွဲရဲ့ တရားမျှတမှုကို မတိုင်ခင်ကတည်းက ထိခိုက်နေပြီလို့ ပြောရမှာ ဖြစ်ပါတယ်။”
အခုလို မြန်မာစစ်အစိုးရက ရွေးကောက်ပွဲ ဥပဒေကို ထုတ်ပြန်ကြေညာလိုက်ပေမဲ့လည်း အမျိုးသားဒီမိုကရေစီ အဖွဲ့ချုပ်ကတော့ ရွေးကောက်ပွဲ ၀င်မယ်၊ မ၀င်ဘူး ဆိုတာကို အခုချိန်ထိ မဆုံးဖြတ်သေးဘဲ ရွှေဂုံတိုင် ကြေညာချက် မူအတိုင်း ဆက်လက်ရပ်တည်နေဆဲ ဖြစ်တယ်လို့ သိရပါတယ်။
ရွေးကောက်ပွဲ ဥပဒေ ဒေါ်စုအပေါ် ကန့်သတ်မှု လွန်ကဲ

10 March 2010
မြန်မာစစ်အစိုးရက နိုင်ငံရေးပါတီတွေ မှတ်ပုံတင်တဲ့ ဥပဒေကို ဒီနေ့ ထုတ်ပြန်ကြေညာလိုက်တဲ့ နေရာမှာ မြန်မာနိုင်ငံက အဓိက အတိုက်အခံ ပါတီကြီးတခု ဖြစ်တဲ့ အမျိုးသားဒီမိုကရေစီ အဖွဲ့ချုပ် (NLD) ပါတီ ခေါင်းဆောင် တဦးဖြစ်တဲ့ ဒေါ်အောင်ဆန်းစုကြည်လို အဓိကကျသူတွေ ပါဝင်ခွင့်တွေကိုတော့ ကန့်သတ်ထားတာ ဖြစ်ပါတယ်။ ဒီ့အတွက် NLD ပါတီက စစ်အစိုးရရဲ့ ရွေးကောက်ပွဲမှာ ပါဝင်နိုင်မယ့် အခြေအနေ ရှိ၊ မရှိ ဆိုတာကိုတော့ မကြာသေးခင်ကမှ နေအိမ်အကျယ်ချုပ်က ပြန်လွတ်လာတဲ့ ပါတီ ဒု-ဥက္ကဋ္ဌဖြစ်တဲ့ ဦးတင်ဦးကို ဗွီအိုအေ ၀ိုင်းတော်သူ ဒေါ်ခင်မျိုးသက်က ဆက်သွယ်မေးမြန်းပြီး တင်ပြပေးထားပါတယ်။
ဒီကနေ့ နိုင်ငံရေး ပါတီများ မှတ်ပုံတင်ခြင်း ဥပဒေကို တရားဝင် ကြေညာချက် ထုတ်ပါတယ်။ ဒါနဲ့ပတ်သက်ပြီး ဘဘအမြင် သိပါရစေ။


NLD ပါတီ ဒု-ဥက္ကဋ္ဌ ဦးတင်ဦး။
မတ် ၁၀၊ ၂၀၁၀။
“အခု သူတို့ ကြေညာချက်က ၁၉၉၀ ရွေးကောက်ပွဲက ထုတ်ပြန်ထားတဲ့ ကြေညာချက်ထက် ပိုပြီးတော့ အကန့်အသတ်၊ အပိတ်အပင်၊ အတားအဆီးတွေ များတာပေါ့ဗျာ။ Act တင်မဟုတ်တော့ဘူး၊ Rules and Regulations တွေကိုပါ Act အဖြစ် ထည့်ထားတဲ့သဘော များနေတယ်။ ကျနော်တို့က ဒါနဲ့ ပတ်သက်လို့ အားလုံး လေ့လာတုန်းလေ။ အဲဒါကို ကျနော်တို့ CEC ခေါ်ပြီး အားလုံး သေချာလေ့လာရမယ်၊ ညှိနှိုင်းကြမယ်။”
အခု ဒီထဲမှာ ဥပဒေ ပုဒ်မ ၄ ရော၊ ၁၀ မှာပါ ပါတီထူထောင်လိုတဲ့သူတွေ၊ ပါတီဝင်တွေဟာ ထောင်ဒဏ်ကျခံနေရသူ မဟုတ်ခြင်း ဆိုတာ ပါပါတယ်။ ဒါနဲ့ပတ်သက်ပြီး အန်တီစုကလည်း နေအိမ်အကျယ်ချုပ်ထဲမှာပဲ ရှိနေတယ်၊ NLD က ခေါင်းဆောင် တော်တော်များများကလည်း အကျဉ်းထောင်တွေမှာ ကျခံနေရတယ်ဆိုတော့ ဒါနဲ့ပတ်သက်ပြီး ဘဘအမြင် ပြောပြပေးပါ။
“အမှန်ကတော့ ကျနော်တို့ရဲ့ ခေါင်းဆောင်ဖြစ်တဲ့ ပုဂ္ဂိုလ်အတွက်နဲ့ ပတ်သက်လို့ အကန့်အသတ်တွေ ပိုလုပ်တာ ပါလာတာပေါ့ဗျာ။ သူက ရေးထားတာက ပြစ်ဒဏ်ကျခံပြီးရုံတင် မဟုတ်သေးဘူး၊ ပြစ်ဒဏ်ကျခံတာနဲ့ ပတ်သက်ပြီးတော့ အယူခံတင်သွင်းတဲ့ အချိန်အခါ၊ ပြင်ဆင်ချက် တင်တဲ့အခါ၊ ဆက်လက်ပြီးတော့ အထက်တရားရုံးကို တင်နေတဲ့ အချိန်အခါ အတောအတွင်း အထိပါ အကျုံးဝင်တယ် ဆိုထားတာကိုး။
“အမှန်ကတော့ လူတယောက်ဟာ အပြစ်ဒဏ် အောက်က ချပြီးပေမဲ့ ဟိုး ဗဟိုတရားရုံးထိပ် တက်ကြည့်တဲ့သူက မဆုံးဖြတ်သမျှ ကာလပတ်လုံး ဒါဟာ အပြစ်ရှိတယ်လို့ မယူဆတဲ့သဘော ရှိတာပေါ့ဗျာ။ အောက်ရုံးတော်က အပြစ်ဒဏ် ပေးထားတာတော့ မှန်တယ်ပေါ့။ ဒါပေမဲ့ အထက်ရုံးတွေ၊ အထက်ရုံးတွေနဲ့ ကျနော်တို့က အယူခံဝင်တာတို့၊ ပြင်ဆင်ချက် ၀င်တာတို့ လုပ်ထားတာပါ။ အဲတော့ အဲဒါတွေပါ အကျုံးဝင်တယ်ဆိုတော့ သူက အကြောင်းအမျိုးမျိုးနဲ့ အတားအဆီး၊ အကန့်အသတ်တွေ များလာတဲ့သဘော ဖြစ်တာပေါ့ဗျာ။
“သူတင်မကဘူး၊ အခြားအခြားသော အကျဉ်းကျနေတဲ့ ပုဂ္ဂိုလ်တွေ အားလုံးလည်း အလားတူပဲ သက်ရောက်အောင် လုပ်ထားတဲ့သဘော ရှိတာပေါ့။ အကန့်အသတ် များလွန်းတယ်၊ အချုပ်အချယ် များလွန်းတယ်လို့ပဲ မှတ်ယူရမှာပေါ့ဗျာ။”
အခု ပုဒ်မ ၆ အရဆိုရင် ၂၀၀၈ မှာ ဖွဲ့စည်းထားတဲ့ ပြည်ထောင်စု မြန်မာနိုင်ငံ ဖွဲ့စည်းပုံ အခြေခံဥပဒေကို ထိန်းသိမ်း စောင့်ရှောက်ရမယ်လို့ ပါပါတယ်။ NLD အနေနဲ့ကလည်း ဒီဖွဲ့စည်းပုံ အခြေခံဥပဒေကို ပြင်ခိုင်းထားတယ် ဆိုတော့ NLD ပါတီရဲ့ သဘောထားကို သိပါရစေ၊ ဒီပုဒ်မနဲ့ ပတ်သက်ပြီး။
“ကျနော်တို့က အခုထက်ထိ ရွှေဂုံတိုင် ကြေညာစာတမ်းကို ရပ်တည်ထားလျက်ပါပဲ။ အခုကတော့ အဲဒီအတိုင်းပဲ ရပ်တည်နေတယ်။ ဒီနေ့လည်းပဲ သံတမန်တွေ အများကြီး မေးကြပါတယ်။ ကျနော်တို့ကလည်း အဲဒီအတိုင်းပဲ ရပ်တည်လျက် ရှိတယ်ဆိုတာပဲ ဖြေပေးတာပေါ့လေ။ အရေးကြီးဆုံးက တခြားမဟုတ်ဘူးဗျ၊ ကျနော်တို့ ဒေါ်အောင်ဆန်းစုကြည် အနေနဲ့ သက်ဆိုင်ရာ စစ်ဘက်အကြီးအကဲဆီကို စာပို့ထားတာ ရှိတယ်လေ။ ဒါနဲ့ပတ်သက်လို့ ကျနော်တို့ ဗဟိုအလုပ်အမှုဆောင် အဖွဲ့ဝင်အားလုံး စုံညီနဲ့လည်း တွေ့ပြီးတော့ ဆွေးနွေးချင်တယ်။ ပြီးတော့ အဲဒီကတဆင့် သက်ဆိုင်ရာ အကြီးအကဲလုပ်တဲ့ ပုဂ္ဂိုလ်တွေနဲ့လည်း ဆွေးနွေးချင်တယ်၊ ဒီလိုပြောထားတာကို ဘာမှ ပြန်ခြင်း ပြုခြင်း မရှိဘူးဆိုတဲ့ သဘောပေါ့ဗျာ။
“အဲတော့ မပြန်ဘဲနဲ့ အခု ဒါကို ထုတ်တယ်ဆိုတော့ သူတို့အနေနဲ့ကတော့ ဒီအတိုင်း ဆက်သွားမယ်ဆိုတဲ့ အတိုင်းပေါ့။ ဒီအတိုင်း ဆက်သွားမယ်ဆိုတာ ကျနော်တို့က အရင်ကတည်းက သိပါတယ်လေ။ သို့သော်လည်း ကျနော်တို့ဘက်က လမ်းပွင့်အောင် လိုက်လံပြီးတော့ ဆောင်ရွက်နေတဲ့ ကိစ္စအ၀၀ကိုလည်း အဖွဲ့မရှိတဲ့ သဘောမျိုးလို ဖြစ်တဲ့သဘောကျတော့ ဒီအပေါ်မှာ မူတည်ပြီးတော့လည်း ကျနော်တို့က ဒေါ်အောင်ဆန်းစုကြည်နဲ့ တွေ့ခွင့် တောင်းထားပြီးတော့ အဲဒီအပေါ်မှာ အကျေအလည် ဆွေးနွေးပြီးရင် ကျနော်တို့ကလည်း ပြောစရာရှိတဲ့ ၀င်မလား၊ မ၀င်ဘူးလားဆိုတဲ့ အချက်အလက်ကို ပြတ်ပြတ်သားသား ပြောဖို့တော့ ကျန်တာပေါ့ဗျာ။
“အဲတော့ အချိန်အနေနဲ့ကလည်း အကန့်အသတ်ရှိတော့ ဒီအချိန်အတောအတွင်းမှာ တခုခုတော့ ကျနော်တို့ လုံလောက်တဲ့ အချိန်ယူပြီး ပြောမယ်ဆိုတဲ့ သဘောတော့ စဉ်းစားထားတာ ရှိပါတယ်လေ။
“နောက် ကျနော်တို့ CC ကလည်း ဖွဲ့စည်းထားတော့ CC အဖွဲ့အစည်းက လူတွေကလည်း နယ်တွေမှာ ဆင်းပြီးတော့ နယ်တွေနဲ့လည်း တွေ့နေတဲ့ အခြေအနေရှိတော့ အားလုံး နယ်သူနယ်သားတွေနဲ့ အဖွဲ့ဝင်တွေ အားလုံးရဲ့ သဘောထားတွေကိုလည်း ကျနော်တို့က ကျေကျေလည်လည် ကျေညက်အောင် လေ့လာပြီးမှ တခုခုတော့ ဆုံးဖြတ်ချက် ပေးရမယ်ဆိုတာ ဖြစ်ပါတယ်။ အဲဒီအခါကျမှပဲ ဆုံးဖြတ်ချက် ပေးနိုင်မှာ ဖြစ်တယ်။”
အခု သူက သတ်မှတ်ထားတာ ပုဒ်မ ၂၅ မှာဆိုရင် ရက်ပေါင်း ၆၀ အတွင်းမှာ ကော်မရှင်ကို မလျှောက်ထားရင် နိုင်ငံရေးပါတီ အဖြစ်က အလိုအလျောက် ပယ်ဖျက်ပြီးသား ဖြစ်မယ်ဆိုတော့ ရက်ပေါင်း ၆၀ အတွင်းမှာ အဘတို့ အခုလုပ်မယ်လို့ စီစဉ်ထားတဲ့ အဖွဲ့အစည်း အသီးသီးနဲ့ တွေ့ဆုံတာတွေ ပြီးမြောက်မယ်လို့ ယုံကြည်ပါသလား။
“ပြီးပါတယ်။ တနင်္လာနေ့ဆိုရင် အပြည့်အစုံ CEC ခေါ်ပြီး အကျေအလည် ပြောကြမှာပဲ။ အဲဒီနောက်ပိုင်း တနင်္လာနေ့မှာလည်း ထပ်ပြီးတော့ ဒီ ထူးခြားတဲ့ မှတ်ပုံတင်တဲ့ ရွေးကောက်ပွဲဆိုင်ရာ ကော်မရှင် ဥပဒေပေါ့၊ အဲဒါလည်း ထုတ်ထားတာရှိတော့ အဲဒီအပေါ်တွေမှာ၊ နောက် ထွက်မယ့် ဥပဒေတွေ၊ အကြောင်းချင်းရာတွေ အပေါ်မှာ၊ နောက်လည်း သူတို့ Candidates တွေနဲ့ ပတ်သက်လို့ လွှတ်တော်ကိုယ်စားလှယ် ရွေးတာတွေ ဘာတွေ ထွက်ဦးမှာကိုး။ နောက် ပြည်နယ်နဲ့ တိုင်း၊ အထူးဒေသကြီးအတွက် ကိုယ်စားလှယ်များနဲ့လည်း ထွက်ဦးမှာကိုး။
“အဲဒါတွေအားလုံး ခြုံငုံပြီးရင်တော့ တခုခုကို ပြောဖို့လိုတဲ့အတွက် ဒေါ်အောင်ဆန်းစုကြည်ကို မလွဲမသွေ တွေ့ခွင့်၊ ဆွေးနွေးနိုင်ခွင့်၊ ပြီးတော့မှ အဲဒီကတဆင့် နိုင်ငံတော် အကြီးအကဲနဲ့ တွေ့ဆုံနိုင်ခွင့် လုပ်ဖို့ဆိုတဲ့ဟာကို ကျနော်တို့ လေးလေးနက်နက် တောင်းဆိုထားတာ ရှိတယ်။ အဲဒီဟာတွေနဲ့ ပတ်သက်တဲ့ အချက်အလက်ပေါ် မူတည်ပြီးတော့ ကျနော်တို့က ပြတ်ပြတ်သားသား၊ ရဲရဲဝံ့ဝံ့ ဆုံးဖြတ်မှာ ဖြစ်တယ်လို့တော့ ပြောချင်ပါတယ်။”
ဥပဒေ အတားအဆီးတွေ ရှိပေမဲ့ NLD ဆက်လက်ရှင်သန်

11 March 2010
မြန်မာစစ်အစိုးရက လောလောဆယ် ထုတ်ပြန်လိုက်တဲ့ နိုင်ငံရေးပါတီများ မှတ်ပုံတင်ခြင်း ဥပဒေဟာ အမျိုးသားဒီမိုကရေစီ အဖွဲ့ချုပ်အတွက် အခက်အခဲ ဖြစ်စေတာမျိုးတွေ ရှိပေမဲ့ ပါတီအနေနဲ့ ဒီအခက်အခဲတွေကို ကျော်လွှားနိုင်စရာ နည်းလမ်းတွေ တွေ့လိမ့်မယ်လို့ ယုံကြည်ကြောင်း NLD ဒုတိယဥက္ကဋ္ဌ ဦးတင်ဦးက ဗွီအိုအေကို ပြောကြားလိုက်ပါတယ်။
နိုင်ငံရေးပါတီ ဖွဲ့စည်းရာမှာ ထောင်ဒဏ် ကျခံနေရသူတွေကို ပါတီဝင်အဖြစ် မစည်းရုံးရဆိုတဲ့ အချက်မှာ ဒေါ်အောင်ဆန်းစုကြည် အကျုံးဝင်တယ်ဆိုတဲ့ အချက်ကိုတော့ ဒေါ်အောင်ဆန်းစုကြည်ရဲ့ ရှေ့နေလည်းဖြစ်၊ ပါတီ ပြောခွင့်ရသူလည်း ဖြစ်တဲ့ ဦးဉာဏ်ဝင်းက ရှင်းပြခဲ့ပါတယ်။
ပထမဦးဆုံး ဒုတိယဥက္ကဋ္ဌ ဦးတင်ဦးက ရွေးကောက်ပွဲ ၀င်နိုင်မယ့် အခွင့်အလမ်းတွေ တွေ့လာနိုင်တယ်ဆိုတဲ့ အကြောင်းကို အခုလို ပြောပြခဲ့ပါတယ်။
“ကျနော်တို့ သေချာနားလည်တာကတော့ ဘယ်လောက်ပဲ အပေါ်က စည်းမျဉ်းတွေ ထုတ်ပြီး တားဆီးပိတ်ပင်မှုတွေ လုပ်နေသော်လည်း ရွေးကောက်ပွဲ ၀င်နိုင်မယ့် နည်းလမ်းတွေကတော့ ရှာကြံလို့ တွေ့မှာပဲလို့ ဒီလိုပဲ ယုံကြည်ပြီးတော့ အခု ဘာမှ စိတ်ထဲမှာ သိပ်ပြီးတော့ သောက ပူပန်ကြောင့်ကြခြင်း မရှိဘဲနဲ့ ရှေ့ဆက်ပြီး ကျော်လွှားနိုင်အောင် နည်းလမ်းတွေရှာပြီး စဉ်းစားနေဆဲ ဖြစ်တယ်။ ဒီနည်းလမ်းတွေကိုလည်း ကောင်းကောင်းမွန်မွန် အဖြေရှာလို့ တွေ့မယ်ဆိုတာလည်း ယုံကြည်နေတယ်။”
အမျိုးသားဒီမိုကရေစီ အဖွဲ့ချုပ်ကို မှတ်ပုံတင်လို့ မရနိုင်အောင် အာဏာပိုင်တွေက စီစဉ်နေပေမဲ့ ပြည်သူ့အားနဲ့ ငြိမ်းငြိမ်းချမ်းချမ်း ဆက်လက် ရှင်သန်နိုင်လိမ့်မယ်လို့လည်း ဒုတိယဥက္ကဋ္ဌ ဦးတင်ဦးက ဆက်ပြီး ပြောကြားသွားပါတယ်။
“ဟိုးအရင်ကတည်းက တနည်းနည်းနဲ့ ကျနော်တို့ကို ရှာကြံပြီးတော့ မှတ်ပုံတင်ခြင်းနဲ့ ပတ်သက်ပြီး တွက်ထားတာ။ အဲဒီအခြေအနေ တွက်ထားတဲ့ အတိုင်းပဲ ဖြစ်လာခဲ့သည်ရှိသော် တရားဥပဒေ စည်းကမ်းနည်းလမ်းနဲ့အညီ အေးချမ်းစွာ၊ ငြိမ်းအေးစွာ ဘယ်လိုကျော်လွှား ဖြေရှင်းကြမလဲ ဆိုတာကလည်း ဟိုး ရှေးဦးကတည်းက စဉ်းစားထားတာ။
“အဲတော့ ရှေးဦးမဆွ စဉ်းစားထားတဲ့ အတိုင်းပဲ အဲဒီနည်းလမ်းအရ အမျိုးသားဒီမိုကရေစီ အဖွဲ့ချုပ်ရဲ့ အလံတော်ဟာ ပြန်ပြီးတော့ ၀င့်ဝင့်ငွားငွားနဲ့ လွှင့်တင်ပြီး ပြန်လည်ပေါ်ပေါက်လာမယ် ဆိုတာကိုလည်း ယုံကြည်ထားတယ်။ ကျနော်ကတော့ ပျော်ပျော်ရွှင်ရွှင်ပဲ၊ ဘယ်သူမှလည်း စိတ်မညစ်ကြဘူး။ အကုန်လုံး ပျော်ပျော်ပါးပါးပဲ။
“ကျနော်တို့က ဒါနဲ့ပတ်သက်တာ အားလုံးကို ပြည်သူလူထုရဲ့ ဆန္ဒထဲမှာ တကယ် စစ်မှန်တဲ့ ဒီမိုကရေစီ လိုချင်တဲ့ဆန္ဒ တကယ်ရှိနေရင် ပြည်သူလူထုရဲ့ အားကို ကျနော်တို့ အားကိုးတဲ့အတွက် ပြည်သူလူထုရဲ့ မေတ္တာကြောင့် ဒေါ်အောင်ဆန်းစုကြည်ဟာ ဘယ်တော့မှ မညှိုးနွမ်းပါဘူးလို့ နားလည်ပြီး ပျော်ပျော်ရွှင်ရွှင်ပဲ ဒီမှတ်ပုံတင်အကြောင်းကို ၀မ်းပန်းတသာ ဖတ်နေတဲ့အကြောင်း၊ လေ့လာနေတဲ့အကြောင်း ပြောလိုက်စမ်းပါဗျာ။”
NLD ဒုတိယဥက္ကဋ္ဌ ဦးတင်ဦး ပြောပြသွားတာ ဖြစ်ပါတယ်။
ထောင်ကျခံနေရသူ ပါတီဝင် မဖြစ်စေရဆိုတဲ့ အချက်နဲ့ ဒေါ်အောင်ဆန်းစုကြည်ရဲ့ အနေအထားကိုလည်း ပြောခွင့်ရသူ ဦးဉာဏ်ဝင်းက အချက်အလက်နဲ့ ရှင်းပြပါတယ်။
“အကျုံးဝင်ပါတယ်။ ဘာလို့လဲဆိုတော့ ဒေါ်အောင်ဆန်းစုကြည်က ထောင်ဒဏ် ၃ နှစ်ကျတယ်။ တနှစ်ခွဲကို ဗိုလ်ချုပ်မှူးကြီးသန်းရွှေက ပယ်ဖျက်လိုက်တယ်။ ကျန်တဲ့ ကျခံရမယ့် ကာလကို အိမ်မှာနေဖို့ အမိန့်ချတယ်။ အဲတော့ အိမ်မှာနေနေတာဟာ ကျန်တဲ့ တနှစ်ခွဲကို ကျခံနေတာ။ ဒါကြောင့် အကျုံးဝင်တယ်လို့ အန်ကယ်တော့ ဒီအတိုင်းပဲမြင်တယ်။”
ဒီဥပဒေကြောင့် NLD ပါတီအဖို့ အင်မတန်မှ အရေးကြီးတဲ့ လမ်းဆုံလမ်းခွကို ရောက်နေတယ်လို့လည်း ဦးဉာဏ်ဝင်းက ဆက်ပြောသွားပါတယ်။
“ဘာဖြစ်နိုင်လဲလို့ဆိုရင် NLD က ဒီ ပါတီမှတ်ပုံတင်ခြင်း ဥပဒေနဲ့ စပ်လျဉ်းပြီးတော့ ဘာဆောင်ရွက်မလဲ ဆိုတဲ့ဟာ အရေးကြီးတယ်။ ဘာဆောင်ရွက်မလဲ ဆိုတာ အခုချိန်ထိ အဆုံးအဖြတ် မပြုနိုင်သေးဘူး။ ဒါ အဆုံးအဖြတ် ပြုနိုင်ရင်၊ ပါဝင်တယ်ဆိုရင် ဒေါ်အောင်ဆန်းစုကြည်ကို ပါတီက ထုတ်ပေးရမယ်။ မထုတ်ပေးရင် မှတ်ပုံတင် ပျက်မယ်။ မပါဝင်တော့ဘူးဆိုရင်တော့ ဒီပြဿနာ မရှိတော့ဘူး။ ဒါလည်း ပါတီပျက်မှာပဲ။ အဲတော့ NLD က အလွန်အရေးကြီးတဲ့ ဆုံးဖြတ်ချက်တွေ မကြာခင် ချရဖို့ ရှိပါတယ်။ လောလောဆယ်မှာတော့ ဒီဥပဒေနဲ့ ပတ်သက်ပြီးတော့ သီးခြား Comment တော့ အန်ကယ်တို့ သိပ်မပြောချင်ဘူး။ ဘာဖြစ်လို့လဲဆိုတော့ ဒါက စဉ်းစား ဆုံးဖြတ်ရမယ့်ဟာတွေ အများကြီး ရှိနေတဲ့အတွက်။”
NLD ပါတီ ပြောခွင့်ရသူ ဦးဉာဏ်ဝင်း ပြောပြသွားတာ ဖြစ်ပါတယ်။
ဥပဒေ အတားအဆီးတွေ ရှိပေမဲ့ NLD ဆက်လက်ရှင်သန်

11 March 2010
မြန်မာစစ်အစိုးရက လောလောဆယ် ထုတ်ပြန်လိုက်တဲ့ နိုင်ငံရေးပါတီများ မှတ်ပုံတင်ခြင်း ဥပဒေဟာ အမျိုးသားဒီမိုကရေစီ အဖွဲ့ချုပ်အတွက် အခက်အခဲ ဖြစ်စေတာမျိုးတွေ ရှိပေမဲ့ ပါတီအနေနဲ့ ဒီအခက်အခဲတွေကို ကျော်လွှားနိုင်စရာ နည်းလမ်းတွေ တွေ့လိမ့်မယ်လို့ ယုံကြည်ကြောင်း NLD ဒုတိယဥက္ကဋ္ဌ ဦးတင်ဦးက ဗွီအိုအေကို ပြောကြားလိုက်ပါတယ်။
နိုင်ငံရေးပါတီ ဖွဲ့စည်းရာမှာ ထောင်ဒဏ် ကျခံနေရသူတွေကို ပါတီဝင်အဖြစ် မစည်းရုံးရဆိုတဲ့ အချက်မှာ ဒေါ်အောင်ဆန်းစုကြည် အကျုံးဝင်တယ်ဆိုတဲ့ အချက်ကိုတော့ ဒေါ်အောင်ဆန်းစုကြည်ရဲ့ ရှေ့နေလည်းဖြစ်၊ ပါတီ ပြောခွင့်ရသူလည်း ဖြစ်တဲ့ ဦးဉာဏ်ဝင်းက ရှင်းပြခဲ့ပါတယ်။
ပထမဦးဆုံး ဒုတိယဥက္ကဋ္ဌ ဦးတင်ဦးက ရွေးကောက်ပွဲ ၀င်နိုင်မယ့် အခွင့်အလမ်းတွေ တွေ့လာနိုင်တယ်ဆိုတဲ့ အကြောင်းကို အခုလို ပြောပြခဲ့ပါတယ်။
“ကျနော်တို့ သေချာနားလည်တာကတော့ ဘယ်လောက်ပဲ အပေါ်က စည်းမျဉ်းတွေ ထုတ်ပြီး တားဆီးပိတ်ပင်မှုတွေ လုပ်နေသော်လည်း ရွေးကောက်ပွဲ ၀င်နိုင်မယ့် နည်းလမ်းတွေကတော့ ရှာကြံလို့ တွေ့မှာပဲလို့ ဒီလိုပဲ ယုံကြည်ပြီးတော့ အခု ဘာမှ စိတ်ထဲမှာ သိပ်ပြီးတော့ သောက ပူပန်ကြောင့်ကြခြင်း မရှိဘဲနဲ့ ရှေ့ဆက်ပြီး ကျော်လွှားနိုင်အောင် နည်းလမ်းတွေရှာပြီး စဉ်းစားနေဆဲ ဖြစ်တယ်။ ဒီနည်းလမ်းတွေကိုလည်း ကောင်းကောင်းမွန်မွန် အဖြေရှာလို့ တွေ့မယ်ဆိုတာလည်း ယုံကြည်နေတယ်။”
အမျိုးသားဒီမိုကရေစီ အဖွဲ့ချုပ်ကို မှတ်ပုံတင်လို့ မရနိုင်အောင် အာဏာပိုင်တွေက စီစဉ်နေပေမဲ့ ပြည်သူ့အားနဲ့ ငြိမ်းငြိမ်းချမ်းချမ်း ဆက်လက် ရှင်သန်နိုင်လိမ့်မယ်လို့လည်း ဒုတိယဥက္ကဋ္ဌ ဦးတင်ဦးက ဆက်ပြီး ပြောကြားသွားပါတယ်။
“ဟိုးအရင်ကတည်းက တနည်းနည်းနဲ့ ကျနော်တို့ကို ရှာကြံပြီးတော့ မှတ်ပုံတင်ခြင်းနဲ့ ပတ်သက်ပြီး တွက်ထားတာ။ အဲဒီအခြေအနေ တွက်ထားတဲ့ အတိုင်းပဲ ဖြစ်လာခဲ့သည်ရှိသော် တရားဥပဒေ စည်းကမ်းနည်းလမ်းနဲ့အညီ အေးချမ်းစွာ၊ ငြိမ်းအေးစွာ ဘယ်လိုကျော်လွှား ဖြေရှင်းကြမလဲ ဆိုတာကလည်း ဟိုး ရှေးဦးကတည်းက စဉ်းစားထားတာ။
“အဲတော့ ရှေးဦးမဆွ စဉ်းစားထားတဲ့ အတိုင်းပဲ အဲဒီနည်းလမ်းအရ အမျိုးသားဒီမိုကရေစီ အဖွဲ့ချုပ်ရဲ့ အလံတော်ဟာ ပြန်ပြီးတော့ ၀င့်ဝင့်ငွားငွားနဲ့ လွှင့်တင်ပြီး ပြန်လည်ပေါ်ပေါက်လာမယ် ဆိုတာကိုလည်း ယုံကြည်ထားတယ်။ ကျနော်ကတော့ ပျော်ပျော်ရွှင်ရွှင်ပဲ၊ ဘယ်သူမှလည်း စိတ်မညစ်ကြဘူး။ အကုန်လုံး ပျော်ပျော်ပါးပါးပဲ။
“ကျနော်တို့က ဒါနဲ့ပတ်သက်တာ အားလုံးကို ပြည်သူလူထုရဲ့ ဆန္ဒထဲမှာ တကယ် စစ်မှန်တဲ့ ဒီမိုကရေစီ လိုချင်တဲ့ဆန္ဒ တကယ်ရှိနေရင် ပြည်သူလူထုရဲ့ အားကို ကျနော်တို့ အားကိုးတဲ့အတွက် ပြည်သူလူထုရဲ့ မေတ္တာကြောင့် ဒေါ်အောင်ဆန်းစုကြည်ဟာ ဘယ်တော့မှ မညှိုးနွမ်းပါဘူးလို့ နားလည်ပြီး ပျော်ပျော်ရွှင်ရွှင်ပဲ ဒီမှတ်ပုံတင်အကြောင်းကို ၀မ်းပန်းတသာ ဖတ်နေတဲ့အကြောင်း၊ လေ့လာနေတဲ့အကြောင်း ပြောလိုက်စမ်းပါဗျာ။”
NLD ဒုတိယဥက္ကဋ္ဌ ဦးတင်ဦး ပြောပြသွားတာ ဖြစ်ပါတယ်။
ထောင်ကျခံနေရသူ ပါတီဝင် မဖြစ်စေရဆိုတဲ့ အချက်နဲ့ ဒေါ်အောင်ဆန်းစုကြည်ရဲ့ အနေအထားကိုလည်း ပြောခွင့်ရသူ ဦးဉာဏ်ဝင်းက အချက်အလက်နဲ့ ရှင်းပြပါတယ်။
“အကျုံးဝင်ပါတယ်။ ဘာလို့လဲဆိုတော့ ဒေါ်အောင်ဆန်းစုကြည်က ထောင်ဒဏ် ၃ နှစ်ကျတယ်။ တနှစ်ခွဲကို ဗိုလ်ချုပ်မှူးကြီးသန်းရွှေက ပယ်ဖျက်လိုက်တယ်။ ကျန်တဲ့ ကျခံရမယ့် ကာလကို အိမ်မှာနေဖို့ အမိန့်ချတယ်။ အဲတော့ အိမ်မှာနေနေတာဟာ ကျန်တဲ့ တနှစ်ခွဲကို ကျခံနေတာ။ ဒါကြောင့် အကျုံးဝင်တယ်လို့ အန်ကယ်တော့ ဒီအတိုင်းပဲမြင်တယ်။”
ဒီဥပဒေကြောင့် NLD ပါတီအဖို့ အင်မတန်မှ အရေးကြီးတဲ့ လမ်းဆုံလမ်းခွကို ရောက်နေတယ်လို့လည်း ဦးဉာဏ်ဝင်းက ဆက်ပြောသွားပါတယ်။
“ဘာဖြစ်နိုင်လဲလို့ဆိုရင် NLD က ဒီ ပါတီမှတ်ပုံတင်ခြင်း ဥပဒေနဲ့ စပ်လျဉ်းပြီးတော့ ဘာဆောင်ရွက်မလဲ ဆိုတဲ့ဟာ အရေးကြီးတယ်။ ဘာဆောင်ရွက်မလဲ ဆိုတာ အခုချိန်ထိ အဆုံးအဖြတ် မပြုနိုင်သေးဘူး။ ဒါ အဆုံးအဖြတ် ပြုနိုင်ရင်၊ ပါဝင်တယ်ဆိုရင် ဒေါ်အောင်ဆန်းစုကြည်ကို ပါတီက ထုတ်ပေးရမယ်။ မထုတ်ပေးရင် မှတ်ပုံတင် ပျက်မယ်။ မပါဝင်တော့ဘူးဆိုရင်တော့ ဒီပြဿနာ မရှိတော့ဘူး။ ဒါလည်း ပါတီပျက်မှာပဲ။ အဲတော့ NLD က အလွန်အရေးကြီးတဲ့ ဆုံးဖြတ်ချက်တွေ မကြာခင် ချရဖို့ ရှိပါတယ်။ လောလောဆယ်မှာတော့ ဒီဥပဒေနဲ့ ပတ်သက်ပြီးတော့ သီးခြား Comment တော့ အန်ကယ်တို့ သိပ်မပြောချင်ဘူး။ ဘာဖြစ်လို့လဲဆိုတော့ ဒါက စဉ်းစား ဆုံးဖြတ်ရမယ့်ဟာတွေ အများကြီး ရှိနေတဲ့အတွက်။”
NLD ပါတီ ပြောခွင့်ရသူ ဦးဉာဏ်ဝင်း ပြောပြသွားတာ ဖြစ်ပါတယ်။
စိန်ခေါ်မှုတွေကို ညီညွတ်စွာ ရင်ဆိုင်ကြဖို့ ဒေါ်စု တိုက်တွန်း

11 March 2010
ရွေးကောက်ပွဲ ဥပဒေဟာ NLD ကိုရော၊ မြန်မာပြည်သူ အားလုံးအတွက်ပါ စိန်ခေါ်မှုတရပ် ဖြစ်ပြီးတော့ ဒီစိန်ခေါ်မှုကို ရင်ဆိုင်ကြဖို့ ပြည်သူတွေအားလုံး ညီညွတ်ဖို့ လိုအပ်တယ်လို့ ဒေါ်အောင်ဆန်းစုကြည်က ပြောဆိုလိုက်ပါတယ်။ ဒါနဲ့ပတ်သက်ပြီး နေအိမ်အကျယ်ချုပ် ကျခံနေရတဲ့ ဒေါ်အောင်ဆန်းစုကြည်ကို ဒီနေ့ သွားတွေ့ခွင့် ရခဲ့တဲ့ ရှေ့နေကြီး ဦးဉာဏ်ဝင်းကို ဒေါ်ခင်မျိုးသက်က ဆက်သွယ်မေးမြန်းပြီး တင်ပြပေးထားပါတယ်။
မြန်မာစစ်အစိုးရ ထုတ်ပြန်လိုက်တဲ့ ရွေးကောက်ပွဲဆိုင်ရာ ဥပဒေတွေနဲ့ ပတ်သက်ပြီး ဒေါ်အောင်ဆန်းစုကြည်ရဲ့ အမြင်သဘောထားကို သိနိုင်ဖို့အတွက် ဒေါ်အောင်ဆန်းစုကြည်ရဲ့ အမှုကိစ္စနဲ့ ပတ်သက်ပြီး ဒီနေ့ တွေ့ခွင့်ရခဲ့တဲ့ အကျိုးဆောင် ရှေ့နေကြီး ဦးဉာဏ်ဝင်းကို မေးကြည့်ပါတယ်။
“ဒေါ်စုပြောတာက ဒီဥပဒေတွေက ဖတ်လိုက်တာနဲ့ ပုဂ္ဂိုလ်တဦးတယောက်ကို ရည်ရွယ်ပြီး ရေးတယ်လို့ ထင်စရာ ဖြစ်နေတယ်တဲ့။ အဲဒီလို ပုဂ္ဂိုလ်တဦးတယောက်ကို ရည်ရွယ်ပြီး ရေးတယ်ဆိုရင် အလွန်ရှက်ဖို့ ကောင်းတာပဲတဲ့။ ဒီဥစ္စာ မဖြစ်သင့်ဘူးတဲ့။ ဥပဒေရဲ့ ဂုဏ်သိက္ခာလည်း ကျဆင်းစေတယ်တဲ့။ အဲဒီလို ပြောလိုက်ပါတယ်။
“တစုံတယောက်၊ ပုဂ္ဂိုလ်တဦးတယောက်ကို ရည်ရွယ်ပြီး ရေးသားတယ်လို့ ထင်မြင်စရာ ပေါ်နေတယ်။ အဲဒီလို ထင်မြင်ချက် ပေါ်တာကိုက မကောင်းဘူး။ ဒါဟာ တဦးတယောက်အတွက် ဥပဒေ မဖြစ်သင့်ဘူး။ ဥပဒေရဲ့ ဂုဏ်သိက္ခာကို ထိခိုက်စေတယ်။ ရှက်ဖို့ကောင်းတယ်လို့ ပြောပါတယ်။”
“ဒေါ်အောင်ဆန်းစုကြည် ပြောတာကတော့ ဒီဥပဒေတွေက အဖွဲ့ချုပ် အတွက်ရော၊ အားလုံးအတွက်ပါ တကယ့် စိန်ခေါ်မှုတွေပဲ။ အဲဒီစိန်ခေါ်မှုတွေကို ရင်ဆိုင်ဖို့ ညီညီညွတ်ညွတ်နဲ့ ရင်ဆိုင်ကြဖို့ လိုတယ်။ ပြည်သူလူထုကလည်း ဒီစိန်ခေါ်မှုတွေကို ရင်ဆိုင်ဖို့၊ စိန်ခေါ်မှုတွေကို ကျော်ဖြတ်နိုင်ဖို့ ညီညွတ်ဖို့၊ စိတ်ဓာတ်ခွန်အားတွေ ရှိဖို့ လိုတယ်လို့ အဲဒီလို ပြောတာပါ။ ဒီစိန်ခေါ်မှုတွေကို ရင်ဆိုင်နိုင်ဖို့၊ ကျော်ဖြတ်ဖို့၊ ကျော်လွန်ဖို့၊ အောင်မြင်ဖို့ဟာ ပိုပြီးတော့ ညီညွတ်မှု ရှိရှိနဲ့ ဆောင်ရွက်ဖို့ စိတ်ဓာတ်တွေကို ဖြစ်ပေါ်စေတယ်တဲ့။”
အခု ပါတီက ရက်ပေါင်း ၆၀ အတွင်းမှာ မှတ်ပုံမတင်ရင် ဒီပါတီက ဖျက်သိမ်းရမယ်ဆိုတော့ အန်တီစု အနေနဲ့ ပါတီရဲ့ ရပ်တည်မှုနဲ့ ပတ်သက်တဲ့ သဘောထား ဘယ်လိုရှိပါသလဲ။
“အဲဒီဟာကတော့ အလုပ် လုပ်ကြရမယ်။ ဒီအချက်နဲ့ ပတ်သက်ပြီး၊ ဒီ ထုတ်ပြန်တဲ့ ဥပဒေတွေနဲ့ ပတ်သက်ပြီး ဘယ်လို ဆောင်ရွက်သင့်တယ် ဆိုတာကို ဒေါ်အောင်ဆန်းစုကြည်က သူ့ရဲ့ တွေးခေါ်မှုတွေကို ပြောလိုက်ပါတယ်။ အဲဒီတွေးခေါ်မှုတွေကတော့ လောလောဆယ် ကျနော် ထုတ်ပြန်ဖို့ မရှိသေးပါဘူး။ ဒါ CEC အဖွဲ့မှာ တင်ပြပြီးတော့ အဲဒီက အလုပ်လုပ်တဲ့ အခါကျရင်တော့ ကျနော်တို့ ပြောပါမယ်။”
ရွေးကောက်ပွဲ ကော်မရှင် ဥပဒေနဲ့ နိုင်ငံရေးပါတီများ မှတ်ပုံတင်ခြင်း ဥပဒေ နှစ်ခုကို အန်တီစုအနေနဲ့ နောက်ထပ် ဘယ်လိုဝေဖန်တာမျိုး ရှိပါသေးလဲ။
“ဒီဥပဒေတွေကတော့ တဖက်သတ် ရေးထားတဲ့ ဥပဒေတွေပဲတဲ့။ မျှတမှု မရှိဘူး၊ သူတို့လိုချင်တဲ့ ဟာကိုလည်း သူတို့က ပွင့်ပွင့်လင်းလင်း ပြောင်ပြောင်တင်းတင်းပဲ ရေးထားတော့ ဒါလည်း တမျိုးတော့ ကောင်းပါတယ်တဲ့။ ပြည်သူလူထုက သူတို့သဘောထားကို အလွယ်တကူ သိရတာပဲလို့ အဲဒီလို ပြောပါတယ်။”
ရှေ့နေကြီး ဦးဉာဏ်ဝင်း ပြောပြခဲ့တာ ဖြစ်ပါတယ်။
ဒေါ်အောင်ဆန်းစုကြည်ကို နေအိမ်အကျယ်ချုပ် ၁၈ လ ထပ်မံချထားခဲ့တဲ့ အမှုအတွက် အထူးအယူခံ တင်သွင်းဖို့ ကိစ္စကိုလည်း ဆွေးနွေးခဲ့တယ်လို့ ပြောပါတယ်။
“ကျနော်တို့ တရားရုံး သွားပြီးတော့ ဒေါ်စုရဲ့အမှုတွေ ရေးထားတာတွေ အတည်ပြုချက် ယူတာပါ။ ၂၆ ရက်နေ့က တရားရုံးချုပ်က ချမှတ်တဲ့ အမိန့်၊ ဒီအမိန့် မိတ္တူတွေကို မနေ့ကမှ ရတယ်။ အဲဒီရတဲ့ မိတ္တူတွေကို ဒေါ်စုကို ပြတယ်။ ဒီအထဲက ကျနော်တို့ တန်ပြန်တင်ပြဖို့ အချက်တွေကို ဆွေးနွေးတယ်။
“အမှုသွား အမှုလာက ဥပဒေအရ ရှင်းတယ်။ ဒေါ်စုက ဘာအပြစ်မှ မကျူးလွန်ဘူး။ နောက်ပြီးတော့ သူတို့ အရေးယူတာတွေလည်း အကုန်မှားနေတယ်။ ဒါတွေကို ကျနော်တို့ ထောက်ပြတာ။ အခြေအနေကတော့ အမြန်ဆုံး တင်နိုင်ဖို့ ကျနော်တို့ ကြိုးစားနေတယ်ဆိုတာ ပြောချင်တယ်။”
ဒေါ်အောင်ဆန်းစုကြည်ရဲ့ ရှေ့နေကြီး ဦးဉာဏ်ဝင်း ပြောပြခဲ့တာ ဖြစ်ပါတယ်။